Friday , April 28 2017

…Hango e dzianeskoro

Tari jekh rig pepeljara , tari javer rig cigara , ko maskar o astali i kafa, bizi late nasti me jakhja pravava,voj mi inspiracija sar te opisinav o dzivdipe ki mli anglutni kupatni.
Te vakerav ,so dzivdinena upreder disavo normalnikano proseko ka hovav vi mande vi tumen zaruri si te arakav soodvetnikano opis sar kupatni koja so ulavela pire dizutnen :
-chorele,barvale, -,trgovcija,Romane bi guvermentoskere organizacije,politicharija pozicioneria thaj opozicionerija , keda ka dike hari dziani buteder ulavdina, summa summarum jek malogragjansko sredina so pareste trpinela trampa angleder sa o merilo baso lache ponasibe.
Nasti garavaja te manga da , so ani late si sherutni hipokrizija, manushipa kaske trebula duj licne karte basi leskere duj profilija,sako jekhutno si presimo te del turlije pire gndina anglo ple pashe thaj avrutne manusha, phagibaja sa o moralna vrednostija e manushipaskoro.

MuhadzerO Malogragjanstvo na trpinela manushen so javerchane gndinena lendar, thaj saakana bizi te birinen srestvia kerena baro zori mujal pire kontra pretendegoro.
Ola dzivdinena jekh rahatlukoskoro dzivdipe bizo ambicije , strastia , thaj poruke.
Ko lengoro dosadno dzivdipe aktivirimi i omraza trujal okova kova so mangela te ustel pouce okolestar so mangela te kerel pobutr nego li ov.
Ki fuhal ko sa akava na mangena trampe jali diso so si nevipe, pa cak dzi ko odova so anela shuzipe jali shukaripe.Sarine sijen target dzi kote dena zori kontra tari lengiri navika , a but fore sijan sar resarin asajbaskiri, rekla kazala, duj mujalipe thaj ignoriribe. O manusha pherde ambiciencar thaj mangipaja basi trampa nasti sikavena piro arteskoro ruh, soske chivenape te oven vi sar savore tari akaja sredina.Lengoro talenti na prestavinela ideologija sal demagogija taro demek gjogjaveripa.Asavke manusha ki adaja sredina si izlozime ko bare opasnostija taro sa okola so na mangena i trampa, posukar thaj polacho dzivdipe taro akava so akana dzivdinena trujal lengoro kukumardeskoro dive taro lengoro polticko-socijalno ekonomsko dzivdipa.
Asavki sredina kote so sherutninela o mulipe na mekela o slobodarsko ruj te buvlajrgovel, ki asavki sredina, isi tasavdipe, bilachi khandin so na anela lache dzivdipe.
Isijamen li niami baso amaro hango, so vakerena vavera manusha taro vavarea sredine ?
O nijami tire hangoskoro si tiro niami thaj khoni nanele niami te chinavel tutar adava niami.
Kobor tiri dicizia basho tiro dzivdipe si ispravno jali ne ispravno, jali dukhavdi odoja decizija ingareja tu ano tiro dzivdipe.
O dzivdipe si asavko dela tut, te de tuke tiri decizija sar ka mange te dzivdine , kote ka mange thaj sar ka mange te dzivdine, soske avdisutno trend e dzivdipskoro si jek vrteleska ano sako diveskoro maripe baso tiro predzivdipa. Bute butendar zavisinela mandar tutar, tire thaj mire hangostar mangaja li te kera trampa basho amaro dzivdipe, jali panda ka besa ki asavki khanduvali sredina bizo amaro korkorutno ruh .Na bi trebela sa te achova prikovime magnetaja upri nekaste so tamarena kule thaj palate taro karte, thaj taro baro uchipe chudena destruktivno paranoje basi Mesia kova so ka anel blagodetija, rahatluko tolerancija , thaj dzivdipe ano Dzeneti.
Na , na trebela te ove nit dilino nit dobor gogjaver, pa te saj razlikujenaja o shukaripe taro bilachipa,ked ka shune kaj jekh taro sherutne vakerela kaj but bilache bukja konstantno popravingjovena, numa trebela vakti, vakti vakti vak…a, ov pakjan, kaj niked na diklape ko ogledalo ked hovavela, soske ov korkori tega ka dikel so hovavela.
O hango si amaro,amen ingaraja amaro dzivdipe , dzi tega keda amane mangaja.

Mozes Solomon (Muhadjer Sulejman)

Chitingen li akava?

Dive so pashakerela sa e Romen taro Sumnal

Maskhardzianeskoro dive e Romengoro, dive romane kulturakoro, thaj vazdibe i misal basho problemija kolencar so …

So si o Demokratichno Tranzicija? Soske vov tribul amen?

Analiso: didzko akana (maskar o… 1971 thaj o 2016 bersh) sas amen desh Kongresora. Tikne, …