Sali MemedMarch 3, 2021
1mart.png

1min31

Министерството за труд и социјална политика информира дека од утре 4 март (четврток) 2021 година започнува исплатата на правата од социјална, детска и цивилна заштита (сите парични прaва) за месец февруари 2021 година.

Корисниците на парични права коишто поседуваат дебитна картичка ќе можат да подигнат готовина на банкоматите на банките, да ги користат средствата за безготовински плаќања во продажната мрежа или преку електронско и мобилно банкарство од 4 март  2021 година.

Со цел да се избегне метеж пред банките и да се овозможи поголема заштита на корисниците на парична помош во услови на опасност од вирусот КОВИД-19,за корисниците кои не користат картички, исплатата ќе се спроведе во 2 групи во сите отворени филијали и експозитури на банките, согласно со утврдениот распоред по азбучен ред, според првата буква од презимето и тоа:

 

– 04.03.2021 (четврток) – А, Б, В, Г, Д, Ѓ, Е, Ж, З, Ѕ, И, Ј, К, Л, Љ

– 05.03.2021  (петок) – М, Н, Њ, О, П, Р С, Т, Ќ, У, Ф, Х, Ц, Ч, Џ, Ш

 

Министерството за труд и социјална политика потсетува на обврската за носење маска и одржување физичко растојание од два метра.


Sali MemedMarch 3, 2021
kovid-19-koronavirus2.jpg

1min20

Министерството за здравство информира дека во последните 24 часа се направени 3.312 тестирања, а регистрирани се 807 нови случаи на Ковид-19 во: Скопје – 359, Куманово и Охрид – по 38, Кавадарци, Струмица и Неготино – по 36, Гевгелија – 35, Тетово и Прилеп – по 34, Гостивар – 29, Битола – 25, Велес – 24, Крива Паланка – 12, Кочани и Крушево – по 11, Ресен – 6, Струга, Кичево и Валандово – по 5, Пробиштип и Богданци – по 4, Штип, Дебар, Берово и Демир Хисар – по 3, Делчево и Радовиш – по 2, Свети Николе, Виница, Кратово и Демир Капија – по 1.

Пријавени се вкупно пет починати лица. Починати се по четири пациенти од Скопје на возраст од 80, 74г, 68 и 65 години и еден пациент од Штип на 81-годишна возраст. Сите пациенти се починати во болнички услови.

Регистрирани се 314 оздравени пациенти од: Скопје – 135, Кавадарци – 61, Прилеп – 41, Неготино -16, Куманово – 12, Тетово – 11, Велес – 7, Гостивар и Кратово – по 5, Штип и Битола – по 4, Гевгелија – 3, Ресен и Пробиштип – по 2, Охрид, Кочани, Радовиш, Берово, Виница и Крушево – по 1.

Вкупната бројка на КОВИД-дијагностицирани лица во нашата земја од почетокот на епидемијата изнесува 104.548, бројката на оздравени пациенти е 92.189, на починати е 3.156, а бројот на активни случаи изнесува 9.203.

Според досега завршените епидемиолошки анализи во моментов дистрибуцијата по градови е следна:

Дистрибуција по градови Заболени (нови) Активни случаи (вкупно)
Скопје 359, активни 4145
Куманово 38, активни 338
Тетово 34, активни 323
Прилеп 34, активни 643
Гостивар 29, активни 184
Штип 3, активни 121
Велес 24, активни 278
Битола 25, активни 209
Кавадарци 36, активни 604
Охрид 38, активни 475
Струмица 36, активни 220
Струга 5, активни 190
Кочани 11, активни 91
Кичево 5, активни 74
Неготино 36, активни 264
Гевгелија 35, активни 223
Свети Николе 1, активни 26
Крива Паланка 12, активни 114
Ресен 6, активни 65
Дебар 3, активни 43
Делчево 2, активни 184
Радовиш 2, активни 23
Берово 3, активни 32
Пробиштип 4, активни 32
Виница 1, активни 27
Валандово 5, активни 32
Крушево 11, активни 85
Кратово 1, активни 28
Богданци 4, активни 51
Демир Хисар 3, активни 23
Македонски Брод, активни 8
Демир Капија 1, активни 40
Македонска Каменица, активни 3
Пехчево, активни 4
Дојран, активни 1

Направени се 3312 тестови преку: ИЈЗ-755, ЦЈЗ Скопје-87, Авицена-291, Биотек-248, Жан Митрев (Филип Втори)-170, Систина-273, лабораторија Лаор–265, МАНУ-0, Судска медицина-10, ЦЈЗ Битола-103, Клиника за инфективни болести и фебрилни состојби-0, ГАК-0, Синлаб-66, Ремедика-32, лабораторија болница Козле-19, ЈЗУ и ПЗУ (рапид тест) – вкупно 990, УК Пулмологија со алергологија–3, ГОБ 8-ми Септември-0, лаборатории од странство-0.

