Tuesday , October 24 2017

Proekti basho zojrakeriba e kapacitetengoro ki rashtrakiri administracija bashi inkluzija e Romengiri

Ko pervazija e proekteskere taro avdive dzi ko panchtodi, ko komuna Chair thaj Shuto Orizari ko Skopje, Tetovo Gostivar thaj Shtip ka ikerenpe pravde divesa, direktno dikhina mashkar o lokalno romano dizuitnipa e sikavutnencar taro institucie thaj organizacie tari Makedonija.

O proekti, sar so dena haberi, taro januari 2016 bersh adresirinela nekola taro o sherutne sebepija basho o socijalno nalejbe than e Romengoro, Roma nashutne thaj andrune raselime dzene, chivindor thaj olengoro bibukjardarnipa thaj finansisko siguriteti, ko istonovakti bajraribaja o kapacitetija sa e partnerengoro chivde ko proekti basho poshukarkeriba e procesengoro bashi inkluzija e Romengiri.

Ko lokalno nivelo ko sa o kupatna kola so si resarin e proekteskiri, si chivde lokalno koordinativno badanija sa resarinaja keriba bajrovipa thaj dikhlariba e lokalno akciono planengoro bashi inkluzija e Romengiri ko kotora taro intereso e komunakere, a ki koordinacija e strateshko resarinengoro zojrakerde ki nacionalno Strategija basho o Roma 2014 dzi ko 2020 bersh thaj o Nacionalno akciono planija basho o Roma 2016 – 2020 ko kotor e bukjardarniapskoro, domuiba, sastipa, edukacija thaj inkluzija e Romane dzuvlengiri.

O proekti astarela o komune Berovo, Bitola, Vinica, Gostivar, Delchevo, Kochani, Kumanovo, Prilep, Tetovo, Chair, Shtip thaj Shuto Orizari, a kerelale o Ministeriumi basho trud thaj socijalno politika ki mashkarbutikerin e EPTISAja ko konzorciumi mashkar CARE, Makedonijakoro centro bashi mashkardzijaniskiri mashkarbutikerin MCMS thaj o Romano Edukativno fondi, dendo ikerin tari Evropakiri Unija.

Chitingen li akava?

Kurto Duduš-Kuco: O kurko ki Šutka na phandelape, ka ačhol thaj ka ovel pošužo(VIDEO)

Erati ki tribina ikerdi taro SDSM ki Šutka o kandidati bašo dizjakoršherutno Kurto Duduš-Kuco vakerga …

Zaev ki komuna ŠO: Agorkerdo i sa baši Familija Bajram ki Šutka, Ka kera buti bašo jekhipe barabar sarinenge.(VIDEO)

Erati ki komuna Šuto Orizari vizitiringa e dizutnen thaj e sipmatizeren taro SDSM o lideri …