Ромскиот едукативен фонд (РЕФ) е меѓународна фондација основана во 2005 година и е посветена на затворање на јазот во образовните исходи помеѓу Ромите и не-Ромите. Со поддршка на Фондациите Отворено општество, РЕФ обезбеди над 16, 500 стипендии за студенти Роми во последните 20 години. РЕФ верува во системи за квалитетно и инклузивно образование со одвоени училишта и училници.

ПОДОБНОСТ:
Отворено декларирај се како Ром/ка Државјанин сте на е една од следниве земји: Албанија, Босна и Херцеговина, Бугарија, Хрватска, Чешка, Унгарија, Косово, Северна Македонија, Црна Гора, Романија, Србија, Словачка и Турција. Моментално сте универзитетски студент на редовни додипломски студии (BA), постдипломски студии (МА) или докторски студии (PhD), или сте во процес на прием и започнување на вашите студии во вашата земја.
КАКО ДА АПЛИЦИРАШ:
По читањето на Водичот за Аплицирање на веб страната на РЕФ, апликантите мора да пополнат Електронска пријава (ЕП) со цел да се квалификуваат за стипендија од РМУСП.

НОВИ ЧЕКОРИ ВО ЦИКЛУСОТ ЗА АПЛИЦИРАЊЕ ВО 2020/2021 АКАДЕМСКА ГОДИНА:
Кратка биографиjа и слика на корисниците прикачена на веб страницата на РЕФ Наменско Писмо Писмата за препорака веќе не се потребни. Нови правила за лични податоци (GDPR)
За повеќе информации ве молиме посетете: romaeducationfund.org/scholarships
Или контактирајте ја:
Алмира Реџепи Усеин
aredjepi@romaeducationfund.org

Фондацијата Отворено општество – Македонија заедно со своите партнери Здружението
Центар за образовна поддршка Дендо вас и Фондацијата за образовни и културни иницијативи
Чекор по чекор, во рамки на проектот „Редовно на часови: акција за вклучување на Ромите во
основното образование“, објави конкурс за стипендирање на 315 ученици Роми запишани во
прво одделение во учебната 2019/2020 година.
Преку овој конкурс финансиран од Европската Унија, ќе се обезбедат стипендии кои ќе
овозможат вклучување на што поголем број деца Роми во основното образование, нивна
редовност на часови, но и успешно преминување во следните одделенија. Со стипендиите
воедно ќе се намали финансискиот трошок на ромските семејства поврзан со школувањето на
нивните деца.
Конкурсот за стипендирање се однесува на период од една учебна година, а стипендијата во
висина од 400 евра годишно (во денарска противвредност) е наменета за покривање на
трошоците за школување на децата, храна, облека, училиштен прибор и материјали, спортска и
друга опрема за воннаставните активности на децата. На конкурсот ќе можат да се пријават
ученици Роми кои се запишани во прво одделение во учебната 2019/2020 година, чии семејства
се приматели на гарантирана минимална помош, но не се корисници на друга стипендија
обезбедена со финансиски средства на Европската Унија. Важно е да се напомене дека
семејствата на кандидатите кои ќе добијат стипендија не го губат правото на гарантираната
минимална помош. Редовните ученици, како и оние кои успешно ќе преминат во следното
одделение, ќе можат да ја задржат стипендијата за тековната година и потенцијално да ја
обноват за следните две учебни години.
Крајниот рок за пријавување е 10 декември (вторник) 2019 година.
Деталите за конкурсот и начинот на пријавување се наоѓаат на веб-страницата на Фондација
Отворено општество – Македонија на следниот линк: https://bit.ly/2XiFXAj.
Дополнителни информации врзани со конкурсот и проектот може да се добијат во просториите
на Фондацијата Отворено општество – Македонија, телефонски на 02/2477107, или пак преку
електронска пошта на redovnonacasovi@fosm.mk.
*****
За проектот „Редовно на часови: акција за вклучување на Ромите во основното образование“
Проектот „Редовно на часови“ пред сè има за цел да овозможи еднаков пристап до образование
за децата Роми и да ги мотивира децата да бидат редовни на часови, но и да обезбеди
инклузивна средина за учење каде ќе се почитува различноста и каде сите деца ќе се чувствуваат
добредојдени и подеднакво стимулирани да успеат. Проектот е финансиран од Европската
Унија и ќе се имплементира до октомври 2022.

