Den hango e ternenge! – Seminari savo ka ikergovel ko Brisel

Tej  sakana manglen te vazden tumaro hango e terne Romenge, akana isi tumen šajdipe! Odova te keren  ko Evropikano parlamenti thaj Evropakiri komisija ki obuka savi  ikergovela taro 16 dzi 22 marti 2019 berš ko Brusel.

Akaja obuka ka ikergovel  ko nevo kurko  ko nišankeripe Maškardzianeskoro dive baši maribe  mujal rasizmo,  i mangin tani  te  vazdelpes  i  sama ko terne save ka len than (saranda)  te  keren lafi baši lačharipe ki evropikani politika  thaj lejbaja than  e dzihanengoro sasoitnipe,  te  vazdelpes olengiri sama sar te vazden pumaro hango mujal o anticiganizmo thaj te  bajraren pumaro sa dzandipa ko but importatna pučiba  e Romane kedinake.

Akava pandze divengiri obuka siklovipa, legardi tani  telal ternengiri organizacija e Romengiri, mreža taro ERGO,  Piren amenca thaj o Centari baši  dokumentacija thaj kultura  tare  germanijake sintija  thaj e Roma.

Te šaj te oven kotor tari akaja obuka valani te oven  pendzarde  telal o dzjandipe  tari antidiskriminacijaki  politika  thaj manušikane hakaja, valani te  oven aktivna manuša save lena than  ko asavke incijative ja palem ternegre organizacie taro Roma, thaj valani te ovel tumen taro 18 dzi 35 berša pherde, tumari komunikacija te ovel šukar ikerdi prekal i anglikani čhib.

Agorutno vakti lejbaske than tano dzi ko 20 Fevruari.

Izvor: Romapress.mk


Bašo Amenge


Grupa taro terne Roma intelektualcija, novinarija, web dizajnerija, tehničarija, montažerija thaj javer personali savo so isilen baro iskustvo ki piri buti rodingje te keren nesto nevo ko mediumsko internet than ki Makedonija. Palo beshiba ko sostanok taro timi taro 24vakti.mk angjape decija kaj ko akava momenti falinela jek romano web tv portali savo ka nudinel pravilno, kvalitetno, informacija baši o Roma. Adaleske formiringape o www.24vakti.mk  ko adava sostanok čivgjem akala celija thaj pričine soske te formirina o jekutno romano web tv portali 24vakti.mk

24Vakti © Copyright 2015 – 2019, Sa o nijamija si protektirime