Romano Web TV Portali

Kobor pare lelape taro pratibe ko Instagram?

www.24vakti.mk

Kobor pare lelape taro pratibe ko Instagram?

Instagram

Jek profili ko Instagram valjanela te ovel le majhari 3.000 kova so pratinenale te šaj o šherutno e profileskoro te šhurakerel te lel pare bašo adava.

Adava sikavga o Dzordzi Kavana kova si osnovači ko internet kurko Trible bašo vlijatelna korisnikija taro socijalna networkija jali pendzarde sar influenserija. Ki pli platforma ov zastapinela pobuter taro 20.000 influenserija kova so povrzinenalen e brendencar so si zainteresirime bašo barabarbuti keribe olencar.

Prema leste dikhibaja o numero taro pratiba e ulavde profileske ko Instagram kova so lelape pare preka ko havlaribe jali posti, a adva izgledinela agar:

 Instagram

Taro 3000 pratiba dzi ko 10 000 pratiba adava si 150 dolarija palo posti.

Taro 10 000 pratiba dzi ko 25 000 pratiba adava si 150-220 dolarija palo posti.

Taro 25 000 pratiba dzi ko 50 000 pratiba adava si 220-350 dolarija palo posti.

Taro 50 000 pratiba dzi ko 100 000 pratiba adava si 350-500 dolarija palo posti.

100 000 thaj pobuter pratiba adava si pobuter taro 500 dolarija palo posti.

Okola korisnikija taro Instagram kova so kerena buti ko posrediba taro Trible lena paše 1.000 dolarija ko jek masek.

Maškar ko adava okola kreatorija e ikerinenge jali sodržinenge kola profilija pratinena len pobuter taro 100 000 manuša šaj te keren but pare.

 


Bašo Amenge


Grupa taro terne Roma intelektualcija, novinarija, web dizajnerija, tehničarija, montažerija thaj javer personali savo so isilen baro iskustvo ki piri buti rodingje te keren nesto nevo ko mediumsko internet than ki Makedonija. Palo beshiba ko sostanok taro timi taro 24vakti.mk angjape decija kaj ko akava momenti falinela jek romano web tv portali savo ka nudinel pravilno, kvalitetno, informacija baši o Roma. Adaleske formiringape o www.24vakti.mk  ko adava sostanok čivgjem akala celija thaj pričine soske te formirina o jekutno romano web tv portali 24vakti.mk

24Vakti © Copyright 2015 – 2017, Sa o nijamija si protektirime