Saturday , June 24 2017

Shaj li i vizija te ovel chachipa

I vizija si kotor, amare gndipaskoro kaj ko avutnipa ka ovel agjar sar so dikaja ki vizija.
Akaja fotografija kote so si si prepletime o bajrakora taro pobut nacionalno etnikumija kola so dzivdinena ki Makedonija dela sine vizija kaj viktorijaja taro SDSM ka anel multietnicko tolerancija, pravicno zastapenost , pravda sarinenge thaj javera benefitija vetime taro SDSM parolaja «Zbor si e zbor».

Tari akaja parola»Zbor si e zbor»ocigledno dobingjem samo chiro ko dvanaeseto palachno crevo,decizijaja bashi predlog imenuvanje zamenikija ministerija ki Vlada tari R.Makedonija, kote so nane nijek Rom, pa duri ko ministertsvo basi MBSP (ministesrtvo basho bukjarnipe thaj socijalno politika) kova sine tradicionalno rezervirimo e romane partienge(chitin romeske).

Nane te kuvav pohor te shaj te kerav analize trujal save kombinatorike, matematicko operacije, izoliringje e Romen taro akava-akala prestizno vladino funkcije , sebepi?

Ako akala lengere kombinatorike sine ki trasa bashi bilache izborna rezultatija ko romane sredine, bi zorale pregovorija tari rig e koaliciono romane partijakoro pa cak taro romano prestavniko akanutno prateniko taro SDSM , znacinela kaj o SDSM kerela revanshizam bashi akala napomenime bukja kola so voopsto na korespndirinela leskere anglo thaj palo izboreskere politikaja bashi nanibe revanshizam ko sa o bukja?

Dzi kote akava na astarela than tega si sal jek sigurno kaj i vizija basi MULTI-ETNIKANI MAKEDONIJA perela ko phani a kaj angli amende beshela kontra vizija bashi BINACIONALNO MAKEDONIJA, drzava e makedoncengiri thaj e chibanengiri, sa okola shaj te oven samo MULTIETNICKO DEKORI.

Akaja asavki neprifatlivo andi decizija, so bilache nacionalno kombinatorike kergja BUM ko romane socijalno mreze pred se ko romane NVO taj romane intelektualcija bicavindor lila pire revolteja dzi ko premieri tari Vlada e R.Makedonijakoro Zoran Zaev, rodindor o Roma te oven chivde aktivno ko anibe decizije ko bare procesija kola so akaja vlada vetujngja sa e multietnikumenge ki Makedonija.

Iako o bangipe shaj te prefrlinale ko romano faktori kova so ingarela jek baro procenti bashi neodgovornost ne angaziranost slabo prestavibe thaj rodibe ili poshukar vakerrindor uslovibe,o tate kostanja sepak prefrlinenape ko bare opasno em so iskustvo igracija .
Za zal amare igracija sikavge kaj si nedovolno kondiciono spremno, thaj ko teren arakovena sar nasavde, rodindor i topka ko sa o riga bizi koncetracija, lenge si prioriteti te chingaren upra ko navijcija, upra ko sudija , nego te prastan pali topka te astarenla thaj te den goli.

Iako dzanava kaj akaleja ka chaljara e romane opozicija pred se e lokalno sherutnipa so panda akana dikela panda jek mandati ki komuna Shuto Oizari , so pobut pogresno kreirimi politika sar taro rakovodstvo taro SDSM vi agjar taro leskoro opstinsko ogranok thaj lengere ispadija ki pravdi FB vojna maskar o romano prateniko thaj jek membro tari akaja partija, na trebela te bistren, kaj o kopachi kana randeja sakana dzala prema tute.

Dzanava kaj but dzene tari okoja rig ka vakeren kaj me trampingum i rig, na, me na trampingum i rig acovav ki isto rig adaja tali i rig bashi o chachipa,thaj sekoj so ka kreirinel bilache politike ki steta e Romenge ka arkolvel sar tapeti ke mle kritike.

Mozes Solomon (Muhadjer Sulejman)

Chitingen li akava?

Анализа: Ромската политичка кујна не е без зачини ( Мозес Соломон)

Кој каде влече или подобро кажано кој игра куклен театар со протагонистите во општинскиот огранок …

Сакам да станам гинеколог за да го решам најголемиот проблем на Ромките во мојата заедница

Јас сум Касандра Абдула. Имам 19 години и со моето семејство живеам во Шуто Оризари. …