Здружението на граѓани „РОМАВЕРЗИТАС“ во рамки на проектот: „Зголемување на пристапот и учеството на ученици Роми во средното образование и транзиција на пазарот на труд“ финансиран од Европска Унија и Ромскиот Образовен Фонд (РЕФ), објавува КОНКУРС ЗА ДОДЕЛУВАЊЕ НА 25 СТИПЕНДИИ НА РЕДОВНИ УЧЕНИЦИ РОМИ ЗАПИШАНИ НА ЈАВНИТЕ И ПРИВАТНИТЕ СРЕДНИ УЧИЛИШТА ВО РЕПУБЛИКА СЕВЕРНА МАКЕДОНИЈА

Краен рок за аплицирање  до 25.11.2019 годинa, 23:59 часот локално време

Кандидатите кои се пријавуваат на конкурсот, потребно е да достават комплетна документација на следните начини:

– Да ја достават лично својата апликација во просториите на Ромаверзитас Скопје или

– Да ја достават со препорачана пошта до адресата на Здружението на граѓани „Ромаверзитас“

Ул. 11 Октомври бр. 8/1-2, 1000 Скопје, Здружение на граѓани „Ромаверзитаво поштенски плик со назнака „Пријава за конкурс за стипендии за Роми“

SEC Konkurs za stipendii – sredno.pdf

SEC Vodic za apliciranje – sredno.pdf

Врз основа на член 49 став 1 од Законот за студентскиот стандард (“Службен весник на Република Северна Македонија“ бр.15/13, 120/13, 41/14, 146/15, 30/16, 178/16, 64/18 и 20/19) и член 2 од Правилникот за видот на студентските стипендии и начинот на доделување на студентските стипендии (“Службен весник на Република Северна Македонија“ бр. 168/19), Министерството за образование и наука распишува

КОНКУРС
за доделување стипендии на редовни студенти запишани на додипломски студии од прв циклус на јавните и приватните универзитети и високообразовни установи во Република Северна Македонија за студиската 2019/2020 година

Министерството за образование и наука за студиската 2019/2020 година ќе додели стипендии на редовни студенти запишани на додипломски студии од прв циклус на јавните и приватните универзитети и високообразовни установи во Република Северна Македонија и тоа по следните групи:
а) Прва група – 1.470 стипендии за студенти од социјални категории;
б) Втора група:
– 635 стипендии (564 стипендии за студенти запишани на додипломски студии од прв циклус на јавните универзитети и високообразовни установи и 36 стипендии за студенти запишани на додипломски студии од прв циклус на приватните универзитети и високообразовни установи), за студенти кои постигнале особено висок успех во учењето, и тоа за студенти запишани на техничките факултети и медицинските науки кои постигнале просечен успех од I-та до тековно запишаната студиска година од најмалку 8.50, а за студентите на факултетите од општествените науки и на факултетите од уметностите да имаат постигнато најмалку 9,00 просечен успех од I-та до тековно запишаната студиска година;
– 265 стипендии (260 стипендии за студенти запишани на додипломски студии од прв циклус на јавните универзитети и високообразовни установи и 40 стипендии за студенти запишани на додипломски студии од прв циклус на приватните универзитети и високообразовни установи), за студенти кои постигнале особено висок успех во учењето, и тоа за студенти запишани на студиски програми по информатика кои постигнале просечен успех од I-та до тековно запишаната студиска година најмалку 9,00 просечен успех;
в) Трета група:
– 500 стипендии (480 стипендии за студенти запишани на додипломски студии од прв циклус на јавните универзитети и високообразовни установи и 20 стипендии за студенти запишани на додипломски студии од прв циклус на приватните универзитети и високообразовни установи), за студенти запишани на студиски програми од научните подрачја на природно-математичките, техничко-технолошките, биотехничките и/или медицинските науки и кои постигнале просечен успех од I-та до тековно запишаната студиска година најмалку 7,00 просечен успех.
– 100 стипендии
(67 стипендии за студенти, припадници на македонскиот народ, запишани на додипломски студии од прв циклус на јавните и приватните универзитети и високообразовни установи), кои постигнале просечен успех од I-та до тековно запишаната студиска година најмалку 7,00 просечен успех а се запишани на студиски програми по хемија, физика и математика и тоа:
• 20 стипендии на студиите по хемија,
• 20 стипендии на студиите по физика,
• 30 стипендии на студиите по математика и

(33 стипендии за студенти од припадници на заедниците кои не претставуваат мнозинство во Република Северна Македонија запишани на додипломски студии од прв циклус на јавните и приватните универзитети и високообразовни установи), кои постигнале просечен успех од I-та до тековно запишаната студиска година најмалку 7,00 просечен успех а се запишани на студиски програми по хемија, физика и математика и тоа:
• 10 стипендии на студиите по хемија,
• 10 стипендии на студиите по физика,
• 15 стипендии на студиите по математика.

