Thursday , September 21 2017

Avgo puti palo 99 berš ka ovel temnibe e khameskoro ki  Amerika!!!

Avgo puti palo 99 berš, avdie ki teritorija tari Amerika ka ovel temnibe e khameskoro, havlarena tari Amerikansko vselensko agencija NASA.

O sasto temnibe e khameske, kova desinelape sekova 12 dzi ko 18 masek negde ko sumnal, nane uvek diklo ko naselenie, sebepi so desingola upreder nesavo okeani, dikibaja ko adava kaj i phuv ki koja isi temnibe tani učhardi panjea.

Akava ka ovel o avgo temnibe upral i Amerika ko 21to veko taro 1991 berš, keda tegani o temnibe e khameskoro sine diklo samo taro Havai.

Amerikansko vselensko agencija NASA havlarga, o temnibe ka šhurakerel ko Oregon, ki zapadno Amerika, taro 10 o ari, a palo odova ka ovel diklo ko panda 14 sojuzna države.

O temnibe valjanela te agorkerel ko 14:48 o ari palo lokalno vakti paše Čarlston ki Južno Karolina.

Paše 12 milionija Amerikancija dzivdinena ko podačje kote so ka ovel diklo akava astronomsko fenomeni.

Akava temnibe e khameskoro tano importantno nastani e ekspertenge, kola so ola tegani ka šaj sikljon thaj istražinen o upruno kotor tari atmosfera  e Khameske, so obično našti dikelpe, a tani površina taro nekobor kilometrija.

Temnibe e khameskoro tani astronomsko pojava koja desingola keda i mesečina nakhela taro kham  thaj i phuv, a i Mesečina delumno blokirinela o kham. Akava šaj desinelpe samo e terne mesečinake , keda o kham thaj  i mesečina tane ko kunjukcija keda dikenape tari phuv ko halojbe. Ko sasto temnibe , o disko taro kham tano učhardo tari mesečina.

Ko sasto temnibe e Khameske, Mesečinakoro disko učharela e khame, o temnibe šaj nabljudinelpe taro relativno tesno pojasi e phuvjake prema ko nakibe i senka tari mesečina. Ko momenti angledere o sasto temnibe , keda o palune zrakija taro kham khuvena pe palo mesečinakoro disko,tegani desinelape o pojavibe e anavkerdo „dijamantsko angrustik“ akava pojavibe šaj te dikelpe palo temnibe.

Ekspertija uvek vakerena, predupredinena e dizutnen te protektirinen pe jakha ko vakti e nabljudibaskoro taro akava fenomeni.

akate šaj pratinen direkno o temnibe e khameskoro  taro amaro vakti Makedonijakoro 18:00 o ari.

https://www.nasa.gov/eclipselive/#NASA+TV+Public+Channel

 

Chitingen li akava?

Improvizirimo eksplozivi ko London!!!

Londonsko policija havlarela ka i jag ko metro ki diz sine vazdimi taro improvizirimo eksplozivi …

5 Prezidentija tari Amerika bašo dejbe jekutni arka taro uraganiija!!!

Taro momenti keda o prezidentija ka dzanpeske tari funkcija, olenge šhurakerela dzivdišaskiri penzija , numa …