Kjani IbraimJuly 6, 2019
copa-amerika-2019.jpg

3min218

Kopa Amerika: Argentina 3-to than , Brazil erat ko finale mujal Peru

Akava bersh o mechija tari Kopa Amerika khelgepe ko Brazil, kote so hari po hari alo dzi ko agor akava prvenstvo thaj o ramnibe o takatija ko fudbali mashkar o phuvja kova so lena kotor tari Juzno Amerika.

I Argentina sine la mechi basho 3-to than kova so khelgele mujal i nezgodno reprezentacija taro Chile thaj ola agorkerge rezultateja 2;1 bashi Argentina.

 

O rezultati pravgale o fudbaleri taro Manchester City, Sergio Kun Aguero kova so pogodinga i mrezha taro Chile ko 12-to dakiko angleder o izvedimo faul taro Messi , adaleja so i Argentina sine la prednos 1:0, numa palo odova basho 10 dakikija pobuter panda jek puti tinanga i mrezha e reprezentacijake taro Chile kova so pogodingala Paulo Dibala , a basho o gol asistiringa leske o fudbaleri taro Betis Giovani Lo Celso.

 

O avgo kotor taro mechi na bitinga shukar adaleja so sine sikavde duj lole kartonija sebepi o koshibe mashkar e Barcelonakiri ceren Lionel Messi thaj o fudbaleri taro Chile Garry Medel, pa sebepi adava o solduj reprezentacije sinelen po 10 igrachija ko tereni.

O agorusutno thaj konecno rezultati angale o Arturo Vidal kova so palo VAR sistemi sine sikavdo thaj dendo penal bashi leskiri selekcija thaj adaleja o mechi agorkerga 2:1 bashi i Argentina thaj oj lela o 3-to than ko akalebersheskoro Kopa Amerika.

Dzi kote kerelape lafi basho Brazil ola erat khelena mujal i reprezentacija taro Peru , ola resarenape ko finale thaj ka ovel len shajdipe i poshukar reprezentacija te rezel dzi ko zlato ki Kopa Amerika thaj te lel o avgo than ko akava turniri.

O mechi Brazil – Peru khelelape taro 22:00 o ari ko stadioni “Marakana” ki diz Rio de Janeiro,  a ko adava mechi arbitro ka ovel  taro Chile Tobar Vargas.

 

 


Kjani IbraimJuly 6, 2019
i-will-always-love-you.jpg

1min219

” I Will always love you” giljavdi tari Romani chaj tari Rusija

Ko socijalna networkija ko sig vakti buvlargape jek shuzo video kote so jek chaj gilavela o baro hiti tari gilavutni Whitney Houston anavkerdo sar ” I Will always love you”.

Pema ko disave informacija sikavena kaj akaja chaj si Romani thaj oj tani tari Rusija Sankt Petersburg kova so panda jek puti sikavga e saste sumnaleske o Romano talenti kova so isi mashkar o Romano dzijani.

Akaja Romani chaj pe shuze glasoja gilavga akaja gili ko jek shuzo nachin thaj milno shunibaske , a bashi adava ako mangena te shunen thaj te dikhen adava shaj kerena le potele ko video.

https://www.facebook.com/hristo.kyuchukov.3/videos/2790830270946041/


Kjani IbraimJuly 5, 2019
shisa-bostani-1-1280x720.jpg

2min283

Nilaeskiri kherutni shisa taro bostani

O nargile jali i shisa si instrumenti kova so koristinela pushibaske , kote so sa adava nakela ki baza taro pani.

Bashi i shisa isi duj teorije kastar em so avela, adaeleja so i avgo teorija si kaj sine oj panda ko vakti taro  avgo manush so kerga akava sine o Ifran Shaik taro Mogoulsko Thagaripe .Dzi kote i javer teorija sikavela kaj akava sine ko vakti tari Sevedisko dinstija tari Persija.

Palo adava vakerelape kaj o nargile jali pendzardo pobuter amende sar shisa buvlarelape dzi ki Azija thaj palo odova ki Indija, numa amende thaj ko amare thana si but atraktivno ko paluno vakti thaj but aktivno, pa sebeli adava ake tumenge shajdipe thaj ideja te dikhen jek nachini sar te spreminenla thaj sar shaj javer chane da te keren la ko kherutne uslovija.

