Tuesday , October 24 2017

I publika aplauz dela bizo te ačhol, Amari Indira Beriša dzala ko finale!!!

Ni jek na ačilo te na del aplauz jali te rovel , tari „akaja gudli avutni čheren“ palo lakoro nastapibe ko ekvaš finalno rat ko show taro „Pinkove zvezde“.

Ki scena iklili 16to palo redo thaj agorusutni ki ekvaš finalno rat, numa sar so penelape o „čherenja uvek iklona ko agor,sar i jagodka tari torta“. Amari Romani bah Indira Beriša gilavga i gili tari Tanja Savič „Tvrdzava Ljubavi“.

I Dara Bubamara sniminga celo lakoro nastap dzi oj gilavela sine, vakerga lake „Tu sian mange pobedniko“,kolea so o ista lafija vakerga o pendzardo harmonikaši Kemiš, o rom tari pejačka Zorica Bruncnlik.

O legarutno taro „Pinkovi Zvezde“ Milan Kalinič vakerga me mora te slikinaman e avutne čhernaja, palo adava ikalga o mobilno thaj kerga Selfi e Indiraja.

„me sine ma šajdipe te vakerav panda ko avgo krugo kaj i Indira tani pejačka kolake trebela but te računinelpe.

Iklilan panda ko avgo krugo phergan akaja scena perfomanseja thaj preka ki tiri interpretacija kova so adava but ceninelape“ vakerela i Zorica Bruncnlik.

„ oj isla sa so dengala o devel, ni jek momenti na sumningjum upral olate, dzanava kaj ka ovel bari čheren, valjanela but te pazine save gilja ka birine kolenge isima umuti ko sig vakti so ka sniminelen“ vakergalake o Šaban Šaulič.

„oj isila sa, isila šhuzipe , gilajbe thaj vilo. Sa ola vakerge „ o lafija sine taro Kemiš.

„ Indira isila glaso kova so me bi mangava akana te kerel adava CD thaj te muke jek belego, soske sijan majčisto, majšuži thaj majnežno, a anglo sa odova sovršeno pejači. Tu sijan sar meleko „ vakerga i Maja.

ake o nastap tari amari Romani terni avutni čheren Indira Beriša:

 

Chitingen li akava?

Bori fani taro Lacio: o klubi avgo than ko vilo angleder o boripe.(VIDEO)

Sudinakoro „OJA“ ko jek venčibe ko Rim valjnga te udjarelpe čhak palo 90 dakikija jali …

Prandingape i šuži „Gul“ tari serija „Šuži gaveskiri čhaj“.

Khorani akterka Gizem Karča jali pendzardi sar „Gul“ tari serija „Šuži gaveskiri čhaj“, ko paluno …