Kjani IbraimDecember 11, 2017
produzni-kabal-24vakti-1.png

1min478

Ma keren akava ko jevend, šaj te koštinel tumen dzivdipe!

Alo o jevend thaj šhurakerge o šudre temperature kova so nesave dive dzanena te hulen teli 0(nula), pa sebepi adava sarine rodaja šajdipa sar šaj te takhova, numa ma te bistrenpe disave erorija jali greške so kerajalen, a ola šaj te koštinen amen dzivdipe.

O produžna kabelija na trpinena baro optovaribe jali pharipe, pa sebepi lengoro šaj te doreselpe dzi ki bi bah taro jaga thaj thare khera.

Tej več upro produžno čhivgen i televizija, sistemi, kompjuteri jali diso javer, tegani ma čhiven upro lende nesave uredija takaribaske sar so si: klima, grealke, radijatorija jali diso javer, soske sa adava šaj ovela bilačho.

Akala takaribaskere uredija uključinenlen korkori ulavdo, ulavdo ko štekerija ko zido jali korkoro ko disave štekerija zorale kabelencar kova so ka šaj ikeren len.


Kjani IbraimDecember 8, 2017
facebook-24vakti-1-1280x800.png

2min110

O Facebook thaj akava berš havlardo sar majšukar than bukjake.

O rodljaripa taro Glassdoor sikavela kaj o bukjane ko Facebook si majzadovolna taro plo bukjarno than.
I Kompanija Facebook si sekova berš sa poučheste rangirimi, a taro 2011-to berš pač puti palo niče lena o statusi bašo majšukar tehnološko kompanija.
Akava berš Facebook lela ocenka 4,6 taro 5, dzi kote akaja ocenka Glassadoor relala upra ki osnova taro informacije e bukjarnengere kova so anonimno pherdi anketa, palo adava te šaj anelpe konečno ocenka.
Akaja kompanija arakhlape ko avgo than , a dzi kote i kompanija Google arakhlape ko 5-to than, HubSpot ko 7-to than, World Wide Technology ko 8-to than, a Ultimate Software ko 10-to than, ko nakhavde nekobor berša ki lista

taro kompanije kova so dena usluge bašo buti dominirinena sine o kompanije kova so kerena buti ko infromatička tehnologije, a palo lende avena sine firme kova kerena buti tari oblast sastipe thaj tiknobikibe.


Kjani IbraimDecember 7, 2017
Instagram-twitter-24vakti-1.png

1min111

Instagram anga o majbare meniba ko palune berš.

Kerelape lafi bašo duj neve opcije „Stories Highlights“ thaj „Stories Archive“ kova so ka den tumen arka bašo tumare paramisija thaj video snimke te ačhon arakhle, namesto te kosenpe sar so kosenape sine dzi akana bašo 24 arija.

O paramisija kola si arakhle ki arhiva ka oven dikhle samo tumenge sa dzi na anena dekreti te šherujnenlen jali te havlaren len, a „Stories Highlights“ ka sikavel than kolende ka šaj te grupirinenpe o paramisija kola mangena te oven dikhle taro tumare amala.

„Ko thavdipe taro paluno berš „Instagram Stories“ ulo phandlo šajdipe bašo rodljaripe, numa naštine te ikerenlen pobutar taro 24 arija. Akana ka šaj te grupirinen tumare paramisija thaj te ačhon ko tumare profilija“ havlarena tari kompanija.

O paramisija avtomatski valjanena te oven smestime ki arhiva, kolendar ka šaj te dikhenlen, te dopheren nevi paramis, te šherujnenla sar posti jali te čhivenla ko „Highlights“.

I opcija bašo avtomatsko skladiribe ka šaj te ačhavel pe pali potreba.

Akala neve opcije ka oven dostapna bašo korisnikija kova so o telefonija kerena buti ko operativno sistemi „IOS“ thaj „Android“.


Kjani IbraimDecember 5, 2017
facebook-messenger-24vakti-1.png

1min154

Pelo o Facebook messenger, o korisnikija rovenape.

