Tuesday , October 24 2017

« Rumimi phabaj »

Odova so sine but dzakerdo , dozdakerdilo, sal ka thavden o bukja ponadari , ka dzakera palo ko formiribe o nevo Makedonijakoro Govermento thaj o pozicije kola so ka treben te ulavenpes maskhar o koaliciono partnerija.

Keda sijem ko adava ulajbaskoro benefitno kolachi, puchava ma so ka dobina amen o Roma.
Dikindor taro purane postavke nane but so shaj te vakerelpe kozom sine odova sukcesivnikano buti keribe, keda kerelape lafi bashi nacionalniano interesija taj benefitija kola so trebingje te anen o manusha Roma kola so lile pobut themutne funkcije ki jek multietni
cko Govermenti taro sherutnipe e VMRO-DPMNE-eskoro.

Sar so liljape o mandati taro rajo Zoran Zaev, akana ko megdani iklile o mecke tari pestera, bokale pozicienge, kola so ko sa akala 11 bersh tormoziribe sine koaliciono partnerija partijaja koja so ugnetinela sa e romen ko sa o sfere e dzivdipaskoro.Dzi erati garavenape sa sar kermuse ki kojznae savi dupka, bi pi mucka te ikaveaven avrija.Sar lesinarija , mrsojadcija adzikerena sa te avel lenge zrtva. Tega lenge sine sukar sinelen pozicije, bukjarne ko themutne organizacije, ano Govermento, ano direktorsko jali themutne agencije, a pobut lendar lena sa love bizo te dzan ani buti sar themtune administratotija kola so dzakerena na « Sveti niked » te shurukeren te keren buti.

Akana sarine ola ule « BOGAMI » bare romane PATRIOTIJA(citin hovavne).

Kaj sijen sine dzi erati, tela ko savo tepiko garavgen tumare bokhale lovengere suratija ?

Savi si odova politichko bokhalipe, niked te na ove chalo ?,Palem li mangena te hovavenamen, pa akana kerena bare matematicko operacije , kola so e obicno dzianeske si bari nepoznanica, so kerena hazri ko tumare politicko kujne ?-palem li mangena te z*kuren tumare narodo ?

Oja, odova lenge ki godi sa akana, niked na sinelen javer strategija sem sar saj te len love, love, love….

E akana keda dikle kaj «Ode shala u p*cku materinu» astarenape odote kote so dzi erati na sinelen ama ich ani odoja lengiri perdi godi.

Sako ka valjani te del dzovapi bashi piro bagazhi so piravela pali peste,sako odova kova so bizi razlika pe savi osnova sine delo tari ugnetuvacko politicko partija ki steta e romengiri, a na sine delo taro krimo buti keribe, hovajbe manipulacije, nepotizmo thaj javera bi shukar kerde bukja, na ka shaj te lel than ko ulajbe e pozicijakere kolacheskoro.Kharna sine amange purane-neve muja ki romani politicko scena, muja kola so sar dzi akana thaj ko avutnipe ka oven sal kukle cidime ko thava taro pobare rumime romane politicarija.

Nakela o vakti, o avutnipe sig avela a amaro dziaani na sakana dzanela te kazninel e coren pa makar odova ulo palo but bersha.

Badijava ako neko piravelatumen akatar , okotar, teleder upreder,sig ka peren tumare maske, ka sikaven odola jeke vakteskere garavde suratija, a tumari personikacija avrutni sikavena la sar « Meljaikija » a andre ki dusa sijen sar kirne phabaja kote so o kirmo kopinela i rumimi phabaj.

Adaleske muken than terne chavenge kola so pali peste na nelen nisavo angluno paro bagazhi,ciden tumare vasta taro kolaci kova so zasluzinena javera, Ednostavno dzn ki Istorija, oja so palo nekobor bersha ka kategorizirineltumen ki kategorija koja so zasluzingen.

 

Mozes Solomon (Sulejman Muhadjer)

Chitingen li akava?

Vavilonakiri kula

E Vavilonakiri  kula trujal i Biblija sa thamarin taro Noeskere potomcija kola so shurukergje te …

Autokratija jali Demokratija ?

Anglo savo alusaribe si mukle o dizutne tari komuna Shuto Orizari? So ikerela adaja turlija …