Досега во земјата се направени вкупно 530.182 тестирања на Ковид-19.


Sali MemedMarch 1, 2021
Dzaferi.jpg

1min24

Локалните избори во Северна Македонија треба да се одржат на 3-ти, 10-ти или 17-ти октомври, соопшти денеска на средба со новинарите претседателот на Собранието Талат Џафери.

Деведест дена претходно тој треба да ги распише изборите односно во јули, а најдоцна на 1 август, во зависност од датумот што ќе го договорат политичките партии.

Џафери предупредува дека доколку дојде до тоа паралелно да се одржуваат предвремени парламентарни избори, треба да се има предвид како тоа ќе се одрази на роковите за техничката влада, за кампањата и за увидот во избирачкиот список и како ќе се одрази врз работата на ДИК и соодветните институции.

За барањето на опозицијата за избори заедно со локалните, вели дека еден пратеник може да го поднесе предлогот и ако има соодветно мнозинство нека го изгласа.


Sali MemedMarch 1, 2021
Prijavi-Lihva2-1.jpg

1min20

Граѓаните отсега ќе можат анонимно да пријават Лихварство на бесплатниот телефонски број 0800 00 201. Министерството за внатрешни работи одлучи да отвори оперативна акција „Пријави лихва“ со цел сузбивање на незаконската појава на позајмување на парични средства за несразмерна имотна корист преку многу висока камата, позната како лихварство.

-Кривичниот законик лихварството го дефинира на следниот начин: „Тој што за услугата што му ја прави на некое лице прима или договара за себе или за друг несразмерна имотна корист искористувајќи ја неговата тешка имотна состојба, тешките станбени прилики, нуждата, недоволно искуство или лекомисленоста, ќе се казни со парична казна или со затвор до три години“ и „Со казната од став 1 ќе се казни и што неовластено се занимава со давање пари или други потрошни предмети на заем со договор и притоа договара несразмерна имотна корист“, стои во соопштението.

Граѓаните ќе можат преку бесплатниот телефонски број да споделат секакви корисни информации поврзани со ова кривично дело.


Sali MemedFebruary 26, 2021
mijalkov-presuda-750x401-1.jpg

1min43

Поранешниот директор на Управата за безбедност и контраразузнавање Сашо Мијалков доби  казна затвор од 12 години за предметот „Таргет-Тврдина“, што се однесува на масовното прислушување и уништување на опремата од (УБК).

Мијалков е обвинет дека сторил кривично дело „злосторничко здружување“, „злоупотреба на службената положба и овластување“ и „примање награда за противзаконито влијание“.

Пресудата ја изрече петчлениот судечкиот совет во состав Џенета Бектовиќ како прв судија, Владимир Туфегџиќ како втор судија и тројца поротници.

Судијата Туфегџиќ, во обрaзложението на пресудата рече дека масовноста на прислушувањето и самите жртви ја покажуваат потребата на самото прислушување, а тоа е да се воспостави целосна контрола на општествениот, економскиот и политички систем.

– Особена тежина на целото прислушување е уништувањето на опремата, по објавувањето на масовното прислушување. Опремата е уништена со умисла и со тоа се уништени доказите за делото, рече Туфегџиќ.

Оваа кривична постапка, нагласи, има големо значење за системот во целина и особено треба да служи како опомена за органите како УБК да не се повторат ваквите случувања во иднина.

Во овој предмет обвинети се и поранешниот началник на Петтата управа во МВР Горан Грујевски и вработениот во УБК Никола Бошкоски, кои се во бегство во Грција, поранешната министерка за внатрешни работи Гордана Јанкулоска, поранешниот шеф на неговиот кабинет, Тони Јакимовски, Владимир Варелов од УБК и уште пет други лица од Управата.