O Korisnikija ki Makedonija, numa thaj ko regioni nekobor arija naštine te bičhalen mesažija preka ko Facebook Messenger.

Dzi kote disave akava problemi sinelen panda taro sabaj, a javera rovenape kaj ko paluno ari našti te khuven thaj te phraven o mesažija.

O mesažija kova so našti te dikhen pe ko mobilno, a disave našti ni te bičhalen len da, dzi kote javera vakerena kaj o pristap našti te keren ni preka ko mobilno, ni preka ko kompjuteri, numa gndinelape kaj o problemi ka agorkerelpe ko sig vakti.


Kjani IbraimDecember 2, 2017

1min325

Nevi opcija: Dzanen keda nekoj dikhela ko tumaro mobilno dzi čhatujnena.

Inžinerija tari Kompanija taro Google razvinena zanimlivo tehnologija kova so ka del arka ki veštačko intelegencija ki angluni kamera taro telefoni, kova so ka del signali e korisnikonge kaj nekoj palo dumo dikhela tumenge ko ekratni taro mobilno.

Akaja korisno funkcija si ki faza taro hazrekribe, a Google več planirinela te implementirinel  la ko disave avutne verzije taro Androidija.

Samo so ka dikhel nekoj  ko tumaro mobilno  aktivirinelape i angluni kamera, a kerela pe lafi kaj akaja tehnologija si majšukar exemplo bašo adava save novitetija šaj aneltumenge i veštatčko intelegencija ko tumare mobilna telefonija.


Kjani IbraimNovember 25, 2017
telefoni-adnroid-lokacija-24vakti-1.png

2min203

Sar tumare Androidija arakhena tumari lokacija?

Prema ko rodljaribe so kergale „Quartz“, o telefonija kova so isilen Android bičhalena podatke baši lokacija dzi ko Google, adaleja so bizo razlika dali i opcija si mukli jali ačhavdi.

Disave advokatija vakerena kaj akava phagela o nijamija tari privatnost e korisnikongiri.

Taro Google pa vakerna kaj akala informacije na ačhona, nego isi nadležna kova so palo lengoro keriba buti kosena len, numa thaj e neve verzijaja taro operativno sistemi e Androideskoro akava ka hazrkerelpe thaj nane više te ovel.

O problemi ovela ko sa o uredija kolende i aplikacija Google Play Services kerela buti palal jali ki pozadina.

Akaja aplikacija valjanela te kerel buti te šaj pala late te keren buti o javera da aplikacije e telefoneskere, pa adaleske si standardno instalirimi ko sekova Android telefoni.

O smartfonija prenesinena akaja informacija thaj keda i opcija havlaribaske i lokacija si ačhavdi, čhak keda o telefoni kerela bizo SIM kartičko i informacija sikavela phandlo tumare lokacijaja.

Prema ko Google akava si erori ko softveri kova so šaj te hazrkerelpe thaj namestinelpe, numa ko jek aghar vakerena kaj si svesna bašo adava kaj o informacije kova so khedingelen ko thavdipe e nakhle 11 masekongoro šaj te oven e korisnikonge sar dodatno informacija kova so ka del len arka bašo posigate mukhibe o mesažija.

 


Kjani IbraimNovember 23, 2017

1min83

HONDA Riding Assist: Korkori dzala thaj pazinelape taro khujbe.

Ko globalno debi ko CES, Honda prezentiringa pli Tehnologija bašo vozibe dejbaja arka ple robotikaja te šaj kerel motori korkori so ka balansirinel, adaleja so ki pobari merka tiknarela o šajdipa bašo peribe e motoreskoro jali khujbe sa dzi o motori si ko mirujbe thaj ko than.

O  motori Honda Riding Assist šaj korkori te dzal thaj isile senzorija kova so arakhelape taro khujbe.


Kjani IbraimNovember 22, 2017

1min112

Stolica bukjake ko pobuter pozicije thaj bizo pharipe.

Akaja stolica si anavkerdi Altwork thaj kerdi te šaj polokheste keren tumari buti thaj ma te osetinen nisavo pharipe, oj mestinelape ko pobuter pozicije sar tumen mange thaj sar tumenge i šukar.

