Thursday , August 24 2017

Dikeja li demokratikani Evropo

E savi si amari them, i posle dza ma nash latar so podur podur , duri podur tari najdur them Avstralija, z*kur asavki them keda i partija koja so valjani te dzalpeske panda sikavela piro zori trujal o institucije kola so nisar na bi trebena te oven talaki partisko palka jali direktiva, i posle neko ka vakerel soske naselape akatar, pa naselape taro lengoro hovajbe, taro potkupime sudije, advokatija,policajcija, korumpirime doktorija, taro namestime tenderija, taro manusha kola so ko than te den profesionalno bukjarnipe okoleske kole so isile asavki profesionalno diploma ki adaja oblast dela manuseske kova nanele soodvetnikano obrazovanie, ali isile partisko kniska, naglo naselape taro politicko chora apashija, hovavne thaj manipulativna hodzija demek vakerena baso Devel a, akatar vazdena e politicaren.

Dzivdinaja ki them kote so e manushikano dzivdipe zavisinela tari tli partisko knishka, sistemi kova so 11 bersha, kuvgja korenito andre ko s o sfere e dzivdipaskoro, a , soj najpare si ko institucije kola si chivde avrijal tari partisko buti, a ko arakhibe o prava koleja bi definirinelape jek demokratikani them sar soj i Makedonija.
Avdive diklem kaj i them Makedonija thaj lakere pravna institucije si anglo sa, chivde upreder o manushikano niami, ko servisi e politichko partijake koja so dzalapeske taro sherutnipe, a si dobor zorali so pareste si te uzarelpe ko sig vakti sa o UDBASIJA, spijonja, reketarija siledzije moronja, kola so ko themutne siguritetnikane strukture astarge hor korenja , koleste pareste saj avelape te bi iskoreninelape asavke para siguritetno strukture koleja so ka araklepe o nevo Govermenti.

Dikela li i Evropa, akava chadipe kova so ovozmozingja amenge o Osnovno Javno Ovbinitelstvo tari Makedonija.Shaj li ki jek demokratikani them ki jek them kote so preferirinelape kaj si antidiktatorsko, anti rezimsko te anelpe sudsko odluke kote so o manusha kola so ko 27 april zoreja kuvgje ki themutni institucija, thaj sine mangipe bashi likvidacija pojedino deputaten , a o Sudo avdive mukelalen so uslovna kazna, manusen kola so si angleder pendzarde sar krimogena personija.
Dzi kote isto akava
Sudo osudingja bute manusen bashi tikni krivicno jali prekrshochna postapke, so zatvor kazna, sar naprimer nekobor bersa basi corde kebapija, kazna baso bikinibe marula, thaj javera sitno sitnarska jali posukar vakerdo semkasrka bukja vo odnos nekas kola so sinelen cel te lisinen taro dzivdipe nekobor politicaren kola so sine alusarde taro dziani thaj uzivinena sa piro kompletno imuniteti, numa na keda kerelape lafi taro manusa taro VMRO-DPMNE thaj leskoro kherutno Sudo.

Dzivdinaja ki jek them, kote so tlo dzivdipe si vredno dobor kozom so si buvli ti dzepa, jali kozom sijan partisko shunavalo.E tega nane Sudo kova so ka anel kazna upreder tute bizi razlika kozom sijan dosalo jali bango bashi odredeno kerde bukja kolenge so mangela i politicko partija, tiro dzivdipe bizo nijami si chivdo upreder sa o manushikane niamija.I politichko struktura so dzalapeske taro sherutnipe e Makedonijakoro,irangja naopackho sa soj panlo e dzivdipaja, o familijarno vrske thaj o amalikane pretvoringjalen ko partiska ulajba thaj vmrovska interesija.

I posle sa akava koj ka ovel sigurno ki jek VMROVSKO them ?-soske tega pucajemen , soske nasaja tari amari them,soske mukaja amare spomenija, amare amalen, amare familien ulavajamen taro amare najlmila ? Shaj li dodzakeraja te iranamen khere te shaj dodzakereja amari penzija uza ki amari familija.
Naselape naglo, tari asavki vlast koja so nikako na mekela piri fotelja, naselape taro lengoro hovajbe, taro potkupime sudije, advokatija,policajcija, korumpirime doktorija, taro namestime tenderija, taro manusha kola so ko than te den profesionalno bukjarnipe okoleske kole so isile asavki profesionalno diploma ki adaja oblast dela manuseske kova nanele soodvetnikano obrazovanie, ali isile partisko kniska, naglo naselape taro politicko chora apashija, hovavne thaj manipulativna hodzija demek vakerena baso Devel a, akatar vazdena e politicaren.

Dikejali Evropo sar thavdena o demokratikane procesija ki Makedonija ?

Mozes solomon (Muhadjer Sulejman)

Chitingen li akava?

Soske nae Rom ko majučzo rakovodstvo ko Sdsm koga isi sa o etnikumija !?(Kolumna)

Angleder nekobor divesa ko Sdsm  sine birime o centralno pretsedatelstvo sar thaj Izvršno odbori. Ki …

Shaj li i vizija te ovel chachipa

I vizija si kotor, amare gndipaskoro kaj ko avutnipa ka ovel agjar sar so dikaja …