Tuesday , June 27 2017

O groto romane politicharija tari Makedonija nasavgje piro GPS

 O groto romane politicharija  tari  Makedonija  nasavgje  piro GPS

 I so akana te kerge trampa tari javer ki javer koalicija, so ka meninelpe ko romano hali, keda kerelape  lafi basho jek isto igracija , jekhutni trampa si samo anav , okova sa achola  isto,nikaske na trebela igraci kova so ko teren na dzanela  keda te stopirinel, keda te kerel sprint keda te acol ko than  thaj koja si leskiri pozicija .

O naklo kurko ki makedoniakoro politikakiri scena sine turbo, sa o riga kola so dzi akana na dzangem  akana pedzargemlen  blagodarejki amare romane liderengoro kola so ni ola korkori na dzanena  sa kori,  koja rig te astaren baso pumaro bi funkcionalno ja li rumimo GPS.

MuhadzerKotor taro akala romane politicko liderija lizingje  sa so chungargje  ko vakti keda dikle  kaj lengiri politicko partija ka nasavel akala alusarina anglo sa tari koalicija e pozicijakiri thaj e opoziijakiri. Siguno sijum kaj asavke rokade , asavko iklov kuv iklov kuv , nit o najsukar khorane scenaristija na ka saj te osmislinen basi disavi khorani serija  , ama nejse.

Niked  dzi akana ano romane  socijalna mreze na sine dobor  baro aktiviteti komentarjia, debate , izjave, demantija thaj javera  bukja. O ulavdipe si ocigledno, avdive  blagodarenie odolenge kas so amen ustolicingem, ulavge amen taro amare pralja dada , amala  thaj pendzarde manusa, sekoj braninela okole kaske so pakjala leske, thaj leskere  politicko ideologijake, dzi tega keda thavdena vi agjar o lengere interesija.

Sijem sine  svedokija ko nekvaliteti taro odredeno numero personija ki romani politicko  scena , lengere  loke gogjakere  dicisije kola so kosinenape anglutne staveja baso lengoro than ki jek odredeno koalicija.

Shaj, pa ka vakeren kaj ake amen basi amari biuzhardi dioptrija na dikaja o bukja sar so valjani, oja amen na dikaja pali zavesa ama sa iklola  angli scena kompletno tetarsko prestava   pendzarde raspletea , soske odola lengere khelina si  dobor j prozirno so na bi trebela  te ova i Vangja pa te pogodina o rasplet sar bi agorkerela .

Sio sikavge amenge  okola so na besena sa ke pe tana? Soske rodena sredbe  javere politicko partiencar , javera koalicije baso so? Baso piro dziani jali basi pumende korkori?

Puchima  kola so palunipaja arakhaja o dzovapija mimo ola te vakeren  korkori javno thaj transparentno so si  normalno tari lengiri rig, soske o sap niked na sikavale pire pire, adaleske so  le  nanele pire ov lazinela ke ple trbusna muskulija.

O hali kote so araklovela o romano dziani sikavela jek realno chacutno problemi  so nane  politicko primarno nego talo moralno  hali , soske sa o decisije kola so anenape ,  anenalen javera , amen perindor ko kochaka  dajalen amaro totalitarno integriteti.

Avdive o manush na valjani te ovel le  bari opsto,  jali politicko edukacija te nasti te svatinel , kaj ko mashkar jek tikno numero Roma ki Makedonija  vladinela jek bari promaja anavkerdi politikakoro idiotizam.

Kozom na mangava te upotrebinav akala izrazija   ama ko akava moderno vreme   keda kerelape lafi politicarenge kola so si bare hipokrtitija  sar melem ki rana perela akava  thaj but javera  negociionalnikane anava  thaj ko pravo  sijem keda ka anavkeralen sa adale anavencar soske  ko lengoro pobutbershengoro  romano politikanstvo kova  so demek kerelape buti baso dobrobitna  bukja e romenge namesto te sikaven  so kergje e romenge sikavena save vrdona vozinena ola, lengere chave, save kera isilen, save  firmencar rakovodinena thaj  javera  bukja.

Sa akala bersa  sikavgje  pojedino politikakere liderija  kaj nane sposobno te oven amare  prestavnikija soske tale bi mudra, bi kompletna, bi postena, kola so lengoro politikanstvo  pandelape  lengere licno interesenge , ola si dobor  bare idiotija kote so ni ola korkori na svatinena kozom si bare idiotija, ponasinenape barikane  bute benficiencar sar «sheikia» ko piko e obicno  romane dzianeske.

I so akana te kerge trampa tari javer ki javer koalicija, so ka meninelpe ko romano hali, keda kerelape  lafi basho jek isto igracija , jekhutni trampa si samo anav , okova sa achola  isto,nikaske na trebela igraci kova so ko teren na dzanela  keda te stopirinel, keda te kerel sprint keda te acol ko than  thaj koja si leskiri pozicija .

 

Mozes Solomon (Muhadjer Sulejman)

 

Chitingen li akava?

На Ромите не им требаат кадровски „трошки“, туку еднакво општество за сите!

Претходната власт вешто успеа во изминатите десетина години да не подели на „наши“, „ваши“ и …

Kozom sig ko dendo vakti transferinajamen

Disave kupe amare romane shaj ovena sa so mangena, ko sakova momenti shaj reinkarninaja ko …