Kjani IbraimDecember 11, 2017
liga-europa-zdrepke-24vakti-1.png

2min113

L.E: Pendzarde o mečija palo zdrepke bašo 1/16 finale.

Ikergepe thaj vlečingepe o ždrepke ko bešibe tari UEFA taro dujto palo kvaliteti fudbaleskiri liga ki Europa, pendzarde si o duelija thaj o mečija ko thavdipe bašo 1/16 finale, adaleja so sar uvek bajrarena i liga thaj o ekipe tari Liga Šampionengiri kova so ki grupa lele o 3-to than.

O duelija tari Liga Europa thaj avutne mečija si:

Borusia Dortmund-Atalanta           

 Seltik-Zenit                                        

Partizan-Viktorija Plzen

Nica- Lokomotiv Moskva                 

Napoli-Lajpcig                                  

Steaua Bukurešt-Lacio

Kopenhagen- Atletiko Madrid        

Red Star Belgrad-CSKA Moskva    

Ludogorec-Milan

Spartak Moskva- Ateletik Bilbao    

Olimpik Lyon-Villareal                    

Astana-Sporting Lisabon

AEK- Dinamo Kiev                             

 Real Sociedad- Salzburg                

Ostersund-Arsenal

Olimpik Marsej-Braga

O avga mečija ka khelenpe ko 15-to fevruari, a dzi kote o revanšija ka oven 7 dive ponadari thaj o finale ka khelelpe ko 16-to maj ko Lion ki Francija.


Kjani IbraimDecember 11, 2017
LŠ-Ždrepke-24vakti-1.png

1min188

Avdie sine ikerde o ždrepke bašo ovtoto finale taro Liga e Šampionengiri e ekipenge kova so nakhage i grupno faza thaj plasiringepe ponadri ki majatraktivno Europakiri fudbaleskiri liga.

Real ka udzarel e princon taro Pariz thaj lengoro tiro: Mbape, Cavani thaj Neymar, Čelzi mujal Barcelona kote so o Valverde ka valjanel dobibaja mujal o Konte pa sa dzi ko drom bašo thavdipe ki Liga Šampionengiri, Bayern Munchen udzarela e Khoraen thaj e šampione tari paluni sezona Bešiktaš ple Europakere čerenjencar sar so si: Quaresma, Negredo, Pepe,Lens thaj javera, Šahtijor mujal Roma, ko Torino avena o Angličanija Totenhem mujal o Juventus, Porto mujal o Liverpool kova si ki forma thaj palo but berša iranelape ki elita, Mančhester Junajted ko misafirluko ki Španija mujal o pobuter kratno šampioni tari Liga Europa Sevilla, dzi kote o Javer Mančhester jali Mančhester City ko misafirluko mujal o Švajcarsko velikani Basel.


Kjani IbraimDecember 9, 2017
man_hester-iv-24vakti-1.png

2min163

Ka odložinenpe li o dizjakere derbija ko Liverpool thaj ko Mančhester?

Jek taro majšužo vikend jali purano kurko (nedela) ko Ostrovo šaj te ovel odložimo sebepi o navakti, o meteorolozija havlarena iveskere dive ki Anglija thaj o Angliska mediumija havlarena kaj isi šajdipe te na khelenpe o duj bare dizjakere derbija maškar o Liverpool mujal Everton thaj o derbi ki diz Mančhester maškar Junajted mujal City.

O iv tajsa ko purano kurko (nedela) šaj te resarel dzi ko 10 santimija ko akala duj dizja, dzi kote o temperature si teli 0 (nula)  thaj taro adava sebepi isi šajdipe te oven čhinavde jali odložime o mečija taro akava vikend ki Anglisko Premier Liga.

Bašo konečno dekreti ka udzarelpe te ovel phendo tajsa ko thavdipe e diveskoro kova so valjanena te khelenpe akala mečija, prema ko raspored sine dikhlo o derbi ko Liverpool te khelelpe taro 15:00 o ari, a dzi kote o derbi ko Mančhester valjanela te khelelpe ko 17:30 o ari.


Kjani IbraimDecember 7, 2017

1min99

Dobinge mujal Mančhester City thaj maskiringape sar o Zoro.

