Thursday , August 24 2017

Britanco uravdo sar dzihadisti vazdinga dar ki Hrvatska!!!

Britanco kerga bari panika ki Hrvatska: uragape sar dzihadisti thaj vazdinga dar maškar o dizutne, numa palo odova ov havlarga kaj samo šalinelape thaj agar I uravdo tari zabava!!!

Britansko turisti phirela sine mato ko Hrvatska droma uravdo sar dzihadisti, hramonena o Hrvatska mediumija.

Ko šero sinele šamija, upral leskiri snaga sine le hovavno bombaško pojas, a ko vasta ikerela sine imitacija puška, hramonela Slobodna Dalmacija.

Leskiri pojava šokiringa sarinen kola so dikle le, akava mato turisti jail imitacija taro “teroristi”, pa pe amalencar khuga ko popularno Hrvatsko klubi “BB Club”.

“Keda khuge andre rumisalilo o kefi thaj o ambienti andre ko bari, sarine sine šokirime thaj nervozna” vakerela Sofi Mesar, jek taro svedokija , havlarela Jutarnji List.

“ maj bilačhe si so tane Britancija, o terorističko atako kova so sine ki Britanija sine but bilačho, dzandle save reakcije ka vazden, sine but bizo oset olendar” vakerela akaja manušni kova so dikla akalen “hovavne dzihadisten”.

Akava Britanco namangla te vakerel po anav, numa vakerga: “ me na sium teroristi, me sium somalisko pirati, palo akava dzaja ko brodo amen samo šalinajamen agar”.

Palo adava jek taro amala afi kergape sarinenge so sine andre ko adava bari, thaj vakerga kaj nikaske namangle zulumi te keren, samo mangle te khelenpeske thaj šalinenpe.

Chitingen li akava?

Taro pustoši dzi ko tropsko dzeneti: 37 berš sadinela sine sekova dive po jek kaš!!!(VIDEO)

Taro bi kontrolirimo čhinibe e kaštengoro, anga o  majbaro ostrovi tari len Brampatura, ko ostrovi …

Dali akava tano majopasno selfi kerdo bašo sa o vaktija?!!!(VIDEO)

Ko video dikola kaj nekobor gurpna adrenalinska čhave pozirinena ki zgrada učhi 450 metre ki …