Sunday , October 22 2017

Извештај на ЕУ: Ромите сè уште живеат во тешки услови

Извештај на ЕУ: Ромите сè уште живеат во тешки услови

Осумдесет проценти од вкупно 34.000 Роми анкетирани во девет земји-членки на Европска унија, се изложени на опасност од сиромаштија, а земјите-членки не успеваат да го интегрираат тоа малцинство, покажуваат резултатите од истражувањето на Агенцијата на ЕУ за основните права (ФРА).

Според извештајот за 2016 година приближно една третина од анкетираните Роми живеат без вода во домовите, а 46 отсто немаат тоалет, туш или бања во домот.

– Маргинализацијата и дискриминацијата на најголемото малцинство во Европа е сериозен неуспех на законот и политиката на ЕУ и нејзините земји-членки – изјави директорот на Агенцијата Мајкл О’Флахарти.

Анкетата покажува дека една третина од ромските деца барем еднаш месечно легнуваат гладни, а 50 проценти од Ромите на возраст од шест до 24 години не посетуваат училиште. Околу 40 отсто од анкетираните изјавиле дека се чувствуваат дискриминирани кога бараат работа, домување, здраствена заштита и образование.

Во извештајот е нотирано извесно подобрување во споредба со положбата на Ромите во 2011 година, кога беше реализирана претходната анкета на Агенцијата.

Агенцијата на ЕУ за основните права потенцира и дека сè уште е присутна голема сиромаштија на Ромите во Бугарија, во Чешка, во Грција, во Шпанија, во Хрватска, во Унгарија, во Португалија, во Романија и во Словачка.

Chitingen li akava?

Eurorom diken promocija tari analiza ” Slikata za Romite vo makedonskite mediumi”

Erat sine promocja tari analiza “Slikata na Romite vo makedonskite mediumi” kote so sar izdavachi …

Taro 18:00 live stream Tema: OLeonardo thaj koj dengjale arka !!?

Erat taro 18:00 ki emisija Eurorom ka diken emisija ko live stream ili direktno prenos …