Ko akava video shaj te diken sar te keren nilaeskiri kherutni shisa taro bostani thaj adava ednostavno samo ko nekozom admija, pobuter bashi adava dikhen ko video.

https://www.youtube.com/watch?v=0HBTtoUsF8g

 


Kjani IbraimJuly 3, 2019
Zorana-Mihajlović-Sem-Fabrici-Novi-Pazar.jpg

3min647

O Roma ko Novi Pazar dobingepeske khera

O shefi tari Delegacija tari Europakiri Unija ki Srbija, Sem Fabrici thaj i ministerka basho tamiribe, sobrakaj thaj infrastruktura ki Srbija, Zorana Mihajlovich erati uruchinge o kljucija e  Romane dizutnenge  taro neve khera ki Diz Novi Pazar ki mahala Blazhevo ki Srbija.

Akala khera si kotor taro proekti kova so finansirimo sine tari Europakiri Unija, Govrementi tari Srbija thaj o ministeriumi basho tamiribe, sobrakaj thaj infrastruktura ki Srbija thaj ov resarga pashe 600.000 evrija.

O predstavniko e Romengoro taro adava kotor ki Srbija tari diz Novi Pazar ki mahala Blazevo Mefajil Djukatani vakerga kaj akava si jek taro majbahtale dive akale familijenge thaj ko jek shukrakergape e donatorenge thaj bashi lokalno samouprava.

Dzi kote o dizjakorosherutno Nihat Bishevac vakerga kaj i diz Novi Pazar nane te chinavel o barabar butikeribe e Romane dizutnencar thaj ka dikhen te kheren so poshuze uslovija dzivdipaske basho olengere dizutne.

“Amari resarin si te kera poshuze uslovija dzivdipaske thaj poshukar integracija e Romenge ki amari lokalno zaednica , adaleja so ka kera buti thaj ponadari bashi adava” liparga o dizjakoroshertuno Nihat Bishevac.

O Ambasadori tari EU ki Srbija Sem Fabrici vakerga kaj i integracija e Romenge pashlola ko vilo basho sa olengere aktivnostenge thaj pobuter vakti kerena buti basho lengoro kherutnipe thaj educiribe.

” O Roma si majbaro minoriteti na samo ki Srbija nego vech thaj ki Europa , a ko jek agare si thaj o maj margilizirimi grupa . Integracija resarelape kherutnipaja , educiribaja, sastipaja thaj bukarnipaja” vakerga o Ambasadori tari EU ki Srbija Sem Fabrici.

Ov dopherga kaj o proekti basho kherutnipe ola ulozhinge 11,4 milionija evrija thaj kaj planirinena ko avutnipe te ulozhinen panda 20 milionija evrija.

I ministerka Zorana Mihajloich vakerga kaj lake si milo sar romni thaj daj kaj so ka oven kurtulirime o chavore thaj ka oven len ple khera ka dzivdinen akate.

” O chavore si adala kola so valjanena te sikaven kaj sarine amen siem jek dzijani , kaj nane razlike mashkar amende , kaj nane razlika dali sian Rom, Srbinco jali diso javer , valjanela te ikera rachuni ma te ovel diskriminacija thaj sar drzhava te kera uslovija te shaj sarine te educirinenpe thaj te ovel len buti” vakerga i ministerka basho tamiribe, sobrakaj thaj infrastruktura ki Srbija, Zorana Mihajlovich.

Akala Roma tari mahala Blazhevo dobingepeske montazhna khera , kote so ola si priklucime ko dizjakoro pani thaj kanalizacija , asfaltirimo lenge si o sherutno drom thaj panda javera 7 droma  kova so ingarena len dzi ki ambulanta thaj i siklana ko Blazhevo.

 

 

 


Kjani IbraimJuly 3, 2019
roma-delchevo-proekti.jpg

2min171

Mashkaretnichko integracija e Romane sikljovnenge ko Delchevo

Ki diz Delchevo agorkerge o aktivnostija taro proekti bashi mashkaretnicko integracija e Gadzikane thaj Romane sikljovnenge .

Akava proekti thaj aktivnostija ikergepe ki te shaj ovel poshukar thaj po kvalitetno o 9-to klasi jali i “devetoletka” ki siklana anaveja “Vancho Prke”.

