Saturday , April 29 2017

O gripi alo porano, so dena sovet o doktorija ?!

O gripi alo porano, so dena sovet o doktorija ?!

Baši te namalinelpe o širibe e gripeskoro, o doktorija sovetujnena o zarazime te ačoven ki izolacija nekobor dive, te pijen but ćaja, tečnostija, te han šuko thaj svežo ovošje . O saste te izbeginen kontakt e nasvalencar, te thoven pe vasta redovno, te pijen vitaminija thaj mineralija najangle but te konzuminirinen obicno pani da te pijen thaj prirodna sokija.

O gripi pherga o bolnice ki phuf, numa i klinika da bašo   nasvalipa tani da perdi bare numeroja . Pacientija simptomencar kola ličinena ko gripi sekova dive resena ko ordinacije, a okola poloke simptomencar iranenape ko kherutno lečibe sovetencar sar te ciden pestar o gripi.
Slično tani i sostojba ko regioni da, ki Albanija odložinge o pravdipe e siklovnengoro pala ko odmor e novagodinakoro sebepeja so širinelape o gripi thaj o najavimo šhilalo brani ,O Hrvatska agencije objavinena duj mule slučajia, a celo phuv tani zafatimi tari epidemija e gripeskiri.

-Pratinen O simptomija e nasvalengere

DOKTORIJAO doktorija penena baši o serioznost e viruseskoro valjani but te pazinelpe . O roditelja te pratinen pumare ćaven thaj o simptomija akale nasvalipaskere . I ako ki Makedonija nae proglasimo epidemija, ki klinika bašo ćavorikane nasvalipa nabavimo tano o iljači “TAMIFLU” a preventivno više kerdi tani i vondredno sostojba da, numa isi obezbedime da ulavde prostorije izolirime, te našti te zarazinenpe o javera da ćave so arakljona ki bolnica soj tane ate taro javera sebepija .
Doktorija taro Kavadarci vakerena kaj o virusija perge lengere bolnice thaj nane više ćuce thana. Prema ko pedijatri Mirjana Šemova ačavkerenape ćave samo soj tane virusencar thaj bronhopnevmonija, a o javera ćave mukena pe khere ko kherutno lekujbe.

Bašo jek kurko isi 1024 nasvale taro ki gripi ko Kavadarci, za razlika taro lani berš kote sine samo 58 slučajia. Ko podracje Kavadarci thaj Rosoman dži akana evidentirime tane 1,420 pacientija sezonsko gripeja, a ki Kriva Palanka zaedno dži akana e komunaja.

Rankovce registririme tane 22 slučajia kola so lendar tane duj ćave ko berša taro 5 dži 14 berš, 17 tane ko berša taro 15 dži 64 berš ,a trin tane po pure taro 65 berš.

– Dukha ko kana, problemi ramnotežaja

DOKTORIJAFamilija taro Skopje panda osetinela posledice taro nasvalipe taro okova nakavdo masek . O nasvalipe sine bajraribe e temperaturakoro, pandlo nak, silno duk ko kana, duka ko šero, kokala thaj muskulija.
Sarine siem sine nasvale.

Nadzalem dali tano gripi, nikoj na vakerga amenge asavko nešto ki dijagnoza ,sarinende različno sikavelape sine . O najtikno chavo sine thavdibaja o nak leskoro thaj baljarde temperaturaja , a me o pobaro chavo thaj mi romni siem sine but uche temperaturaja . Sine amen zoraleduka ko kana ćak problemija e ramnotežaja, sarine pijaja sine antibiotikija bašo duka taro kana ,numa panda na siem saslarde dži o agor -phenela jek cleni akale familijakoro .

Ki Struga da javinelape baro numero taro gripi kote soj tane registririme 112 slučajia. Taro centro bašo javno Sastipe.

Penena kaj o numero tano pobaro taro lani, najbaro numero taro nasvale.avela ko berša taro 15 dži ko 64 berš.

Ko Veles 80 nasvale ćave dži ko 4 berš.

O centro bašo javno sastipe taro Veles soopštinga kaj ko nakavdo kurko sine registririme 1,123 nasvale taro sezonsko gripi. Maškar o nasvale isi thaj 80 čave dži ko 4 berš. A 221 ćave tane ki vozrast taro 5 dži ko 14 berš , a ki grupa nasvale taro 15 dži ko 64 berš isi naj baro numero taro 683 slučajia, a poupre taro 65 isi 139 nasvale. Ko masek dekemvri sine registririme 1,756 nasvale. O epidemilozija penena kaj o berš poćinga porano o gripi, a udžarelape barobrani taro nasvale te ovel ko masekija fevruari thaj mart.

Baši namalibe e gripeskoro o doktorija sovetujnena o zarazime te ačon ki izolacija nekobor dive, te pijen but čaja, tečnostija te han šuko thaj svežo ovošje . O saste te izbeginen kontakt e nasvalencar, redovno te thoven pe vasta, te pijen vitaminija, mineralija thaj te konzumimirinen čisto pani.

Avtori Kjani  Ibraim

Chitingen li akava?

Собранието ден по крвавите настани (фото галерија)

  По вчерашните случувања во зградата на Собранието на Република Македонија причинета е материјална штета …

LIVE TARO MVR PRESS MInisteri Nuhiu