Romano Web TV Portali

Bugarija: Sebepi o Europakoro imidzi kotor taro Roma ka ačhon bizo pi buti.

www.24vakti.mk

Bugarija: Sebepi o Europakoro imidzi kotor taro Roma ka ačhon bizo pi buti.

Bugarija

 

Sar kotor taro merke bašo anglodzajbe e imidzeske ki Bugarija angleder o lejbe o prezidentstvo tari EU ko 1 januari ki Sofija ka brkinenpe thaj nane te mukhenpe o grasta thaj lengere vrdija  ko droma.

Prema ko akava o manuša tari periferija e Bugarsko šherutne dizjake ka našti te keren pi buti, a pobaro kotor olendar si Roma kova so kerena buti transporteja ko takaribe thaj otpadi, a adava kerena le ple grasteskere vrdancar.

Simeon Slavčev  kova si členi taro Dizjakoro konsili ki Sofija baši agencija AFP vazdinga o pučibe kaj valjanela te čhinavel pe o ačhajbe e soobrakajeskoro ko droma thaj liparga, „ O ačajbe e soobrakajeskoro šaj te kerel bilačhipe ko drom thaj adava nijek Europakiri prestolnina na mukela odova, osem ko turistikane buka“.

Prema ko akanaskere kanunija o grasta thaj lengere vrdija sine mukle samo ki periferija ki Sofija, numa sebepi i bilačhi kontrola ola resena dzi ko centro e dizjakoro kote so o soobrakaj si but gusto.

„Ka ovel čhinavdo o ačhavkeribe o soobrakaj ki Sofija mangipaja te kerel anglodzajbe, amen planirinaja te konfiskujna na samo o zarprežna vrdija nego thaj e dzanvaren kova so adava si but loko“ vakerga  Simeon Slavčev.

Avgutno sine planirimo i nevi merka te avel ko takati taro 1 januari, keda i Bugarija palo 11 berš sar uli členka ki Europakiri Unija ka lel o rotiračko 6 masekongoro prezidentsko than ki EU.

Bugarija si majčhoroli členka ki EU, numa si thaj majkorumpirimi taro Transparency International, kova so ka oven kherutne ko bare numersokere sostanokija thaj bešiba taro učho nivo.

Udzarelape kaj o čhinajbe e grastengere zaprežna vrdija thaj o ačhajbe e soobrakajeskoro te šhurakerel taro 1 mart, adaleja so panda tari diz na ange dekreti kote te konfiskujnen e dzanvaren thaj so te keren lencar.

„Akava ka ovel agor bašo amenge, adava ka lel amare dzivdipa“ rovelape Pavel Slavčev kova so isile 40 berš thaj si tari periferija  e šherutne dizjakiri kote so dzivdinena baro kotor taro Roma.

Prema ko EURACTIV.com akava manuš kerela pare thaj ikalela kotor maro preka ko trnasporti so ingalela jaglen thaj kašta, taminiribaskere materijalija  jali otpadija taro kherutnipe.

„Akava keravale 8 berš nanema javer buti thaj na dikava sar šaj te kera buti javečhane“ vakerega Pavel Slavčev.

 

 

 


Bašo Amenge


Grupa taro terne Roma intelektualcija, novinarija, web dizajnerija, tehničarija, montažerija thaj javer personali savo so isilen baro iskustvo ki piri buti rodingje te keren nesto nevo ko mediumsko internet than ki Makedonija. Palo beshiba ko sostanok taro timi taro 24vakti.mk angjape decija kaj ko akava momenti falinela jek romano web tv portali savo ka nudinel pravilno, kvalitetno, informacija baši o Roma. Adaleske formiringape o www.24vakti.mk  ko adava sostanok čivgjem akala celija thaj pričine soske te formirina o jekutno romano web tv portali 24vakti.mk

24Vakti © Copyright 2015 – 2017, Sa o nijamija si protektirime