Sunday , October 22 2017

Rakj bašo Liga Šampioni!!!

Avdie khelelape  o avgo kolo tari nevi sezona ki Liga Šampioni, fudbali thaj čherenja isi ko 8 mečija kola ka šhurakeren ko 20:45 o ari ko razna stadionija ki sasti Europa.

Majbaro dikibe ka ovel iramo urpo o revanši taro lansko meči kova tano panda svežo thaj dukhala e Barcelona so pelargalen o Italijansko giganti Juventus, erat „ko Kamp Nou“ isilen šajdipe te iranen lenge baši eliminacija taro Liga Šampioni thaj čhinajbe ko drumo e pehareske.

Palo odova meči jek taro po interesno thaj šhužo avela taro Centro e Italijake  taro Rim kote ko „Olimpico“ avela o Ateletico Madrid ko paketi o Grizman thaj lengoro treneri Diego Čola Simeone.

Udjarelape loke dobime mečija angli pi publika te ovel len o Germansko okupatori Bayern Munchen mujal Belgisko Anderlehct, o Čhelzi thaj Konte mujal o autsajderi Qarabag taro Azerbedjan, šaj udjarelpe na izvesnost ko meči ko „Old Traford“ kote avela ko misafirluko o Basel tari Švajcarija mujal e Mourinhoskere igračija Mančhester United so araklona ki šuži dinamično forma, numa ate da šaj tipujnena 1 bašo o kherutne.

O bare pare ko paketi e Neymareja thaj Mbape erat avena ko „Ostrovi“ jali ki Škotska ko lengoro pobuter kratno šampioni Celtic, a ko stadioni e nureskoro „Estadio de luz“ Benfika phravela pe porte te khelarel e misafiren tari Moscwa Cska, a ko pašipe amende ko balkani jali potočno ki Pirinejska ostrovija  resela o Sporting taro Lisabon mujal  o kherutne Olimpiakos.

Udjarenape but golija thaj šuže mečija , pa sa tano hazeri thaj šaj šhurakerel i nevi sezona neve vozbudencar.

 

 

Chitingen li akava?

Maribe maškar o fudbalerija thaj o sudije.(VIDEO)

Ko fudbaleskere mečija paš ko golija thaj sa o javera šuže momentija isi than bašo …

Tomas Miler: Amen paldingem e Ančelote.

Germansko reprezentativco thaj čheren taro Bayern Munchen Tomas Miler denga lipariba kote so sikavela so …