Според обвинителниот акт, преку три системи за следење на комуникациите во УБК, во периодот од 2008 до 2015 година незаконски биле следени 4.286 телефонски броеви за кои воопшто не биле издадени судски наредби. Прислушувањето директно и индиректно опфатило околу 20 илјади граѓани.

Судењето за „Таргет – Тврдина “ започна на 22 декември 2017 година. Застапници на обвинението се Ленче Ристовска и Трајче Пеливанов.


Sali MemedFebruary 12, 2021
79490293_10218032638582139_6410608765137059840_o.jpg

2min178
Демографијата како наука се стреми да ги проучува движењата на населението и нивниот развој, користејќи квантитативни податоци. Демографијата како наука е гранка на статистиката, чии истражувања се насочени кон биолошките, миграционите движења и промените во демографските стуктури. Како интердисциплинарна наука, поврзана е со математиката, социологијата, антропологијата, географијата и други сродни општествени науки.
За демографијата на ромското население, како во Европа, така и во Македонија, се до средината на XX век многу малку се знае. Дотогаш, многу од истражувачите и патописците, Ромите ги спомнувале единствено само контекстуално без детални информации за нивната општествено социо-културна состојба. Пред се, кога велам, значи, сакам да потенцирам, дека детална анализа за демографијата на Ромите, мора да вклучува квалитативни податоци за нивната миграција (локална, национална и континенатална), општествено-политичката состојба на самата територија каде престојуваат, нивната социо-економска ситуација и условите кои поттикнуваат промени.
Сериозни податоци за демографијата на ромската заедница во Македонија, започнуваат ко крајот на XIX век, со истражувањата на неколку европски истражувачи (Тимаев, Ами Буе, Васил К’нчов). Во своите ракописи укажуваат на статистички податоци за присутноста на Ромите во Македонија, согласно нивните теренски истражувања по градови. Така на пример, во Битола во триесетите години на XIX век, живееле повеќе од 2.000 Роми (С. Станинска, 1999:219), во Прилеп, кон крајот на XIX век, живееле над 1.700 Роми (К’нчов, 1990:236). Во Дојран и Дојранско, регистрирани биле 320 Роми (Павловиќ, 1925) а во Струмица 160, додека во Штип, егзистирале над 500 Роми (К’нчов). Кон крајот на XIX век, бугарскиот етнограф Васил К’нчов, забележал над 1100 Роми во кумановската каза.
Состојбата во Ромите во градот Скопје, во почетокот на XX век изнесувала над 7.500 припадници на ромската заедница од кои 1,41 % процент биле муслимана додека 0,40 проценти биле Роми православни. Во Охрид живееле 600 Роми, во Струга 220, Кичево 84, Велес 600.
Според наведените податоци од многу автори, може да се забележи дека во XIX и почетокот на XX век, бројот на Ромите кој егзистирал во Македонија било од 49.000 до 55.000 од околу 2 милиони вкупно население во Македонија. Сепак, овој податок не може да претставува квалитативен и вистински податок ако се земе предвид дека територијата на Македонија била поголема а во податоците на авторите вметнати се бројки и за Лерин, Костур и други помали територии кои сега се наоѓаат во соседството. Но исто така, може да се заклучи дека бројките на ромското население може да бидат и поголеми бидејќи истражувањата на авторите не се територијално опсежни и не ја отсликуваат целата територија на Македонија.
Би сакал да истакнам и неколку податоци за повоениот период кај скопските Ромите. Во 1909 година, градот Скопје имал над 50.000 жители или околу 9.500 семејства од кои 500 биле ромски. Демографски ако се пресмета дека едно семејство броело 6 члена, може да се заклучи дека околу 3.000 Роми, живееле во Скопје и токму затоа авторите (Тодоровски, 1968 – “Необјавена статистика од 1909)) се претпоставува дека Ромите биле трет народ после Турците (14.000) и Македонците (11.800). Помеѓу 1918 и 1925 година, во Скопје се забележуваат голем број на скопски Роми (Цветко Костиќ, 1934 – Цигани у Скопљу). Топаанчаните биле околу 750, Ковачите заедно со ковачите Колари 400, Бугурџии 150, Џамбази 750, Маџури околу 1000, Решетари и Клинчари 300.
Сепак, официјалната статистика од страна на тогашна Југославија, започнува да ги евидентира Ромите во споите пописни листи како Цигани.
1948 1953 1961 1971 1981
19.500 20.462 20.606 24.505 43.222
/ 1,5% 1,4% 1,4% 2,25
Во Македонија, после независноста, во 1991 година по извршениот попис биле евидентирани 52.103 Роми. Симптоматична е евиденцијата после 3 години, односно во 1994 година, каде се забележува дека бројот е опаднат за околу 5.000, односно во 1994 година евидентирани се 47.408 Роми. За анализа на овие податоци, мора да се земе предвид општествената ситуација во која се наоѓала Република Македонија но и ромската заедница. Најнапред се поставува прашањето зошто пописот од 1991 година е повторен после 3 години и истиот не е признаен од страна на мнозинското население во Македонија. Овој факт е доволно само причина по себе, да се заклучи дека сакајќи да се задоволат одредени етнички заедници, Ромите, како најмаргинализирана и општествено политички нестабилна, била оштетена во тој период. Еве уште еден факт, Пописот на население во 1994 година, се спроведе од 27 јуни до 5 јули. Пред тој период, енормен број на ромски граѓани се враќаат од Северна-Рајна Вестфалија кои беа како азиланти. Иако нема официјално бројки, сепак професорот Петровски тврди дека околу 10.000 Роми ја напуштаат Македонија во 1987 година од кои околу 60 проценти се враќаат во Македонија до 1993 година. Од нив само во Шуто Оризари се сместуваат во 150 азилантски бараки односно околу 700 лица, а останатите добиваат парична помош и живеат во своите поранешни домови односно куќи. Доколку бројот на Ромите во 1991 година изнесувал 52.103, тогаш како е можно бројот за три години да се намали за 5.000, ако се земе предвид дека се организираше институционално враќање на Ромите од Германија, пред пописниот период.
Статистичкиот апсурд да е уште поголем, Во 2002 година, официјално во Шуто Оризари се попишани, околу 23.000 граѓани од кои над 70 проценти се Роми. Според избирачкиот список во последните десет години, како граѓани од Шуто Оризари, заведени се околу 21.000 граѓани.
Правото на етничка определба е загарантирано со Устав и закон. Чувството на припадност е единствениот критериум за определба на припадноста. Во Македонија, постојат Роми со православна вероисповед кои го носат етнонимот к’рци, мср’манг’ри, постојат Роми кои зборуваат албански јазик, постојат и Роми кои го говорат турскиот јазик. Сепак, нивната етничка определба е ромска. Податоците за Ромите во Македонија, после 2002 година официјални не се познати. Во 2021 година ќе се спроведе Попис на население, каде покрај статичното резидентно население, ќе се попишуваат и граѓани кои живеат надвор од границите на државата.
Автор:
Даниел Петровски, етнолог и антрополог
магистрант при Институт за фолклор “Марко Цепенков“