O treneri taro Ukrajinsko fudbalsko klubi Šahtijor, Paulo Foneska vakerga kaj ka maskirinelpe sar ko Zoro ako leskoro timi plasiringape ponadari tari grupno faza taro Liga Šampioni.

Šahtijor erati dobinge e popularno „dizutnen“ Mančhester City ko kherutno stadioni ko Donetsk dobinge rezultateja 2:1, a dzi kote o plasiribe ko thavdipe e majatraktivno Europakoro fudbalsko prvesnto bahtkergale sar o Zoro.

„Akaja si majšuži preskonferencija ki mli kariera, osetinavaman fantastično na gndinava kaj si bahtale samo o navivačhija taro Šahtijor, nego sa o Ukrajincija“ vakerga garvasijalo o treneri Foneska.


Kjani IbraimDecember 6, 2017
nejmar-500-evrija-24vakti-1.png

1min505

Navivačhija taro Bayern Munchen ladzakerge e Neymare 500 evroncar.

O navivačija taro Bayern Munchen ko paluno ule pendzarde palo odova so uvek protestirinena ko plo orginalno šajdipe bašo učhe cene e kartenge kolencar resarenape ko misafirluko keda dzana ki Europa, a baš majšužo exemplo sinelenge o paluno misafirluko ko Brisel keda o Bayern Munchen khelge mujal o Anderlecht ki Belgija, numa akana o navivačhija taro Germansko šampioni araklje peske nevi žrtva.

Ko eratutno meči maškar Bayern Munchen thaj PSG kova so agorkerga 3:1 bašo Germancija, o Brazilsko reprezentativco thaj ko jek majpukimo fudbaleri ko sumnal arakhlape phare ladzakeribaja taro navivačhija e Bavarcongere, adaleja so ola frdinge e Brazilcoske banknote taro 500 evrija leskere slikaja taro muj, mangipaja te sikavenleske kaj nane sa dzi ko pare thaj ola si šherutno sebepi so gelopeske tari Barcelona ko PSG.


Kjani IbraimDecember 5, 2017
Evropski-kupovi-Champions-League-24vakti-1-1280x522.png

1min167

LŠ: Paluno kolo palune umutija baši nokaut faza.

Erat khelelape o paluno kolo taro Liga Šampionengiri ko  pobuter taro Europakere stadionija, kova so nesave ekipe več isilen garantirimo plasmani ki nokaut faza, a disave udzarena thaj isilen umuti taro akala palune mečija.

Erat khelena: Roma-Qarabag, Barcelona-Sporting, Bayern-PSG, Benfika-Basel, Celtic-Anderlecht, Chelzi- Atl.Madrid, Mančhester Junajted-CSKA Moscow, Olympiakos-Juventus.

Dzi kote o šherutno derbi khelelape ko Munchen ki Germanja kote so o Princija taro Paris Sent Germen avena ko misafirluko mujal o Germansko velikani Bayern Munchen, udzarelape interesna mečija te oven thaj ko „Kamp Nou“ maškar Barcelona thaj Sporting taro Lisabon, dzi kote ko London ki Anglija avena o pendzarde „Jorgandzije“ Atl.Madrid  thaj o Čhola Simeone ko misafirluko  ko meči mujal o Čhelzi.

 


Kjani IbraimDecember 1, 2017
SP-Rusia-2-2018-24vakti-1.png

5min319

SP Rusia 2018: Brazil- Srbija,Španija-Portugalija,Gemanija-Mexico.

Pendzarde si o grupe taro Sumnaleskoro Prvenstvo so ka ovel ki Rusia o nilaj 2018-to berš, palo ikerde ždrepke ko Kremelj ki diz Moskva.

Ki Grupa A arakhlona: Rusia, Saudiska Arabia, Egypet thaj Uruguay, akate ki akaja grupa gudli uloga taro favoriteja denape bašo o kherutne i Rusia thaj o prestavnikija taro Južno Amerikansko kotor Uruguay.

Ki Grupa B arkhlona: Portugalija, Španija, Maroko thaj Iran, kote so ki akaja grupa udzarelape o avgo than thaj o dujto te zavisinel taro maškarutno meči maškar Portugalija thaj Španija, numa našti cidenpe thaj o javera duj reprezentacije dikhibaja lengere sukcesije thaj o than lengoro ki akaja gurpa B.

