24 vakti

Eksplozija ki dzamija ko Pakistan

dzamija Pakistan

Eksplozija ki dzamija ko Pakistan

Najhari duj dzene mule , a pashe 15 si ranime ki eksplozija kova sine ki dzamija ko Pakistan ki diz Kveta.

Akaja eksplozicija sine ki dzuma namazi kova so sine majhari andre ki dzamija pashe dzi ko 100 manusha prema ko vakeriba taro policisko oficeri Abduk Kajum.

3 manusha taro ranime araklona ko pharo hali sebepi so i eksplozija sine but zorali adaleja so phagile sa o dzamija taro objektija kola so arakljona sine pash ki dzamija, palo adava i policija blokiringa o than te shaj kerel o rodljariba sebepi akaja buti.

Sar so havlarena taro Pakistan radio kaj akaja eksplozija uli sar rezultati taro aktiviribe bi pendzardo eksplozivi kova sine chivdo telo minberi.

Dzi akana nijek teroristicko khedipa taro Pakistan na lela o dzovapluko upral peste , akala atakija ko sunitska kotora si but retka ko Balucistan kova si centro i diz Kveta.

Balucistan si shaj taro majtikno naselimo than ko Pakistan thaj iklola ko Arapsko more. numa ako isilen but nafta thaj mineralija ola si palem jek taro majchorole.

Taro paluno nilaj palem ustinga o maribe ko lokalno naselenie tari rig e talibanengiri thaj o dzihadistija tari Islamsko drzhava , numa isi thaj lokalno bunti, a dzi kote pobuter o atakija si mashkar o shiitska muslimanija thaj o hristjanija.


Bašo Amenge


Grupa taro terne Roma intelektualcija, novinarija, web dizajnerija, tehničarija, montažerija thaj javer personali savo so isilen baro iskustvo ki piri buti rodingje te keren nesto nevo ko mediumsko internet than ki Makedonija. Palo beshiba ko sostanok taro timi taro 24vakti.mk angjape decija kaj ko akava momenti falinela jek romano web tv portali savo ka nudinel pravilno, kvalitetno, informacija baši o Roma. Adaleske formiringape o www.24vakti.mk  ko adava sostanok čivgjem akala celija thaj pričine soske te formirina o jekutno romano web tv portali 24vakti.mk

24Vakti © Copyright 2015 – 2019, Sa o nijamija si protektirime