10 vicija te shuzhakeren tumaro dive

  1. – Alo, sar sijan machko?
    – Shukar, a tu?
    – Shukar! Mangeja te ave mande?
    – Paaa, mangava, ama te vakerav tuke deka sijum ko ciklus dzi ki sreda.
    – Ej, soj tuke? Basho asavko li mislineja man? Sar javera?
    – Aaa, na, me samo phenava tuke…
    – Sar shaj sine? Holjanava so agjar mislineja mange! Akana ka trebel man vreme te smirinav man. Ka javinav man tuke chetvrtok.
  2. O rom gelo ki javer phuv tari buti. Palo jek kurko pishinela pe romnjake:
    – Mi rakli, akala dive but mange pharo…
    I romni iranela leske:
    – Ma sekirin tut mo raklo, me akate arakljum mange jekhe kova soj leske but lokho.
  3. Jek manush kingja peske nevo BMW em sar so avela o redo, vozingja hari posigate taro adava soj dendo te vozinel pes. Palo nesavo vakti, dikhlja kaj palal leste brkinela le policisko vrda. O manush phenela peske: “Me isiman BMW, nane shansa te resel man” thaj vozingja posigate. Numa, o policajco, sine but uporno, pa palo nesavo vakti o manush stopiringja o vrda, sebepi ma te kerel peske pobare problemija. O policajco alo dzi ko BMW thaj phengja leske:
    – Shun man akana. Avdive sine man pharo dive, akana zavrshinela mi smena, thaj plus tano Petok 13-to. Na mangava akana te pishinav kazne, pa ako phengjan mange soske vozingjan posigate taro adava soj dendo thaj ako isi tut shuzo izgovor, savo so nikoj dzi akana na vakergja, ka mukav tut.
    O manush mislingja hari thaj phengja:
    – Okova kurko mi romni nashlja jekhe policajcoja.
    – Savi vrska isi adava adaleja so vozingjan posigate taro dendo?
    – Darandiljum, mislingjum kaj tano ov thaj paldela man te iranel mange me romnja.
    O policajco phengja leske:
    – Shukar tumaro vikend!
  4. – Haljum kjebapija, akana mange but bilache. Koj dzanela so chivena lenge?!
    – Kobor haljan?
    – 32…
  5. Dzala jek manush ko psihijatar:
    – Shukar dive doktore, hich na sijum shukar. O mebel pochmingja te kerel mancar lafi!
    – Sar agjar? Ajde objasnin mange!
    – Pa erati aljum khere porano taro obichno, haljum maro ki sig thaj pashliljam te sova me romnjaja. Palo nesavo vakti o shifonjeri phenela mange: “Zasukja li vishe?” Mi romni iranela leske “Oja oja.” O shifonjeri palem: “Epa te dzav mange me”, a me phenava leske: “Kaj ka dza be!? Panda na platingjum tut!”
  6. I sikavni holjameste:
    – Osman, tajsa te ave te dadeja ki shkola! Trebela te kerav leja lafi!
    O Osmani tajsutno dive avela pe dadeja ki shkola, I sikavni beshljarela len ki kancelarija thaj kerela lafi:
    – Osman, ko to esej pishingjan kaj svidzinela pe tuke jek chavo taro klasi thaj kaj chumingjan tut leja. Chache li?
    Thaj agjar o Osmani svatingja kaj trebela te pazinel so pishinela koga prepishinela tari Melisa.
  7. – Mo raklo, vaker mange neshto slatko…
    – Sladoleti!
    – Na be, neshto agjar, shuzo…
    – Torta!
    – Vaker mange neshto seksi be, dilineja!
    – Aaaa, bashi mi koleshka i Anita interesinela tut?
  8. O brodi pochminela te perel. O kapetani phenela e dromalenge te rupinen ko chamcija, numa o dromale darana te rupinen. Pa agjar, o kapetani dzala ko sekova dromalo, thaj phenela leske neshto ko kan thaj o dromalo odma rupinela. Rupingje sarine, thaj ko agor rupingje o kapetani thaj leskoro pomoshniko. O pomoshniko puchela e kapetane:
    – Kapetane, so phengjan e manushenge za te rupinen ko chamco?
    – Sekaske phengjum neshto javer. E Germanconge phengjum kaj tani naredba. E Amerikanconge phengjum kaj adava tano patriotski chin.
    – A so phengjan e Romenge?
    – E Romenge phengjum kaj na sminena te rupinen.
  9. O mursha bradencar ko 1819 bersh:
    – Ka mudarav adale mechka me vastencar!
    O mursha bradencar ko 2019 bersh:
    – Akaja pomada basho vasta, isi la aloe vera?

10. Sekova mursh shaj te ovel:
a) Zhenimo.
b) Sekogash ko pravo.
Shaj birineja samo jek taro akala duj!


Bašo Amenge


Grupa taro terne Roma intelektualcija, novinarija, web dizajnerija, tehničarija, montažerija thaj javer personali savo so isilen baro iskustvo ki piri buti rodingje te keren nesto nevo ko mediumsko internet than ki Makedonija. Palo beshiba ko sostanok taro timi taro 24vakti.mk angjape decija kaj ko akava momenti falinela jek romano web tv portali savo ka nudinel pravilno, kvalitetno, informacija baši o Roma. Adaleske formiringape o www.24vakti.mk  ko adava sostanok čivgjem akala celija thaj pričine soske te formirina o jekutno romano web tv portali 24vakti.mk

24Vakti © Copyright 2015 – 2019, Sa o nijamija si protektirime