Thursday , August 24 2017

O Real Madrid isile plani te kjarinel majbuter akava nilaj !!!

Ko Real Madrid spreminenape bašo rekordno nilaj, kote so ka peraven sa o rekordija bikibaskere igračija dzi akana.

O Real Madrid si pendzardo palo odova te kinel but igračija thaj te del but pare bašo anibe neve transferija, numa akava puti ola isile javer plani thaj mangena te kjarinen pare taro bikibe igračija.

Ko akava slučhaj kola ola so gndinena si, kaj o Alvaro Morata mangela te dzalpeske taro klubi thaj leskoro bikibe bi astarela okolo 90 milionija evrija, adava bi ovela majpukimo bikimo igrači ki istorija taro transferi ko Špansko fudbali. Dzi kote adava rekordi ikerela sine o Angel Di Maria kova so o Real bikingele ko Mančhester United bašo 75 milionija evrija.

Bašo Morata zainteresirime si o Milan,Mančhester United thaj Čelzi.

Numa adava nae sa, bašo bikibe taro James Rodriguez mangena o Real  Madrid 70 milionija evrija, baši leske si zainteresirime Inter, Juventus thaj Čelzi, barabar akala duj transferija resarena dzi ko okolo 160 milionija evrija kova so bi ovela apsolutno rekordno dzi akana baši olenge.

Ko 2013 berš o Real Madrid dobinga šuže pare taro transferija koga resarga dzi ko 113,5 milionija evrija. Ko adava nilaj sine bikime Mesut Ozil ko Arsenal, Gonzalo Iguain, Raul Albiol thaj Calehon ko Napoli.

Adala pare o Real Madrid so mangena te dobinenlen bašo akala transferija, mangena te iskoristinenlen ekvaš ko anibe e terne talentirime igračhe taro Monako Kilijan Mbape, a ov ako anga dekreti te avel ko Špansko klubi adalea ka kerel nevo rekordi, kote so ka ovel majterno pukimo fudbaleri ki istorija.

Chitingen li akava?

Barcelona plani B: Di Maria thaj Seri, ako na ale Coutinho thaj Dembele!!!

Šhurakerela i Špansko Primera, a Barcelona panda nane la kompletirimo po timi baši nevi sezona. …

Vardar dobinga e Khorane gigante Fenerbahče!!!

Makedonijakoro šampioni erati ko tereni „Telekom Arena“, dobinga e Fenerbahče 2:0, a akava sine „top …