Keda bi bešena olata isi tumen šajdipe te pružinen tumare pre thaj lokhipaja te keren tumari buti, šaj pašlojbaja da kerena buti,  numa šaj te ušten thaj te mangena ko pre thaj te mrdinenla tari jek rig ki javer.

Akaja stolica dikhola jek sar sa o javera, numa lakere baripa si but po angle thaj tumari buti šaj agorkerenla ko sekova vakti relaksiribaja.

 


BajramRamadanNovember 16, 2017

1min98

I rig YouTube –mp3 .org kova so baro numero taro korisnikija koristinenala sine bašo perajbe thaj konvektiribe taro snimike taro YouTube ko mp3 formati, ko sig vakti ka čhinavel te kerel buti.

Akaja rig tani but popularno , a dela šajdipe e korisnikon te pretovrinen pe videa taro YouTube ko mp3 fajlija thaj te peraven len ko pro kompjuteri preka ko nekobor admija.

Internet usluga so nudinela i rig YouTube-mp3.org tani bi parengro thaj valjanela samo te kopirinen o URL linko taro YouTube thaj nekobor klikoncar šaj keren fajli ko mp3 formati. Bašo procesi valjanela tumenge 1 dakiko, sebepi adava akaja rig sine but popularno.

Taro lani berš YouTube –mp3 araklape ko adalati , o produkciska kompanije sar so tane Capitol Records, Warner Bros, Records thaj Sony Music Entertainment kola so mukle tužba, sebepi adava i rig ko sig vakti ka čhinavel te kerel buti.

Taro produkciska khera vakerena kaj našti len benefitija, sebepi lengiri rig YouTube-mp3 .org, adalea so ola dobinena preka pe reklame thaj taro lengiri buti.


BajramRamadanNovember 16, 2017
iPhoneX-sudro-1280x720.png

1min101

Angeleder nesave dive nesave korisnikija so dzivdinena ko pošudre thana dikhle kaj keda ikljona avrik lengoro iPhoneX mrznonela thaj na reagirinela ko ulavdo periodi, numa baši bah akava pharipa nane taro trjano karakteri thaj o uredija sa e korisnikongere palem šhurakerena palo odova bukaja.

Pobaro kotor olendar kontaktiringepe ko Apple, atar vakerge lenge kaj si svesna bašo problemi thaj kerena buti ko softersko hazrkeribe thaj rešibe oleskoro.

Tari Kompanija Apple vakerge kaj akava problemi iklola taro naglo menibe e temperaturake, jali kaj o Iphone X nane le nisave problemija ki temperatura ulavdi taro 0 dzi ko 35 digrija.

Te dikhelpe prema ko akava, tegani o smartfoni na bi koristinelape ko javera kotora taro Sumnal kote so majhari ekvaš berš isi šudripe, taro adava sebepi o korisinikija isilen umuti kaj i hazrkerdi verzija e rešime problemeja ka ovel mukli thaj ka ovel hazeri so posigate.

Prema ki cena kova si uči bašo Iphone X, asavko diso na valjanela te ovel le, i ako dzanelape kaj paš ko razvibe e uredeske si kerdi standardno procedura e temelno pučljaribaske bašo leskoro buti keribe paš ko pobuter hemime temperature.



Bašo Amenge


Grupa taro terne Roma intelektualcija, novinarija, web dizajnerija, tehničarija, montažerija thaj javer personali savo so isilen baro iskustvo ki piri buti rodingje te keren nesto nevo ko mediumsko internet than ki Makedonija. Palo beshiba ko sostanok taro timi taro 24vakti.mk angjape decija kaj ko akava momenti falinela jek romano web tv portali savo ka nudinel pravilno, kvalitetno, informacija baši o Roma. Adaleske formiringape o www.24vakti.mk  ko adava sostanok čivgjem akala celija thaj pričine soske te formirina o jekutno romano web tv portali 24vakti.mk

24Vakti © Copyright 2015 – 2017, Sa o nijamija si protektirime