Sar so vakerga i direktorka tari akaja siklana Marijana Stoimenovska , akava proekti isile resarin te pashakerel o Gadzikano thaj Romano etnikumi kova si sostavno kotor taro educiribaskoro procesi ko Delchevo.

” Ko ramke taro akava proekti ikerde sine aktivnostija ko trin chibja thaj adala si: Gadzikane, Anglisko thaj Romane, adava sine jek kreativno ideja basho barabar halojbe thaj komuniciribe mashkar o sikljovne. Ko jek aghar sar kotor taro proekti opremingem jek kabineti agharvakerdo medioteka kova so sine la sovremeno sikavni oprema koja ka ovel la shajdipe basho informiribe thaj zabava mashkar o sikljovne taro solduj etnikumija” liparga i direktorka Stoimenovska.

Akava proekti si kotor tari programa taro Fondacija Phravdo Opshtestvo Makedonija anavkerdi “Rano chavoripe thaj educiribe” preka ko povik bashi mashkaretnicko integracija ko educiribaskoro sistemi.

O proekti ” Sikljobe thaj pendzaribe ko barabutno sikljobe ko sovremena uslovija” si finansirimo tari akaja fondacija , a dzi kote o granti kova so lele le i “devetoletka” taro Vancho Prke si realizirimo thaj resarga 2700 dolarija.

 


Kjani IbraimJuly 1, 2019
Roma-chavore-Kosovo.jpg

1min186
Roma Kosovo : Usvojimo kanuni basho protektiribe e chavorenge
Khedipe taro dzuvlani  organizacija bashi Roma ,  Egipkjanija thaj Ashkalije   ko Kosovo RROGRAEK selaminkerga o usvojimo kanunu basho protektiribe e chavoren.
Ola proceninena kaj o protektribe e chavoren thaj lengere nijamija si jek taro majimportantno buka thaj importantno kanuni, sebepi so adaleja o chavore ka oven protektirime taro bilo savo chilalipe thaj bilachipe.
I direktorka taro akava khedipe Shpresa Agushi vakerga kaj akava si baro admi maskar o protektririba thaj leskere nijamija sa e chavorenge ko Kosovo, adaleja so akana o chave ka oven protektirime kanuneja thaj ko jek oj dopherga :
” Sekova chavoro bizo dikhibe leskoro socio  eknomsko jali etnicko poteklo valjanela te uzivinela ko arakhibe thaj sikavibe shuzo dzivdipe prema leste ko jek thaj te ovel le kvalitetna usluge. Ni jek chavo na valjanela te ovel eksplotirimo jali zloupotrebimo , adaleske akava usvojibe akale kanuneske si shuzo haberi thaj baro shukaripe” vakerga i direktorka  taro RROGRAEK.

Kjani IbraimJune 30, 2019
jsp-avotbusija-1280x798.jpg

1min375

Iranenape pale o purane avtobuska biletija ko javno prevozi

Ko avtobusija taro JSP Skopje thaj o javera privatna avtobusija taro esensko vakti ka shaj te kinelpe palem lilalo bileti jeke vozibaske sar so sine.

Ko momenti taro JSP realizirinena o tenderi koleste ka nabavinen 300.000 lilale elektronska biletija kova ka oven adekvatna ko  akanskoro sistemi e platibaske o pervozi .

Tari Diz Skopje valjanena te utvrdinena kobor bi ovela o bileti jeke vozibaske thaj akava si samo jek kotor taro novitetija kola ka oven ande ko javno prevozi ko esensko vakti.

Palo adava ka ovel thaj Android aplikacija kolenge o dizutne ka shaj pumare karticke so si anavkerde sar “SKOPSKA” ka shaj pherenlen peske korkori preka ki adaja aplikacija thaj te oven len ko dzandipe so isilen andre olate .

 


Kjani IbraimJune 30, 2019
alusariba-albanija-kalashi.jpg

1min235

Kalashnikoveja iklilo ko alusariba ki Albanija

Avdije ki Albanija ikergepe lokalna alusariba , numa sa adava ki diz Drach na naklje sa ko najsukar redo sebepi so kergape jek incidenti.

Ko jek taro alusaribaskere thana ko Drach khuga manush kalashnikoveja mangipaja thaj nameraja te chinavel o alusaribskoro procesi.

Sa akava sig agorkerga keda ali i policija thaj privedingale thaj identifikujgale , sebepi so angleder ov khuvga andre bichalga zakane vakerindoj e clenenge kova so sine ko alusaribskere thana thaj pagla nekozom kutije.

