Маж го чекал Филипче на скали, министерот не бил нападнат

Непознат маж кој утрово го чекал министерот за здравство Венко Филипче пред зградата на министерството предизвика конфузија во јавноста. Филипче вели дека разговарал со човекот кој имал здравствен проблем.

Вознемирен маж кој утрово го чекал министерот Венко Филипче пред зградата на министерството за здравство предизвика реакција на полицијата. Обезбедувањето на министерството повикало полиција која подоцна го лоцирала мажот во околината на Медицинскиот факултет. Филипче за ДВ вели дека побарал да разговара со мажот и од разговорот дознал дека тој имал проблем со прием во болница на испитување.

„Разговарав со човекот кој имал проблем затоа што не можел да заврши некои испитувања во болница. Го испратив кај колегите на Клиника“, вели Филипче.

Во полициската белешка од настанот се наведува дека лицето А.А. не било вооружено. Човекот седел на скалите на министерството во очекување на доаѓањето на министерот, а откако од обезбедувањето го забележале, тој избегал во правец на Медицинскиот факултет.

На 1 јуни 2017 година беше извршен вооружен напад врз тогашниот министер за здравство Никола Тодоров, токму на скалите на министерството. Тодоров тогаш успеа да се извлече неповреден од нападот кој го изврши дедото на починатата Тамара- девојче чие лекување предизвика многу контроверзи во јавноста.

https://www.dw.com/mk/%D1%84%D0%B8%D0%BB%D0%B8%D0%BF%D1%87%D0%B5-%D0%BD%D0%B5-%D0%B1%D0%B5%D0%B2-%D0%BD%D0%B0%D0%BF%D0%B0%D0%B4%D0%BD%D0%B0%D1%82-%D1%87%D0%BE%D0%B2%D0%B5%D0%BA%D0%BE%D1%82-%D1%81%D0%B8-%D0%B8%D0%BC%D0%B0%D1%88%D0%B5-%D0%BC%D0%B0%D0%BA%D0%B0/a-53523706?maca=maz-rss-maz-pol_makedonija_timemk-4727-xml-mrss


Bašo Amenge


Grupa taro terne Roma intelektualcija, novinarija, web dizajnerija, tehničarija, montažerija thaj javer personali savo so isilen baro iskustvo ki piri buti rodingje te keren nesto nevo ko mediumsko internet than ki Makedonija. Palo beshiba ko sostanok taro timi taro 24vakti.mk angjape decija kaj ko akava momenti falinela jek romano web tv portali savo ka nudinel pravilno, kvalitetno, informacija baši o Roma. Adaleske formiringape o www.24vakti.mk  ko adava sostanok čivgjem akala celija thaj pričine soske te formirina o jekutno romano web tv portali 24vakti.mk

24Vakti © Copyright 2015 – 2019, Sa o nijamija si protektirime