Повеќе за конкурсот на следниот линк Конкурс за стипендии за Роми во Средно образование 2019/2020

Здружението Центар за социјални иницијативи НАДЕЖ, го спроведува проектот “Обезбедување дополнителни квалификации за жените Ромки и поставување основа за нивниот ангажман во социјалното претпријатие – салон за убавина во Шуто Оризари”, со цел подобрување на социјалниот статус на младите Ромки и зајакнување на можностите да бидат поконкурентни на пазарот на труд, согласно нивните способности.Проектот се реализира со поддршка на Асоцијација за здравствена едукација и истражување –ХЕРА, а е финансиран од Европската комисија во рамки на ИПА Програмата за граѓанско општество и медиуми 2016-2017 што дава поддршка за граѓанските организации во рамки на Акциониот план на инструментот за поддршка на граѓанското општество 2016-2017.

Во рамки на овој проект се предвидени три бесплатни двомесечни обуки за вкупно 10 учеснички за:
-Фризер
-Шминкер
-Маникир

Секоја од обуките ќе биде во времетраење од вкупно 32 часа. Обуките ќе се реализираат во периодот август-септември 2019, во салон за убавина во Шуто Оризари опремен за потребите на овој проект, кој се наоѓа во објектите на ЦСИ НАДЕЖ на ул.Гвадалахара бр.20.
По завршувањето на обуките секоја учесничка ќе се стекне со валиден сертификат за учество во обука за фризер, шминкер или маникир, а ќе добие и дополнителна можност за практична работа во салонот во врeметрење од еден месец, како и можност за практична работа во реномирани салони за убавина во Скопје.
Исто така по завршување на обуките ќе се отвори можност за три најмотивирани учеснички да станат дел од мобилните тимови и да бидат ангажирани во социјалното претпријатие- Салон за убавина во Шуто Оризари, кое ќе започне со работа во рамки на овој проект.

Критериуми за учество/општ профил на учеснички:
• Невработени Ромки
• Да имаат завршено средно образование (приоритет ќе имаат кандидатките со завршена фризерска или козметичка струка)
• Да се мотивирани и подготвени да се стекнат или да ги унапредат своите вештини во една од трите области (фризер,шминкер или маникир)
• Да се на возраст меѓу 17-40 години
• Да се во можност да присуствуваат во текот на целата обука

Секоја кандидатка која е заинтересирана и ги исполнува наведените критериуми може да се пријави со пополнување на овој формулар или на адреса ул.Гвадалахара бр.20. Кандидатките кои ќе влезат во потесен круг, ќе бидат контактирани за интервју.

Пополни формулар: https://docs.google.com/forms/d/1gncVA3tAV697AhPnPAw_V9P_EdZ_sJwZ72AA82KLhZ8/viewform?fbclid=IwAR2zv-AnuvBr3902AhNnG3VZoQDtN6cinyc1959cTliQWtM7YfmFANalZbM&edit_requested=true

ФИЛОЗОФИЈА И ПРИНЦИП НА ПРОГРАМАТА

Главната цел на Ромскиот образовен фонд/Програма за стипендирање (РЕФ/ПС) е  придонес за појава на критична маса на Ромите, со високо образование, сигурни и горди на својот Ромски идентитет, академски и социјални вешти, како и со стекнати вештини и компетенции кои им овозможуваат да станат професионалци во својата области и остануваат цврсто поврзани со ромската заедница во понатамошна поддршка на нејзиниот напредок и вклучување во поширокото општество.

РЕФ/Програмата за стипендирање го најавува објавувањето на годинешниот циклус на РМУСП стипендирање за академска 2019/2020 година.

РМУСП врз основа на постигнувањата нуди академски стипендии за студенти Роми кои се државјани или постојани жители на Албанија, Босна и Херцеговина, Бугарија, Хрватска, Чешка, Унгарија, Косово, Северна Македонија, Црна Гора, Романија, Србија, Словачка и Турција. Кандидати треба да бидат студенти на додипломски, магистерски, неподелени студии или докторски студии во државните акредитирани универзитети во нивната матична земја или земја на живеење.

За секој циклус на стипендии, бројот на стипендии во RMUSP зависи од достапноста на средствата во РЕФ/ПС. Бројот на стипендии доделени во секоја програмска земја се одлучува врз основа на бројот на пријави во изминатите години и постоењето на алтернативни програми за стипендии во дадената земја.

Повеќе за аплицирање, услови, критериуми на следниот линк официјална страна на ромскиот образовен фонд (РЕФ).