Sunday , February 19 2017

Bahtalo nevo bersh Romalen !!!

Nakela panda jek  kalanedarsko bersh.So promenisalilo ko naklo bersh?Saj li te damen godi basho sa o bukja kola so manglem te pergjon amenge?Save resarina chivgjem angle amende thaj dali doreslem len?Uljem li poshukar manusha ko odnos e bersheske so nakela ?

Uvek sine mange  interesno te dikav te shunav  sar o manusha  adzikerena o nevo bersh, angleder nekobor  dive  kerena hazri so ka kinen so ka spreminen hajbaske pijbaske, sar ka kitinen i elka, koj kote ka dzal thaj kote ka dzakerel thaj kasaja ka dzakerel o nevo bersh.

BahtaloNa mangaja te muka nisto baso slucajnost barem akava dive keda saraine koj kote  ka hal ka pijel ka khelel thaj barem akava dive ka bistrel o chorolipa, i muka thaj o neizvesnost so ka anel leske o nevo bersh.

Hari, pohari, ake  resaja  ko nevo bersh.Buteder amendar gndinena kaj ka ovel poshukar ano nevo bersh, ka ovelamen nada kaj neko ka cidel o uchkuri  te ikavelamen tari provalija .

Amen sijem chace simpatichno narodo,zabavno,manusha kola so ponovo ponovo non stop vrtinenape ko krugo a bas odoleske isijeman amari harizma so cidelamen taro prokletikano zacarimo krugo.Adaleske niked na bi mangava sine te ovav javer sem Rom bez razlika  kozom sijem sar sijem thaj kote sijem.

Interesno sijem sar narodo , kana non stop hovavaja amen , hovavaja averen, interesno sijem narodo so  sekogas  thaj sekogas  mukaja disavi bagra te  cidelamen taro nakh, oja, odova talo o dzivdipe kova so amen izmislingem amenge thaj na mangaja nikasaja te ulavale.Amen mangaja amari phuv kote te ova te ova,iako amari phuv na mangelamen,  amen trudnajamen ko sako chekori te zamangelamen, thaj ko sako nevo bersh trudinajeman te ovel amenge sa posukar taro naklo bersh bizo korkorutne akcije, nego akcije taro javera  kola so na dzanena amare dukha.

Chache, nali interesno narodo sijem ka pakujna i purano a , ka otpakujna o nevo bersh mangipaja sa najsukar  amare najpasenge, amare amalenge  dostenge,ka buvljara i sofra, kolatar ka  buvljarelpes o miris tari sarma , kifle  peko mas , ka buvlajrelpes  i radost e chavengiri koj so dobingja neve bersheske dzi kote sine hari vakti lengere roditelen te  peren lengere chavorikane  mangipa.
Ka pija ka veselinamen te pene  tajsa ka avel o  kijametno dive, thaj ich na ka  razmislina kaj palo mamurluko palem iranajemen  ani relanost ano amaro dzivdipe perdo sako le diveskree borbaja basi ehzistencija.

Thaj agjar taro bersh ko bersh sa isto sa vrtinelape ko odova zacarimo romano krugo, sa acola isto sem so phujrovaja.

Mangava  savorenge te bahtarav o nevo bersh, sa so sine  shukar ko purano bersh neka pratinel tumen thaj ko nevo bersh, sa so sine bishukar ko purano bersh neka dzalpeske leja.

Chitingen li akava?

Online debata: Studentite po medicina i romskite sosedi- 3 emisija

Online debata: Studentite po medicina i romskite sosedi- 3 emisija Emisijata e realizirana kako del …

Адемов: Да им помогнеме на Демирови , кои настрадаа во пожар

Седумчленото семејство Демирови од Штип, чија што куќа изгоре до темел, остана и без единствената …