Sali MemedJanuary 12, 2021
maxresdefault-1170x658-1.jpg

1min65

Цената на лекот изнесува 299 денари, а може да се зема само со лекарски рецепт од матичен лекар или од специјалист

 

Лекот „ивермектин“, кој помага во лекувањето на ковид-19, од денеска се наоѓа во аптеките, откако претходно ги помина сите фази на одобрување во Министерството за здравство (МЗ) и Агенцијата за лекови и медицински средства МАЛМЕД, потврдија од МЗ.

Тој е набавен од производител од Турција, а малопродажната цена е 299 денари.

„Овој лек може да се зема само со лекарски рецепт од матичен лекар или лекар специјалист. Тој може да се употребува во домашно и болничко лекување и да се земе превентивно, исклучиво со лекарска препорака, доколку лице било во контакт со ковид-позитивен“,

велат од МЗ.

Оттаму нагласуваат дека повеќе клучни студии за неговата ефикасност кај ковид-пациентите се во тек или нивните крајни резултати сè уште не се публикувани во научни списанија, но прелиминарните резултати сугерираат дека „ивермектинот“ има поволен ефект во профилакса на ковид-19 кај експонирани лица, како и во терапија на пациенти со лесна, средно тешка и тешка клиничка слика.

Во претходните изјави за медиумите, и министерот за здравство Венко Филипче зборуваше за употребата на овој лек.

