Tuesday , October 24 2017

Vakti taro alusaribaskoro inzinjerstvo

Vakti taro alusaribaskoro inzinjerstvo

Sijem ko vakti taro alusaribaskoro inzinjerstvo,kulinartvso , vakti keda o partisko politicko konkurentija si haz’ri ko sa o potegija tari sprotivno strana, keriba analiziriba koj sar em kote te khedel pobut vote basi plo kandidati ko akala alusarina.Kerelape kalkulacija , ucinelape matematika ,skrtinenape brojke sar te pene kelela pe loto ja li bingo, jeke lafeja i politicko kujna kerela bare parejaja ko haz’ripe bari turlija hemimi save na turlije zacinencar .

MuhadzerIskreno sarine len dukalelen baso avutnipa taro lengoro elektorati, dzanena ola but shukar o faktija ki savi them dzivdinena keda o manusha dzi ki gusa kuvde ko dugija, but taro akala politicko kandidatija na dzanenana ani savi them mangena te oven sherutne , soske te pene ola kompletno si avrijal bijande, thaj ikavde taro realnikano dzivdipe taro dizutne.

Ola na ulavena jek ka jek o bolnice obicno manusencar ,pumare chaven na civena len ko ista siklovne,na vozinenape dizjakere prevozeja, e penzionerenge thaj e socijalno familinege na sikavnape angleder o desto di ko masek, keda ano droma adzikerena e postare te denlen lengiri penzija ja li socijalno, kova so ingarela duj puti pohari taro lengoro pausali.

Amendar zaviseinela dali ka transformirinamen ki disavi nevi epizoda taro Alan Ford, tega ka ova svedokija kaj o promene so na sine realizirime ko nakle nekobor bersa ka oven sigjarutne thaj temelno relizirime anglo amare jakja ano lil kova so trpinela ama bas sa.

Amen vi anglo, vi palo alusaribe dzivdinaja ki iluzija baso poshukar tajsa, kinindor e mujendar o gudle hipokritikane lafija. Numa nane manush so barem jek puti ko piro dzivdipe na hovavdilo taj palo sa adava na siklilo i lekcija, numa dali amen siklilem la ?

Bizo te puchamen dali kerelape lafi basi slabost jali trebela amenge pomashkaribe taro avrutne bipendzrade muja kola so cidenamen ki disavi iluzijakiri sigjarutni len, tega amari iluzija pokinaja la amare nange dzivdipaja. Mangipaja te dzana koj sijem amen, save sijem, sar te reagirina ko odredeno momentija, kola si o blokade angli amende, kola si o pridobivke taro amaro stavi thaj karakteri, amen trebela te cidamen ki amari andruni svest te cida amari hipokrizija taro emocionalno furtuna kolencar sijem pherde kaj sijem shampionia.

Komplikovano si te dobine tiro integriteti, mora te pakja kaj o bare jali tikne hovavne muja kaskere instrumentija nane stelujme, dzanena kaj amen ka sunalen sar jek koheratnikani melodija. Odoleske isijamen sajdipe ma te ova pobuter bakhre , iako o bakhre keda araklovela ano bilacho hali trudinelape te arakel iklin latar.

Valjani te ova mudro te birina o potikno bilachipe te na bi nakavaja sa amaro dzividpe pokibaja okolen kola so dzi akano eftino kingejamen . Trebula te zanininamen amare anglunipaja koja so ingarela pobari hrabrost ko odnos te zameninalen e paluinipaja.

Mozes Solomon ( Muhadjer Sulejman)

Chitingen li akava?

Vavilonakiri kula

E Vavilonakiri  kula trujal i Biblija sa thamarin taro Noeskere potomcija kola so shurukergje te …

Autokratija jali Demokratija ?

Anglo savo alusaribe si mukle o dizutne tari komuna Shuto Orizari? So ikerela adaja turlija …