Cicačija taro love bash o Roma !?

Ko agorutne nekobor bersha kote so denape but love ko bajrariba taro romane kapacitetija sar thaj aniba poshukar dzivdipe e romane nacijake ko lokalo nivelo nesave personija o period taro tikno romano kapacitetija jali educirimo kadar savo isile pobut veštine koleja so rodena o megjunarodna faktorija, ambasade thaj javera institucije save so dena but love ko romano anglodzajba. Maksimalno iskoristinena mo o momentum thaj “cicinena o romane love ko jek krugo taro 10 manusha”

Odola terne Roma save so vakerena kaj si elitno generacija thaj generacja save so adzikerela pe lender promene te keren ko Roma hem odova kurcijalna promene kote so ka ingaren jek nevo drumo za žal našavsalile ko nevo moderno, eskluzivno vakti kote so sa nakela salde ko love ko interes taj ko barvalipe personalno.

Akaja kolumna si motivirimi taro palune nekobor nastanija kote o amen sar medium 24 vakti vaker tuke ko sekova romano nastan sijem sar aktivna učesnikija isto agjar pasivna ko te so I direktno laja than ko nesave decizije, numa sar medium I sledinaja o procesija taro promene ko Roma ki Makedonija thaj ko Balkan.
Akana isi nekobor puchiba panlo bashi akava aktuelno situacija, dali jekajek manusha vrtinena pe ko than, koleste pareste khuvelape jek krugo kova so pareste shaj aveja dzi ko info sar thaj dzaneja sar avena dzi ko love.
Akava fazoni kote so ko agorune bersha sikavela sar pokonkretno si vakerdo dejba love bashi o Roma taro donatorija kova so dzana ko ista vasta ista dzepe ista proektija ista mansuha.

Soske bash asavko vpecatok, odoleske so milionija denarija dengjape bashi o Roma salde ko nekobor manusha kola lelepeske dzovapi kaj si odgovorn bashi o Roma numa thaj kaj ola shaj agorkerenea akaja buti thaj si jek taro najvlijatelna faktorija ko romane promene.

Adala ista manusha lena honorarija taro pobut riga, thaj chivde si ko nekobor sherutne proektija kote so o majbaro procenti isi šuže bare honorarija, sar ekspertija, obučuvachija, fascilitatorija odova sikavela kaj akala manusha si salde 10 ki Makaedonija kola mashkar peste ulavena I buti soj tragikomično odola ista manusha (kotor) isile thaj buti ki Državno administracija sar thaj lena honorarija taro javera bukja i ako o kanuni bashi državno administarcija strikno vakerela kaj nasmejnena te keren buti javer palo rabotno vreme sar državno službeniko, osven telen love ja plata tari them.

Ko sa o načina dikena sar te aven dzi ko love čibaja astaribaja vrske thaj panelape jek tesno krugo kote ka dike jeke mansuhen taro ekspertija palo diskriminacija dzi analize kerena bash edukacija sar thaj ekonomistija.

Akava sikavela kaj o procesija ako mangaja te dzan angle trebno te dikalen andral, ko akava sluchaj te muken akala doticna mansuha javerenge than soske dikindoj kaj ko agorutne nekobor bersha isi barem nekobor chave save so i ako si len kvaliteti sar thaj perfomansija te ikeren o pharipe tari sakoja buti pareste khuvena ko adava krugo taro „ CICAČIJA TARO ROMANE LOVE“


Bašo Amenge


Grupa taro terne Roma intelektualcija, novinarija, web dizajnerija, tehničarija, montažerija thaj javer personali savo so isilen baro iskustvo ki piri buti rodingje te keren nesto nevo ko mediumsko internet than ki Makedonija. Palo beshiba ko sostanok taro timi taro 24vakti.mk angjape decija kaj ko akava momenti falinela jek romano web tv portali savo ka nudinel pravilno, kvalitetno, informacija baši o Roma. Adaleske formiringape o www.24vakti.mk  ko adava sostanok čivgjem akala celija thaj pričine soske te formirina o jekutno romano web tv portali 24vakti.mk

24Vakti © Copyright 2015 – 2019, Sa o nijamija si protektirime