Tuesday , August 22 2017

Eksluzivno: O Bollywood ka sniminel an o Skopje

O anav e filmeske si „VJ 61“,, o snimiba an o Skopje ka ovel 9 divesa a bašo disave scene angažirime si thaj statistia taro akatar.

I produkcia so avel taro jekh e majmasovno fimeskiri industria an i lumia Bollywood tari India, akala divesa sniminel an i lokacia ko Skopje.

Ko momenti bašo snimibe desave kadria istemalkerel pe o enteriero taro Makedonikano nacionalno teatro kote so si o šertno kotor ko snimiba akate.

Palal o proekto tergjol baro producentsko anava taro Bollywood, a i šerutni rolja khelel jekh aktersko super čeren tari India.

Akava si avgo filmeskoro proekto tari India so kerel buti e Makedoniaja a o Dejan Iliev so kerel buti an o produkcisko servisi akale rigake pakjala kaj an o avutnipa ka ovel majseriozno buti sar koprodukcia.

– Pakjava kote akaja buti akana ka džal majodoriga thaj ka kera jekh filmi an i koprodukcia. Kerel pe lafi uče profesionalcenge , so si motivo te kerel pe buti olencar sakone kinematografiake an i lumia vakergja o Iliev. O šerutno producento an o skopjakoro aeroporto hulilo ko štartodi kana ulo o incidenti an o parlamento , numa bahtake ov  ačhilo, trujal so an o biznis sektori kana isi asavke incidentia but droma peren o kontraktia e internacionalno partnerencar.

Chitingen li akava?

O tate vaktija anena jaga na samo ki Makedonija, nego pobuvleste ki Europa da!!!

tate vaktija thaj o učhe temperature anena o jaga thaj o bi bahtalipe na samo …

„Šužo dekreti anga o Kim Jong Un“ vakerela Donald Tramp!!!

Prezidenti taro SAD, Donald Tramp vakerela kaj o lideri tari Severno Koreja Kim Jong Un …