Romano Web TV Portali

Agorutni konferencija: Pristap e Romenge dzi ko (korkoro)bukarnipe.

www.24vakti.mk

Agorutni konferencija: Pristap e Romenge dzi ko (korkoro)bukarnipe.

Agorutni konferencija

Avdie agorkerga o sprovedibe e proekteske „Pristap e Romenge dzi ko (korkoro) bukarnipe“ preka ko pobuter taro 140 Roma, Egipkjanija thaj pripadnikija taro javera khedinja taro Skopje,Ohrid, Struga thaj Kičevo sar taro javera komune da taro Skopsko thaj jugozapadno regioni kova so vazdinge ple veštine bašo pobaro nivo, adaleja so te šaj te uključinenpe ko kurko taro trudi.

Sarine so lele than ko proekti barakerge ple šajdipa bukarnipaske thaj kokrkorobukarnipaske preka ko obuke bašo komunikaciska veštine thaj aktivno rodibe buti, obuke bašo pretpriemništvo thaj tehnička veštine, ko jek thaj o obuke preka ki buti jali praktikanstvo.

Plo potencijali baši bukarnipe preka ko obuke bašo komunikaciska veštine thaj aktivno rodibe buti barargele 70 bi bukarne personija, dzi kote o obuke bašo pretpriemništvo sinelen šajdipe te oven kotor lendar 66 personija adaleja so sine lenge sikavdo sar te vodinen plo biznisi thaj ple ideja te prezentirinenlen preka ko biznisi, o majšukar 3 idee sine lenge dendo pustik.

Šukrakeribaja 19 kompanijenge, 38 bi bukarne personija sinelen praktična veštine ko periodi taro 2 masek thaj bizo rezervirimo lele o šajdipe bašo resaribe plo avgo bukarno iskustvo.

Neve veštinencar sar so si: frizerija, šminkerija, monterija bašo solarna panelija, nega čhavenge, kompjutersko smetkovodstvo thaj stolarija, resargepe 17 personija preka ko obuke bašo tehnička veštine ko periodi taro trin masekija.

Ko ramke taro proekti si thaj i publlikacije taro pretpriemništvo thaj razvibe e biznisenge ko pripadnikija e khedinenge ki Makedonija kolencar prezentirinelape i kompilacija taro naodija thaj angleder mesažija taro kerdo rodlaribe bašo pretpriemništvo thaj razvoj e biznisenge thaj „start-ap“ ko pripadnikija taro khedinja ki Republika Makedonija.

O proekti ikerelape sine 12 masekija thaj si finansirimo tari Europakiri Unija taro IPA Programa bašo razvibe e manušeskere resursija preka ko sektori bašo centralno finansiribe thaj phanlipe e kontraktenge angleder o Ministeriumi bašo finansija thaj Ministeriumi bašo trudi thaj socijalno politika, dzi kote o proekti ikergele i Makedonikani razvojno fondacija bašo pretprijatija thaj Lokanlno agencija bašo razvibe tari Struga.

 


Bašo Amenge


Grupa taro terne Roma intelektualcija, novinarija, web dizajnerija, tehničarija, montažerija thaj javer personali savo so isilen baro iskustvo ki piri buti rodingje te keren nesto nevo ko mediumsko internet than ki Makedonija. Palo beshiba ko sostanok taro timi taro 24vakti.mk angjape decija kaj ko akava momenti falinela jek romano web tv portali savo ka nudinel pravilno, kvalitetno, informacija baši o Roma. Adaleske formiringape o www.24vakti.mk  ko adava sostanok čivgjem akala celija thaj pričine soske te formirina o jekutno romano web tv portali 24vakti.mk

24Vakti © Copyright 2015 – 2017, Sa o nijamija si protektirime