Avdive ki Makedonija nišankerelapes o Romano sumnaleskoro dive e čibjakoro

Ki Rađji tari Republika Makedonija avdive nišankergapes o dive e Romane čibjako ki Republika Makedonija thaj odova i sasti organizacija nakla taro vasta e deputatetskiri tare Makedonijako Khedipe Samka Ibraimovski thaj o ministeri bizo resori ki Rađji Aksel Ahmedovski, i sasti čipota organiziringapes ko but učho nivelo.

I manifestacija putergala o ministeri Aksel Ahmedovski savo kerga anglal lafi baši o bajraripe thaj o sajdipe e čibjakkro so si but importatno amenge e Romenge ki Makedonija.

Pali dova denga lafi o ministeri Aksel A. e Premiereske tari Republika Makedonija Zoran zaev, ko leskkro lafi keriba sas hošime thaj bari mangin ko dejbe arka e Romane Čhibjake thaj kaj i thme Republika Makedonija kerela sa te vazdel thaj te ikerel i čhib sakone šijaneskiri ki Makedonija, soske i multikultura tani o barvalipe e Makedonijako vakerga o Premieri Zoran Zaev.

Ko lafi keriba vakerga o deputati thaj presidenti taro PCERM baši o valanipe so tribul amen korkor e Roma te arakale, thaj valani amenge jekipe baši barvalipe amare čibjako, vakerga sa e resarina so resarga i partija PCER ko akala berša te kerel oragniyiribe taro sajdipe amare čibjake, thaj vov si hošimo so saste aktivitetija kana kerelapes lafi i čhib nakhena tari leskkri partija PCER, vakerga o Samka Ibraimovski.

Maškar ko avera misafirija kerge lafi o akharde ministeriumija tari ObrazovanieAlber Ademi thaj ministeriumi baši Kultura Asaf Ademi thaj ola kerge lafi e Romane čibjake thaj o valanipe lakere ikeribnaskkro.

Lafi keriba sas thaj o misafiri Deputati tari Hrvatska Velko Kajtazi, savo kerga lafi baši sa e resarina so đji akana resargapes ki Hrvatska, ko sa e umala amende ki Hrvatska kerelapes ko nišankeripe o barvalipe e čibjakoro, ki Hrvatska si importatno so si ikerde tari raštar trin bare Romane biđukoja odova si o 8-to Aprilo, o dive taro Holokausti thaj o dive e Romane čibjakkro.

O ministeri bizo resori Aksel Ahmedovski dega thaj šukrin keripe pobuter organizacienge thaj aktivistija save kerena buti ko pašakeripe e Romane čibjako , aso sar importatno sas o dejbe e pursakoja e Romane medienge save svako dive vazdena i Romani čhib, maškar olende dengapes pursakija baši o Romapress, 24-vakti thaj Roma Timess.

Harne vakteske dikhen o video prezentacija tari sasti čipota.


Bašo Amenge


Grupa taro terne Roma intelektualcija, novinarija, web dizajnerija, tehničarija, montažerija thaj javer personali savo so isilen baro iskustvo ki piri buti rodingje te keren nesto nevo ko mediumsko internet than ki Makedonija. Palo beshiba ko sostanok taro timi taro 24vakti.mk angjape decija kaj ko akava momenti falinela jek romano web tv portali savo ka nudinel pravilno, kvalitetno, informacija baši o Roma. Adaleske formiringape o www.24vakti.mk  ko adava sostanok čivgjem akala celija thaj pričine soske te formirina o jekutno romano web tv portali 24vakti.mk

24Vakti © Copyright 2015 – 2019, Sa o nijamija si protektirime