Tuesday , February 21 2017

«Komu ide zhish»

«Komu ide zhish»

O alusariba si anglo udara, vakti keda o obicno manush kova so dzi erati sine potcinimo e politicko elitake akana si ukljardo ko piedestali  anavkerdo «Rajo».Ka shunaminge akana ko promocije e politikare partiengoro bare bukja sa so ka keren ko interes e Romenge, ka thavdel «od pile mleko» , ka ovel tari suv dzi ki lokomotiva, ka thamarinenpes  kule taro karte.Akana o vakti keda ka keren buti pobuter panle NGO romane ko korist disave politichko partijake sar pomashkaripe ko dejbe humanitarno demek pomosh , varo, zejtini, gravo, rumimo mas  so bershencar besela ko disave bare  komore  thaj love so na ka ingarel pobuter  taro 20 evrija.Ka oven thamaribe taro 50 dzi ko 150 metre  asvaltiromo drom, numa shaj te na ovel agorkerdo  celo drom soske shaj te dzakerelpe  o avutne lokalnikane alusariba   2017 bersh, a sa adava  dzi dobinen o hango e dizutnengoro, palo odava  ola pe dromeja dzi ko produzibe pire barvalipaskoro , o dziani ko produzibe pire chorolipaskoro.

«Komu ide zhish» Asajbaske  si te na ovel akava chachipa bashi amari fuhal dendi ko vasta okolenge so nanejamen  nisavo kjari lendar.

Chache,  dzakeraja li  lendar diso?

Na tromana te oven analiticharija, nitu gogjavera  manusha te diken, te svatinen so nane nishto so bi dzakerena sine lendar?

Diken o romane politichko partije , save programe isilen, save agendencar iklovena ko akala angloalusaribaskere mitingia  em ka kuvel tumenge ki godi kaj o hango tumaro mangena te lenle  bizo «dema te davtut».

But prozirno si o nastap lengoro garavdo palo  bozemsko patriotizam thaj sluzhibe  e nacionalno interesenge.Akate na kerelape lafi baso Roma kola so si membria ko bi romane politikare partie, len isilen  konkrtenikani platforma baso nastap  ko akala alusaribe, ano  akala   bi romane politikakere partie  isi romane politicko partie sar lengere koalicije   kova na trebela te znacinel so mora te ovelen jekh ka jekh politichko programa,  sar globalno lengiri programa tromala te   ovel biathinali  tari  koalicija  sem disave  tikne iskluchocija.

Fuhalimaja  dikaja  so nijeke romane politikare partien kola lena than ko akava alusaribe nane  len nisavi  programa  so nudinela pire alusarinenge,  akava ingarela so  ko alusaribe dzana   «komu ide zhish» korolipaja  te  pogodinge i cel,  pogodimi, te na  ka acnoh engerija.

Saakana rodena  than ki purani slava, ko diso so na kergje khanchi , jali kergje  progres so nane  voopshto zabelezitelno.

Bi normalno te dika thaj te shuna so  bershenca khoni na iklilo serioznikane programaja agendaja basho tikjnaripe  e phare  haleskoro taro Roma ki Makedonija, sem kujbe  pes ko kholina , so lengiri partija lengoro lideri isile numero  punktija kola so ka realizirinepes ko nekobor chekorija angle, numa sar so diklem dzi kana  lengere chekorija ko than te dzan angle dzana  napalal.

Savi tali e shajdipaskiri opcija , ako voopshto isi opcija , barem sar so thavdena akana o bukja nane  but gndipa, realno o romane politichke partije na dena  nisavi opcija , soske , jednostavno 6 romane partije si ki koalicija e DPMNE-eja,  nane diferencija, jek romani partija si ki koalicija  e SDSM-eja  , a ko SDSM isi jekh romano predenti basho than deputati ano Makedonijakoro Parlamento, kova so direkno ka ovel konkuretni baso romano deputateskoro than  ani AJ 2.

Isklucitelno diferencija ano  akanutno rotori kova so ka podvizinel o masine e  motoreskoro si o «Rajo»alusari (glasachi), kote so bizi razlika savo pogonsko gorivo upotrebinela ki piri mashina  ka anel e politicare ko than kote so ov ka chivele, numa dali ka pokineleske o zori so dengja dzi kote angjale ko akava than ka dika palo  jekh tikno vakti keda ka beshel panda jekh drom ani fotelja, soske ov  na mangna te uilavenpes latar, te pene i fotelja leske  si pupchano vrska,dzi kote na acholavi agjar sar so sine ko nakle  star bersha, adaja tali i khelin e  alusareskiri « kumu ide zhish »

 

Mozes Solomon (Muhadjer Sulejman)

 

Chitingen li akava?

Друже стари одбројани су ти дани

Друже стари одбројани су ти дани Поминаа и овие предвремени  парламентарни избори 2016 година, искрено …

…Hango e dzianeskoro

Tari jekh rig pepeljara , tari javer rig cigara , ko maskar o astali i …