Saturday , June 24 2017

Mite Stoilov lela avgo than ko Pinkove Zvezde

 

Pinkove ZvezdeAmaro muzikakoro talenti pohari, numa siguritetno resel o simpatie taro Balkani.

Erati rakjate o Mite Stoilkov reslja o jekhto than ko finale taro „ Pinkove zvezde“. Odolea amaro giljavutno reslja te kerel singl thaj albumi bašo  „City records“, ,

a ko jekh ka dromarel baši Barselona. O Stoilkov kergja super atmosfera kana giljavgja i kultno “Zajdi, zajdi”.

-Nikana na giljavgjan pošukare taro akava, vakergja i Marina Tucaković, dži kote i Ceca komentiringja kaj odole giljajbaja irangja lake i memoria ko akana mulo Toše Proeski.

O Stoilkov ko finale sine e Jelena Džurič, so giljavgja i gili “Oro” tari Jelena Tomašević.O Mite Stoilkov si čhavo taro pendžardo muzičari thaj vokali ki grupa “Ogneni Momčinja” , Goran Stoilkov.

O Mite Stoilkov prekal o havljarina ka ovel specialno misafiri thaj ko 24-to tradicionalno manifestacia Mis Internacionalno Romani Majšuži Čhaj 2016 berš so ka ovel ko 13 juli ko Skopje ko hoteli Kontinetal.

Erati isto agar piro singl nevo akale bersheske nilaeske sine promovirimo taro Ivan Kurtic kova so sine nakle bersheskoro pink zvezda.Ov promoviringja pli gili savo si ko Spansko Ritam perfektno izvedbaja thaj aranzmaneja.I gili kergjala leske i Marina Tucakovic akala duj sikavena kaj si jek taro pobare talentija ko Balkan koleja so vazdlapesajdipe te ovelen bari muzikakiri kariera ko Balkan soske te na ko Sumnal.

Sar sine oleskoro finalno giljajbe šaj dikhen akate.

Pobednik pinkove zvezde Mite Stoilov

 

 

Chitingen li akava?

Kafa barvale šhužipaja!!!

Nakaven  o akšami palo bukakere arija uživibaja ki akaja šuži kafa taro lešniko thaj karamela. …

Filmija tela ki havaj sekova savatone ke dizjakoro Parko ko Skopje!!!

Taro 17to juni dzi ko 5to avgust bare Skopska raka, sekova savatone, ka šaj te …