Ki Grupa C arakhlona: Francija, Australija, Peru thaj Danska, ki akaja grupa šaj dikhelpe kaj valjanela te ovel dinamično dikhibaja kaj i Francija isila nezgodna oponentija sar so si o Peru, a thaj adava kaj i Danska barabar e reprezentacijaja tari Australija isilen potencijali sebepi so sikavge takati ko playoffija thaj arakhlepeske than ko akava mundijali.

Ki Grupa D: Argentina, Icland, Hrvatska thaj Nigerija, akate udzarelape o derbi te ovel maškar o Južno Amerikancija i Argentina mujal i Hrvatska taro Balkani, kote so isi kvalitetna čherenja ko solduj reperzentacije, dzi kote kerelape lafi bašo Icland ov sikaga jek pojaver fudbali ako dena tumen godi ko paluno Europakoro prvenstvo ki Francija thaj dikhibaja lengoro šherutnipe ko kvalifikaciona grupe, numa i Nigerija si akate te kherel pharipe akale reprezentacienge thaj te protektirinel o muj e Afričko kontinenteske.

Ki Grupa E arakhlona: Brazil, Svajcarija, Costa Rica thaj Srbija, ki akaja Grupa nadzangolape dali si „dzehnemi“ baši Srbija jali dali isilia potencijalno kvaliteti te paririnel e „Gaučhocenge“ o Brazil, a pak i Costa Rica isila poedincija kova so dzanena o fudbali sar so si J.Campbel thaj panda but javera kova so na ka denpe thaj ka oven konkurentija bašo nokaut faza barabar e reprezentacijaja tari Švajcarija kova so isila solidno selekcija.

Ki Grupa F arakhlona: Germanija, Mexico,Švedska thaj Republika Korea, akate o maribe bašo avgo than ka zavisinel tari Germanija, Mexico thaj Švedska, numa i Republika Korea ka ovel la šajdipe te sikavel soske tani akate thaj dzi kote šaj te resel.

Grupa G arakhlona: Belgija, Panama, Tunis thaj Anglija, ki akaja grupa o deribi si mujal Belgija thaj Anglija adaleja so akala reprezentacije isilen nesavo pendzaribe maškar peste sebepi so kotor taro fudbalerija khelena ki Anglisko premier liga thaj dzanena pe kolegencar sar te oven oponentija, numa akate si thaj Panama da barabar thaj o Tunis kova so ka dikhelpe lengiri resarin pali grupno faza.

Thaj ki paluni Grupa H arkhlona: Polska, Senegal,Columbia thaj Japonija, akate si hemime o selekcija sar ko javera gurpe, numa akate dikholape jek pojaver dikhiba adaleja so isi naprognoziribaskere reprezentacije thaj našti delpe favoritsko uloga bari, numa ko akava exemplo sarine udzarena tari reprezentacija i Polska legardi taro šherutno Robert Lewandowski, dzi kote i Columbia isila šhužo sig kheliba thaj lengoro kheliba sigate khuvela ki jakh e dikhutneske, a so kerelape lafi bašo Senegal thaj Japonija, o Senegal si akate jeke resarinaja barabar sar i Nigerija tari Grupa D te protektirinen thaj te arakhen o muj taro Afričko kontineti, a dzi kote i Japonija več pobuter puti lela than ko Sumnaleskere prvenstvija thaj dzanena sar valjanela te khelelpe dikhibaja kaj isilen olenda solidna fudbalerija.


Kjani IbraimNovember 30, 2017
grizman-24vakti-mk-1.png

1min145

Grizman rodela tari Barcelona 100 milionija evrija.

O fudbaleri taro Atletiko Madrid, Antoan Grizman vikinga e Barcelona te aktivirinelpe baši leskiri kinibaskiri klauza taro 100 milionija evrija jali ka šhurakerel angleder kontraktija e Anglisko premier ligašeja Mančester Junajted, havlarena o Španska mediumija.

Antoan Grizman, o Francusko reprezentativco anga dekreti te dzalpeske taro Atletiko Madridd palo 4 berš nakhavde, a dzi kote i Barcelona thaj Mančhester Junajted si majistaknime kandidatija bašo anibe le ko lengere ekipe.

