Kjani IbraimNovember 20, 2017

3min126

Milutin Staničič: Sarine te kera networko dejbaske arka.

Milutin Stančič kova si direktori ki uprava bašo anglodzajbe e čhibjenge e khedinengje ko intervju baši 24vakti.mk vakerga kaj i Romani khedin kerga baro admi angle e ulajbaja stipendije thaj adava si jek baro sukcesi.

Adava so sekirinela le si o hali tari Romani čhib  taro pobuter sebepija sar so si taro govrementeskoro sektori, taro politikane prestavnikija,tari uprava, sa dzi ko Ministeriumi bašo educiribe thaj nauka isilen različno dikhiba bašo hali kolea so arakhela pe i Romani čhib.

Sa dzi ko timi kova so prijavinelape ko konkursija, o nanibe putstikija, aghar o založiba bašo  prevodija taro I sa dzi ko IX klasi thaj implementacija baši redovno  nastava so prema leskoro dikhiba isile različno pristap thaj nane jasno slika bašo sa adava.

Ov vakerga  kaj ko avga kontaktija e ministereja bizo resor Samka Ibraimovski thaj leskere kabineteja, barabar e biradzakere organizacijencar iniciringum jek dikhiba thaj gndinava kaj ka ovel ko masek Dekemvri thaj valjanela te ovel realizirimo te šaj te arakhelpe čačutni slika bašo akava problemi.

O direktori Stančič ko plo angžami ko jek fizičko dikhiba ko dizja Prilep thaj Bitola arkhlape ko hali thaj ko rodibe taro jerije bašo sikljojbe o Alusaribaskoro predmeti, numa prema ko leskere analize bašo adava nane kadar bašo adala dizja, iako o jerije rodena adava thaj valjanela lenge, ko jek šaj rodena javera da jerieja ko javera dizja šaj adarai da tano asavko o hali soj tano sekiribaske.

Ko pučibe ko savo hali tano akana i Romani khedin ko pole taro educiribe, o direktori Stančič vakrga kaj si adava najasno slika oleske panda, thaj isi pobuter problemija sar so si administrativna pokazatelija, problemi e čhavencar irame taro stranstvo, isi but problemija ki akaja khedin soske o problemi si but ranlivo thaj osetlivo, adaleske valjanela te kera jek  networko te šaj rešina o problemi e Romane khedinjakoro.

„Sa o aktivnostija ka thavden ponadari, ka ovav ki komunikacija e instituciencar thaj ka založinaman ko tereni te šaj rešinelpe  thaj cidenpe o problemija“ vakerga Milutin Stančič, direktori e upravake bašo razvibe thaj anglodzajbe e educiribaske e čhibjengoro e khedinenge.

pobuter dikhen ko intervju:


Sali MemedNovember 17, 2017

1min91

Amari ekipa taro 24vakti angleder nekobor divesa sinelen intervju e Romane fudbalereja Emil Abaz o sine kerdo ko vakti kana kerenape sine potgotovke bashi kvalifikacije so kelenape ki Polska.
Palo  duj utakmice i Makedobnija u19 kote so kelela o Emil Abaz nashavgja tari Polska 0:4 thaj tari Severna Irska 1:2. Tajsa kelela so Slovachka kote so nashavgepe o sajdipe te ovem mashkar o duj so ka kelen ko Evropsko prvenstvo dzi 19 bersh.
Amaro chavo  kelgja sa o mechija 90 dakikija thaj sine jek taro majshukar ki Makedonijakiri reprezentacija, numa bezahaske nasavge duj mechija tajsa kelena panda jek.

Diken eksluzivno intervjue romane najbare talenteja ko momenti ko Fudbal Abaz savo kelela ko akava momenti ko Dinamo Zagreb thaj isile jeke bersheskoro Kontrakti akale klubeja tari Hrvatska.

Pobuvleste diken ko Intervju ko amaro portali…

 


Sali MemedNovember 17, 2017

2min109

O Roma tane siguriteteja ki akaja phuv si lengiri jekajek sar amari amen sijem ko jek than thaj si daj amenge i Makedonija sar e albanconge agjar thaj e romenge thaj javera etnikumija mashkar javer vakergja, o lideri taro SDSM o Zoran Zaev ko intervju bashi 24vakti.mk

Ko puchiba dali si i Makedonija dzala ko binacionalno koncepti thaj them kote so salde kerelape lafi bashi duj etnikumija Albancija thaj Makedoncija o Zaev vakeribaja kaj akava opstestvo sarinenge bizo thaj o Roma neka custvinepe but shukar odoleja so i ola tane kotor taro procesija ki them kote so ka integririnalen.

Mashkar javer o Zaev vakerela kaj o terne Roma ka oven ko leskere programe chivde kote so ka lelpe than taro intelektalcija Roma save so si educirime thaj akate te ikeralen te na dzan avrijal tari Phuv mora te koristina lengee kapacitetija bashi poshukar sarinenge ki Makedonija.

Jekajek vakergja kaj ki izvrsna vlast ka chivel manushen ko adala tane save so direktno ka vlijajnel ko kreiriba politika bashi o Roma sar thaj pobare ingerencije ki Them bashi integracija e romengiri.

Ko lokalno nivelo dengja negde adzikerelape septemvri ja oktmvri te ikerenpe lokalna alusariba thaj akansek ko puchiba sao profili taro dizajkoro serutno ka ikeren o Sdsm vakergja kaj o dzijani savo ka birinel kaske ka de pobuer shajdipe taro lokalno nivelo olen ka ikerel o SDSM.

Salde odova mansuh te ovel educirimo thaj te ovele dzandipe te kerel odova..

Diken pobuter ko Video intervju e prezidenteja taro sdsm Zoran Zaev…

 


Sali MemedNovember 17, 2017

2min135

Vjolca Mbiara: Džanav kote avava thaj kobor udžarena man

I albanikani si miri dajakiri čhib, numa havav thaj makedonikani a an i ordinacia ka ovel aver personalo thaj džanava kaj ka ovel amen lačhi komunikacia.

An i ambulanta an o Šuto Orizari , kote lungo berša napalal na sine ginekologo ko sig vakti ka kerel buti i doktorka Vjolce Mbiara, specijalisti -ginekologo tari Albania so an i Makedonia avel taro familiarno faktoria.

Aso i havljarin o doktor Mbiara trubul sine te startujnel bukjaja palo 10 berša bizo ginekologo, o pacientke taro Šuto orizari ka trubul te udžaren salde panda jekh kurko definitivno te resen kontinuirimi sastipaskiri protektibva soske i formalizacia bukjake si ki agorutni faza.

O aktiviteto tari i doktorka Vjolce Mbiara ka ovel savakteskoro faisali e lungoberšeskoro problemo, a oj džanel kote avela thaj sar udžarena ola.

Oj korkoro si daj duj čhavenge thaj vakerel te sine šartia sako familia trubul te ovel len po 3-4 čhave.

 



Bašo Amenge


Grupa taro terne Roma intelektualcija, novinarija, web dizajnerija, tehničarija, montažerija thaj javer personali savo so isilen baro iskustvo ki piri buti rodingje te keren nesto nevo ko mediumsko internet than ki Makedonija. Palo beshiba ko sostanok taro timi taro 24vakti.mk angjape decija kaj ko akava momenti falinela jek romano web tv portali savo ka nudinel pravilno, kvalitetno, informacija baši o Roma. Adaleske formiringape o www.24vakti.mk  ko adava sostanok čivgjem akala celija thaj pričine soske te formirina o jekutno romano web tv portali 24vakti.mk

24Vakti © Copyright 2015 – 2017, Sa o nijamija si protektirime