15 teatarsko festivali ” Garavde muja”, Teatar Komedija prestava ” Zlostornikot” taro 18:00o ari

Avdije ko teatar Komedija agorkerela o 15 tradicionalno festivali ” Garavde muja” e prestavaja ” Zlostornikot”taro avtori thaj reziseri Daniel Petrovski savi kaovel premierno sikavdi ko akava festivali.

I Prestava sikavela o genocidi so kergjape upri o Roma ko dujto sumnaleskoro maribe thaj o Holokausti upri romani khedin kerdi taro Zlostrniko Hitler.

O Khujba te dikelpe si bizo love thaj ake shajdipe o mansusha save so mangena o tetar thaj romani istorija te aven ko teatar Komedja taro 18:00o ari  avdije. O Teatar Komedija arakelape karshi o Evropsko unirveziteti ko Skopje.

Akale prestavaja agorkerelao 15 festivali “Garavde muja” kote so angleder sine prestave ko tetarija ko Veles thaj ko Shtip thaj sine misafirija o tetarija tari Hrvatska thaj taro Kosovo.

Akaleja sikavela pe kaj o teatar  poharo ama sigurno ikerelape sar jek taro romane kulturakere manifestacije save so ikerenape tradicionalno.

Sasti organizacija taro festivali implementirinelala i Asocijacija Roman ilo taro Skopje thaj o prezidenti Branislav Petrovski.

 


Bašo Amenge


Grupa taro terne Roma intelektualcija, novinarija, web dizajnerija, tehničarija, montažerija thaj javer personali savo so isilen baro iskustvo ki piri buti rodingje te keren nesto nevo ko mediumsko internet than ki Makedonija. Palo beshiba ko sostanok taro timi taro 24vakti.mk angjape decija kaj ko akava momenti falinela jek romano web tv portali savo ka nudinel pravilno, kvalitetno, informacija baši o Roma. Adaleske formiringape o www.24vakti.mk  ko adava sostanok čivgjem akala celija thaj pričine soske te formirina o jekutno romano web tv portali 24vakti.mk

24Vakti © Copyright 2015 – 2017, Sa o nijamija si protektirime