Tuesday , August 22 2017

Kozom sijem zorale te shaj trampinaja amaro dzivdipe thaj leskoro autoritarizam?

Pobuter bersha, amaro phakjajbe nisar te ovel amari tradicija so ka zorakerelamen ko prioritetno resarina, nisar te avel o zoralipe mujal o zori savo bi zoraleste demonstririnela sa amaro nacionalnikano romano jekhutnipa.

Ulavde sijem ko sa o riga, jekh jekheske na pakjaja, nit na dikaja leskoro hali sem personalno te civale ki panda pobari chik kotar popareste ka iklol.

E, amari romani tradicija, chivdi upreder sa o norme taro romane nacionalno interesija, buvlajrdi ki livadi ko vakti taro «viknd-piknik» chuche sofraja dikibaja upreder ko oblakija, dzakerindor neko te chudel upreder i chuchi sofra diso.

Dzakeren, samo tumen dzakeren,sa so hramonava thaj so iklola taro akava mlo muj zorale vakerela so amende si chivdo totalitarizam,ma te keramen so khanchi na dzanaja, sa dzanaja, sal kerajemen so demek khanchi na dzanaja basho sa o melale bukja ki amari biathinali komuna.Soske iklovena anglo nekaste te oven lengoro piko, pa tumen na dzanena li so adala bidemokratikane pojave tale ikavde taro autoritarizam?

Ake bash basho adava autoritarizam vakerelapa so «OV»skoncetriringja sa piro zoralipe thaj bari mokj, kote so leskiri resarin si dur tumendar,ki adaja bari leskiri mokj sukcesingja te lel tumendar tumari autoritarno svest, sar sherutno kova so ko ple vasta koncetriringja sa publicirime thaj politikakere funkcije, thaj agjar pes kergjape sar avtohtono vladari , patroni kova so isile sa tumaro pa vi tumaro dzivdipe kova so angli leste na kostinela ni pandz banke.

Kotor tari amari intelegencija gndinela javerchane , numa diferetno ikavela o bukja kola so dzala ko korist asavke autoritarizmeske, cide ma cide sakana acoveja kothan kote so na mrdningjan bershencar, sa basho adava so neko civla tuke sopka, jali pandela te jakja, pa palo odova sar bakhro ingarelatut ko livade bizo te mekeltut te ha char jali uza ko lenja bizo te mekel te deltut te pije pani.

Nane ni hari asajbaske ked ka dika o hali taro asavko rezim, o atoritarizam niked na angja diso shukar, pa na ka dzakera ni ko akala but akcije kola so organizirinenalen pobut humanitarcija basho bare humanitarno proektija kola so na ka oven prifatime lestar, soske sal «OV» valjani te ovel anglal , nisar dujto jali ma te anel o Devel trito.Na sijum ki gdnin kaj «OV» dzi kote acilo ki adaja fotelja ka cidel i bidemokratija adatar ,majangle so ov tari demokratija na pendzarela ni i avgo shabdi «D», kontra taro adava sijum ko pakjajba so leskoro fundavno karakteri panda pohor ka orinel i kishli komuna so sako bersh perela sa pohor thaj pohor ko dugija.Numa sako sherutnipe ruminela o rumimo, te bi shaj ma te lel bari khand pobuvleste.Dzi kote sijen ko gndipa kaj nane javer alternativa tega hovavgovena korkori tumen, isi, trebela te rodala isi but alternative dikena la, sal na pendzarena la.
Na, nane akaj iluzija nit fatamorgana, saj si chachipa vi sar o kirezija so lole besena ko travjale grane, ali nashti lena len , jali si but uceste, jali o gavutno si uza late thaj arakelalen.

Mozes Solomon (Muhadjer Sulejman)

Chitingen li akava?

Демант на пратеникот Курто Дудуш до порталот Република.мк

Во однос на објавата на порталот Република.мк со наслов “ПАРТИСКАТА КНИШКА ЌЕ ВРЕДИ ПОВЕЌЕ ОД ЛИЧНА …

O dive tari nakli rakj

Samo jek pred obavest anglo te drabaren i kolumna, i tema akale kolumnakiri na astarela …