Saturday , June 24 2017

I čuči Romani tendžera sa pobuter khuvela! Akava si nišani e Nikolaske thaj e Zoraneske kaj o apetitia e Romengere bajrona!

O baredive avena o bare dive avena! O moto tari euforia tari i kompania Coca Cola avel thaj ki akaja teritoria e anglovakteskere Paralemntarno alusariba –  Alusariba avela, alusariba avela!

I kolona taro angloalusaribaskere kamionia pherde si: angloalusaribaskere dende lafencar, programe thaj agende. Ko jekh pherde si em aferencar, krimi aktia so ka oven ko angloalusaribaskere gonoa bakšišencar!. O Dedo mrazia – partiakere lideria thaj olengere membria si akana ko gotovs!

Satrtujngje thaj o havljarina an i lista taro kandidatia prekal Alusaribaskere jekhina, kalkulacie thaj startegie, ko ka ovel, savi pozicia thaj aver. O pazari startungja. O majbare partie, sar so si o VMRO DPMNE thaj o SDSM taro makedonikano politikano bloko si o lokomotive so chidena i kompozicia taro o potikne partie taro minjoritetia. Maškar odola vagonia si thaj o romane partie. O lideria taro romane partie si šerutne ko diksusie thaj hulavipa pozicie sar e anavenge ki odoja lista . Palo odova paralelno dži kote legaren i viktoria sar ka hulaven pe o funkcie ko thana taro avitno legaripa.

Ko starti akanaske si salde pendžarde jekh o VMRO DPMNE ki pli lista sar majuče kotirime taro Roma majpakjavutne ka ovel o lideri taro SRM, Amdi Bajram so kalkulirinel pe sar pandžto ki AJ2.

Avere rigatar o SDSM trujal so havljargja i lista , sar “majuče” pozicia nesave Romeske akana !figuririnela” olemgoro membro o Kurta Duduš – Kuco thaj odova ki (šubikerdi) eftato pozicia ki EJ2, a panda kalkulirinel pe e e čuče thanencar so si mukhle baši “Koalicia”.

Si li odova havljaribaske bašo eventualno učo than so maksimum si 2šatrto” bašo PCER? Numa o SDSM panda na vakergja akalae čuče thaneske.

Odolea ola mukhena than diferentno kalkulacienge – matematike, kote sa majbut takjaren pe o teze kote e SDSM nane le panda (pherdi) pakjiv ko Roma.

O VMRO DPMNE thaj ko jekh o SDSM mangen o Romane hangia, numa okova so dena sar anava thaj pozicie, dikhel pe kote mangena te na khen “bilovengoro”!

Nadžan dali lenge jasno e duj partienge kaj o Roma nane okola so sine ngleder 15-20 berša! Džanen li kaj o Roma si BUT ŠUKAR protagonisita?

Asavki strategia premal o Roma si drumo e Romenge thaj olengere membria te phraven “štar jakha” thaj nevi strategia ko avutne aktivitetia.

O Nikola thaj o Zoran thaj aver importantno lideria trubul te ovel olen an i godi kaj – i čuči Romani tendžera sa pobuter khuvela! I galama taro khujba si nišani kaj o apetitia e Romengere sa buteder bajrona!

Akava khijbe ko čaro si mesažo, nae khujbe desavo dilinipa!

 

LENDO TARO ROMATIMES.NEWS…

Chitingen li akava?

На Ромите не им требаат кадровски „трошки“, туку еднакво општество за сите!

Претходната власт вешто успеа во изминатите десетина години да не подели на „наши“, „ваши“ и …

Kozom sig ko dendo vakti transferinajamen

Disave kupe amare romane shaj ovena sa so mangena, ko sakova momenti shaj reinkarninaja ko …