Sunday , October 22 2017

Roma Kavadarci:  Šherutne akterija taro filmi ko vakti Alusaribaske

Alusaribaskoro kanuni diskriminirinela len, nane Roma ko sovetikane liste a ko programe e politikane partienge tane andime but hari. Lencar manipulirinelape, a lengere hangija tane importantna sar so vakerena o pripadnikija tari Romani khedin ko Kavadarci, numa tane trin puti poeftina taro hangija e dizutnenge.

Asavke staveja iklolo  o Khedipe e Romengoro taro Kavadarci , „ Tikveš Roma“ palo havlaribe o sovetikane liste kote na sine ni jek Romano anav.

„Amen o Roma siem importantna samo ko dive alusaribaske, taro dendo lafi palem na ačhola khanči, amen o Roma osetinajamen sar pionija ki jek mat pozicija. Adaleske havlarava sa e politijkane partienge te na manipulirinen  thaj te na khelen peske e romencar , soske adava si branimo kanuneja bašo alusaribe , ulavdo baši Romani khedin. Amaro khedipe akava računinela le sar jek dikibe tari kulturno diskriminacija, sebepi so ni jek , ni tari pozicija jali opozicija na sikavga interes amenge, khuvgem ko adala udara, numa na irange amenge te ova kotor ki bilo savi lista bašo dizjakorošherutno“ liparela Sulejmanov taro Khedipe „Tikveš Roma“.

Akava puti baro dikibe anglo lokalna alusariba isilen o pripadnikija tari Romani khedni, numa na taro političarija nego taro Khedipa kola kerena buti bašo pošukar dzivdipe e Romenge.

Dikibaja kaj ni jek politikani partija na arakla than bašo sovetniko Rom taro Kavadarci.

Chitingen li akava?

Kurto Duduš-Kuco: O kurko ki Šutka na phandelape, ka ačhol thaj ka ovel pošužo(VIDEO)

Erati ki tribina ikerdi taro SDSM ki Šutka o kandidati bašo dizjakoršherutno Kurto Duduš-Kuco vakerga …

Zaev ki komuna ŠO: Agorkerdo i sa baši Familija Bajram ki Šutka, Ka kera buti bašo jekhipe barabar sarinenge.(VIDEO)

Erati ki komuna Šuto Orizari vizitiringa e dizutnen thaj e sipmatizeren taro SDSM o lideri …