O rodiba taro Grizman alo dzi ko treneri e Barcelonakoro Erneste Valverde, oleske na sine šukar o mesaži bičhaldo dzi ki Barcelona. Ov vakerga kaj postojnena javera opcije bašo zorakeriba, a o sumnibe e trenerskoro si o lošno iskustvo anibaja e Khoraja Arda Turan tari Atletiko Madrid.

Grizman ko Ateletiko Madrid alo ko 2014-to berš taro Real Sociedad, a akaja sezona denga samo 6 golja.


Kjani IbraimNovember 24, 2017
messi-zlatna-kopa_ka-24vakti-1.png

1min136

4-to„Zlatno kopačka“ bašo Messi.

O fudbaleri e Barcelonakoro Lionel Messi reslja dzi pli 4-to „Zlatno kopačka“ kova so ulavelape sekova berš bašo majšukar golgeteri ki Europa, keda si ko pučhiba o Europakere prvenstvija.

Bašo Argentinco sine dendo pursako baši sezona 2016-to/2017-to  koleske ki Špansko La Liga denga 37 golja taro 34 mečija.

ko avgo than sine o Messi, a dzi kote pala leste sine: Bas Dost taro Sporting Lisabon 34 goljencar, Abumiyang taro Borusia Dortumund 31 golja, Robert Lewandovski taro Bayern Munchen 30 golja, Luis Suarez tari Barcelona 29 golja thaj Edin Dzeko tari Roma denga ko jek aghar baši Italijansko Serija A.

Bašo Messi akaja sine 4-to dobimi „Zlatno kopačka“ kova so angleder dobinga asavki ko berša 2009-to/2010-to, 2011-to/2012-to thaj 2012-to/2013-to.

Ko jek akale „Zlatno kopačkaja“ o Messi alo ko jek numero, e Portugalsko reprezentativcoja thaj fudnalereja taro Real Madrid, Cristano Ronaldo kova si leske večno rivali thaj ole da sine le lendo 4 „Zlatna kopačke“.


Kjani IbraimNovember 23, 2017
Game-over-milan-24vakti-1.png

2min93

„Game Over“ bašo Milan ki Europakiri fudbalsko scena?.

O Italijansko giganti arakhlola ko pharo hali adaleja so leskoro lejbe than ki Liga Europa visinele ko thav thaj pučibe si dali ka brkinenlen tari Europakiri fudbalsko scena?.

Italijansko kalčoligaši na sine sukcesivno ko ubedibe e šherutnen tari UEFA kaj finansisko šukar bešena, dzi kote o direktori e „Rosonerengoro“ Marko Fasone sine ko sostanok thaj ko dikhibe ko Nion, numa nikoj tari UEFA nane sigurno kaj o Milan ka kerel pare thaj ka pherel o prilivi ko plo klubi.

„Sekirinela ma i situacija e Milaneskiri, ka dikha so ka ovel, ko akala momentumija sa šaj ovela“ vakerga o prezidenti tari UEFA, Aleksandar Čeferin kova so na frdinga o šajdipa bašo brkiba thaj ikaliba e Milane taro Europakere nastapija ko Europakere kupija.

O Milan ko paluno naklhlo roko hardzinga 200 milionija evrija bašo neve igračija, a adala pare panda na irangelen palal ko klubi bikibaja javere fudbaleren, adaleja phagelape o kanuni bašo finansisko fer plej.



Bašo Amenge


Grupa taro terne Roma intelektualcija, novinarija, web dizajnerija, tehničarija, montažerija thaj javer personali savo so isilen baro iskustvo ki piri buti rodingje te keren nesto nevo ko mediumsko internet than ki Makedonija. Palo beshiba ko sostanok taro timi taro 24vakti.mk angjape decija kaj ko akava momenti falinela jek romano web tv portali savo ka nudinel pravilno, kvalitetno, informacija baši o Roma. Adaleske formiringape o www.24vakti.mk  ko adava sostanok čivgjem akala celija thaj pričine soske te formirina o jekutno romano web tv portali 24vakti.mk

24Vakti © Copyright 2015 – 2017, Sa o nijamija si protektirime