Thursday , August 24 2017

Koj ka lel o than taro Francoa Holand ?

Avdive si o dujto krugo bashi alusaribe prezidento ki Francija, kozom soj amange pendzardo ko dujto krugo basi presidentsko fotellja ka marenpes o Emanuel Makron tari levica thaj i ultradesnicarsko sefica tari patija Nacionalnikano Fronti Mari Le pen.

Soske amenge but imporatno te dika koj sar ka nakel ko akala alusariba, anglo sa bashi anti emigrantsko thaj i anti romani politcko ideje kova so zastapinelalen i ultradesnicarsko partija tari Mari Le pen. Ko nakle dive anglo akava dujto krugo sijem sine svedokija ko debate kola so sine ko turlije Tv medija, kaj akaja desno radikalno politicko partija zastupinela ko baro nivo piri anti emigratnsko politika, thaj ko fuhalipe vi agjar i bari anti romani politika , anglo, sa okola, so avena taro ex post komunisticko thema a kola so si membrija ko EU .

Tari javer rig lakoro protiv kandidatio socijalisti Emanuel Makron , trujal o statistike, ankete , sikavela 60 posto taro avazija ka dzan ko lesoro konto.O Makron talo terno socijalisti, bankari thaj purano ministeri basi ekonomija, liberalco so pro emigratnsko stavi kontradiktorno pire protiv kandidateja.

Dzi kote avela i Mari Le Pen ko than presidento tari Francija, sar but importatno buti ka ove lake te pandel o themutne simantre, te vovediinel policija thaj strogo kontorla ko lakere simantre koj kuvela thaj koj iklola sar merke pretpazlivost taro dzihadistija.Dujto lakiri buti koja so si lake chivdi ki agenda si hramovipe referendum sar ki Velika Britnaija BREXIT, a so ingarelape dzi ki socio ekonomsko politika la isila nekobor planija em programe kola so ka zagorcinel o dzivdipe e strancengoro kola so palo odova korkori bizo te paldenlen ka roden te meken i Francija korkori.

Iako ko avgo krugo i razlika sine but tikni, avdive ,angleder te pandenpes o alusaribaskere kutije , o Emanuel Makron ingarela bari diferenca angleder late.
O nemirija kola so sako dive dikaja ko TB taro Paris sikavena kozom si o dziani kontra i Mari le Pen, thaj vi o sa okola kanditadija kola so sine ko avgo krugo preku sopstenija Tv zurnalija apelirinena sa dzi ko ple membrija thaj dzi ko dizutne tari Francija pumari vota te den e Emanuel Makroneske.

Avdive duri o dat lakoro kova so si pocasno presidenti ki akaja ultra desnicarsko partija Zan Mari Le Pen vakergja kaj na verujnela kaj i chaj leskiri si hazri te lel baro dzovapluko basi jek asavki funkcija.

I Mari Le Pen korkori mudargape angleder akava dujto krugo ki jek Tv debata, kote so iklili bi hazri, thaj pendzaribe but bukja kola so si themutne, iklili jeke kupa lilencar angli peste, ko thavdipe e debatake, na dzanela sa savo lil kote araklovela pa sine pobut vakti mumlibe nego debata tari lakiri rig, dzi kote o Macron ocigledno shukar potkovimo taj kerdo hazri bas akaja debata thaj sukar ptotektirimo tari lakere ostro lafija iklilo sar pobedniko, kova so meningja o razmisluvanje thaj okolengoro kola so sine kontra o socijalistija.

So ka anel o Makron sar nevipe ki politicko scena ki Grancija, sppored mande nisto, nego sal ka prodolzinel odote kote so acilo leskoro predhodniko o Francoa Holand,
Pobut kandidatija basi akaja funkcija mashkar kote sine aj o Nikola sarkozi mora sine te povlecinelpe s soske o sudo na verifikujngja lengoro kandidatluko basi sum pronevera thaj ucetvo ko finasisko malverzacije.

24 vakti reporteri Muhadjer Sulejman

Chitingen li akava?

Atako kerdo ki Španija ki Barcelona, khuvdo si phareste Makedonijakoro dizutno!!!

Jek taro Makedonijakere dizutne tano khuvdo ko terorističko atako ki Barcelona, havlarge o Ministeriumi bašo …

O tate vaktija anena jaga na samo ki Makedonija, nego pobuvleste ki Europa da!!!

tate vaktija thaj o učhe temperature anena o jaga thaj o bi bahtalipe na samo …