Romano Web TV Portali

E čhorolipaske agor nane: Ko jevend nasvale romnaja thaj 5 čhavencar bizo struja, bizo kašta thaj bizo troška hajbe.(VIDEO)

www.24vakti.mk

E čhorolipaske  agor nane: Ko jevend nasvale romnaja thaj 5 čhavencar bizo struja, bizo kašta thaj bizo troška hajbe.

E čhorolipaske

Ko drom Vietnamska numero 95 ki komuna Šuto Orizari , dzivdinela jek Romani familija 5 čhavencar kola nanelen khanči thaj si mukle ko devleskoro rahmeti.

E čhorolipaskeSadmehan Husein thaj Afrodita Husein kova si nasvali tari depresija ple 5 čhavencar dzivdinena bizo fundavne šartija dzivdipaskere ko akala šudre vaktija thaj ko jevend ola si bizo struja, bizo kašta čak bizo hajbe da.

Sadmehan Husein rodela arka thaj halojbe bašo pukibe i struja, jali dejbe bilo savi javer arka, sebepi so ov na kerela buti thaj dzivdinena taro socijalno kova si ko resaribe taro 3.000 denarija thaj ov sekova dive khedela surovine thaj kartonija te šaj ačhon ko dzivdipe sar so vakerela ov ko dive ikalela paše 200 denarija te šaj kinen maro , kova so disavo puti ačhona thaj nanelen ni troška hajbaske.

Ov dopherga kaj na resla le bašo khanči diso te šaj kerel, na iklola ko agor e hajbaja, a kamolii te kinel pe nasvale romnjake ilačhija kova si nasvali tari depresija, a lake si importantna thaj hramonenalake redovno te lel pi terapija sebepi so adala ilačija smirinenala thaj na kerela peske problemija thaj pharipa.

E čhorolipaske

Ko jek ov vakerga kaj  rodinga arka tari komuna Šuto Orizari thaj o dizjakorošherutno Kurto Duduš buti thaj bukarnipe, kote so ko adava o dizjakorošherutno vakergaleske kaj ka pherel le thaj ka arakel leske buti.

E čhorolipaskeO majtikno čhavo dzala ki angledersiklovni, ola dzanena kaj o educiribe si importantno, numa vakerena kaj nane ko šajdipe te den pumare čhavenge pobuter sar sa o javera jerije thaj manuša, dikhibaja kaj isile panda jek čhavo kova so dzala ko fundavno educiribe thaj si 5-to klasi,isilen čhaj kova so agorkerga fundavno educiriba, a okola čhave si khere.

Sadmehan Huseini apeliringa dzi ko sa o humana dizutne kola si tari Europa ko jek thaj tari Makedonija koj si ko šajdipe thaj mangela te den le arka te šaj ovel leskoro dzivdipe ko normalna šartija.

 


Bašo Amenge


Grupa taro terne Roma intelektualcija, novinarija, web dizajnerija, tehničarija, montažerija thaj javer personali savo so isilen baro iskustvo ki piri buti rodingje te keren nesto nevo ko mediumsko internet than ki Makedonija. Palo beshiba ko sostanok taro timi taro 24vakti.mk angjape decija kaj ko akava momenti falinela jek romano web tv portali savo ka nudinel pravilno, kvalitetno, informacija baši o Roma. Adaleske formiringape o www.24vakti.mk  ko adava sostanok čivgjem akala celija thaj pričine soske te formirina o jekutno romano web tv portali 24vakti.mk

24Vakti © Copyright 2015 – 2017, Sa o nijamija si protektirime