Ko jek aghare akala lokalna alusariba sine bojkotirime tari rig e opozicijakiri.

 


Kjani IbraimJune 30, 2019
Petruševec-roma.jpg

2min274

Roma Hrvatska: O dizutne blokiringe i zgrada kote valjange te selninepe o Roma

Ki diz Zagreb ki mahala Petrushevac angleder nesave dive  blokiringe i zgrada thaj lakoro vlezi kote so valjange te selinenpe 29 Romane socijalno zagrozime familije.

Ko akava hali valjanga thaj i policija te avel thaj te intervenirinel adaleja so privedinga 10 dizutnen kova so braninge o pristap te khuvel pe andre ki zgrada , a ko jek na mukle ni te khuven andre e manushen kova si nadlezhna ki diz Zagreb.

Akala dizutne taro Petrushevac sine mujal o dekreti taro nadlezhna e dizjakere ko jek thaj  e dizjakorosherutno Milan Bandich  kote so ola havlarge kaj valjanena te selinenpe ki adaja zgrada socijalno zagrosime familije.

O dizutne vakerena kaj akaja buti panda nane reshimi thaj o stanija nae ko sherutnipe taro e dizjakoro, nego ola tane privatno personengoro, hramonena taro N1.

O dizutne taro Petrushevac vakerena thaj dopherena blokirinena o selibe sebepi so o zgrade nane dovolno stabilna thaj kaj nane adava so ola namangena te selinenpe o Roma.

Taro timi e dizjakeresherutneske vakerena kaj prema ko kinibaskoro bikibaskoro kontrkakti taro 2003 bersh sa si cisto shukar  thaj legalno thaj o stanija si telo lengoro sherutnipe .

Angleder 17 bersh ko akala thana sine predvidimo thaj diklo te kerelpe tehnoloshko parko tegani o dizutne taro Petrushevac na sinelen nishto mujal adava, numa akana havlardo sine kaj ko akala blokija thaj thana ka selinenpe socijalno zagrozime familije.

Ko jek o dizutne taro Petrushevac vakerena kaj i konstrukcija e zgradakiri nane sukar adaleja so nanela mujal jagakere basamakija jali protivpozarna skale  thaj kaj nanelen nisavi privatnos adaleja so valjenena te nakhen tari jek tarasa ki javer za te shaj aven dzi ko pumare stanija.

 

 


Kjani IbraimJune 28, 2019
struja.jpg

1min109

Na skuponela i struja achola peske sar so sine

I cena taro 1 juli acholapeske isto palo adava sar so sine o havlariba kaj isi shajdipe oj te skuponel, numa oj acholapeske sar so sine dzi akana da aghar sa dzi ko 1 juli 2020 bersh

Tari Regulatorno komisija bashi energetika havlarena kaj shaj meninelpe samo o anav  e kompanijakoro kova so ka resel  e dizutnenge ki smeteka, jali namesto te beshel sar so sine EVN Makedonija, tegani ka ovel EVN Houm.

O nevo univerzalno snabduvachi naele nishto e dizutnencar thaj adava nae nishto importantno, dzi kote o pretsedateli tari Regulaatorno komisija bashi energetika vakerga  kaj o ELEM ki aukcija kova so ikergape angleder nesave dive nudinge cena taro 34,5 evrija basho jek megavati thaj adaleja phandlape te kinel sa o potreba e tikne potroshuvacenge thaj  okolenge ko kherutnipa thaj olenge nae te uvezinelpe struja,

 



Bašo Amenge


Grupa taro terne Roma intelektualcija, novinarija, web dizajnerija, tehničarija, montažerija thaj javer personali savo so isilen baro iskustvo ki piri buti rodingje te keren nesto nevo ko mediumsko internet than ki Makedonija. Palo beshiba ko sostanok taro timi taro 24vakti.mk angjape decija kaj ko akava momenti falinela jek romano web tv portali savo ka nudinel pravilno, kvalitetno, informacija baši o Roma. Adaleske formiringape o www.24vakti.mk ko adava sostanok čivgjem akala celija thaj pričine soske te formirina o jekutno romano web tv portali 24vakti.mk

24Vakti © Copyright 2015 – 2019, Sa o nijamija si protektirime