„Студиите укажуваат дека лекот се дава во три сценарија: кај ризични групи работници кои има ризик да заболат, втората група е кај луѓе кои биле во контакт со потврден заболен и нормално кај луѓе кои се заболени. Кај трите групи има различни индикации и дозирање, затоа е важно давањето да биде под контрола на лекар“,

рече Филипче.

Најавата дека лекот од денеска ќе се најде во аптеките вчера ја даде и директорот на МАЛМЕД, Љирим Шабани.

„Лекот е стигнат во земјава, се прават последни процедури за да се стави во промет и најверојатно од утре веќе ќе биде достапен. Цената на лекот ја одредува Министерството за здравство, но мислам дека ќе чини околу 300 денари“,

изјави вчера Шабани за државната агенција МИА.


Sali MemedJanuary 11, 2021
sneg-vreme-750x406-288249.jpg

1min59

Времето денеска е облачно со врнежи од дожд. Од пладне ќе почне да дува умерен северен ветер. Максималната температура ќе биде во интервал од четири до 11 степени.

Како што соопшти Управата за хидрометеоролшки работи (УХМР), утре ќе преовладува променливо облачно време со локални и послаби врнежи од дожд, а на планините на север од снег. Ќе дува умерен до засилен северен ветер, оосбено вдолж Повардарието, кој ќе се задржи и во следните денови.

Поради продор на студена воздушна маса од север в среда попладне и в четврток ќе има локални врнежи, кои речиси насекаде ќе бидат од снег. В петок и за време на викендот ќе биде многу студено, а температурата во поголем дел од земјава преку целиот ден ќе се задржи под нулата.

Почнувајќи од среда минималната температура ќе биде под нулата, во интервал од минус два до минус 10 степени. Најстудено ќе биде в недела, со минимална температура од минус 12 до минус четири степени. Максималната температура ќе се движи од минус пет до 11 степени. В недела максималната температура ќе биде од минус седум до два степени.


Sali MemedDecember 22, 2020
Denari-12-1.jpg

1min124

Овие пари, како што беше неодамна најавено, можат да се користат неограничено, без краен рок. Овој пат средствата нема да бидат на платежни картички каде што потрошувачката ќе биде ограничена само македонски производи, туку граѓаните ќе можат да си купат што сакаат, а доколку сакаат може да си ги подигнат и во кеш.

Имајќи во предвид дека рокот е многу краток за тие средства да ги добиваат на платежни картички, како што беше во минатото, овој пат одлучивме директно да ги трансферираме средствата на нивните жиро-сметки, се со цел да ја поттикнеме потрошувачката во нашата држава.- Крешник Бектеши – Министер за Економија

Поголемиот дел од граѓаните се запознати дека немаат ограничувања за трошење на парите, додека пак некои се уште сметаат дека тие се наменети за домашни производи.

Сепак многумина од граѓаните тврдат дека иако ги исполнуваат условите за добивање на парите, не се нашле на списокот, додека пак системот за испраќање на преговори не функционира комплетно. Од генералниот сектраријат информираа дека активно се разгледуваат приговорите…

Во овој пакет мерки опфатени се околу 280.000 приматели, а по 6000 денари ќе добијат граѓаните со низок доход, пензионери кои имаат до 15.000, корисници на социјална помош, деца без родители, уметници и останати дејци во културата.

6000те илјади денари првично требаше да поттикнат потрошувачка на домашното производство, но со новите измени тие ќе бидат наменети за лична потрошувачка. Што значи наместо да се зголеми производството на домашните фабрики, целта ќе биде зголемената куповна моќ на граѓаните.



Bašo Amenge


Grupa taro terne Roma intelektualcija, novinarija, web dizajnerija, tehničarija, montažerija thaj javer personali savo so isilen baro iskustvo ki piri buti rodingje te keren nesto nevo ko mediumsko internet than ki Makedonija. Palo beshiba ko sostanok taro timi taro 24vakti.mk angjape decija kaj ko akava momenti falinela jek romano web tv portali savo ka nudinel pravilno, kvalitetno, informacija baši o Roma. Adaleske formiringape o www.24vakti.mk  ko adava sostanok čivgjem akala celija thaj pričine soske te formirina o jekutno romano web tv portali 24vakti.mk

24Vakti © Copyright 2015 – 2019, Sa o nijamija si protektirime