EU Raporti 24VAKTI Analiza: REALNA AKCIJE NA SALDE HRAMOME DOKUMENTIJA

E Evropakiri komisija ko raporti baš sukcesi ki Utarali Makedonija, dikhljakergja thaj notiringja o romano hali ki them thaj lakere nijamija aso o kanunija thaj o konstitucioni. Importantno si kaj i Evropaki Komisija bićhalela importantna decizije ki te šaj te pošukarkerelpe o romano hali thaj odola decizije si zazurime ki te manglja i raštra te khuvel ki Evropsko Unija. O timi taro jekhutno romano portali kergja jek analiza baš o dende preporake ko oficijalnikano raporti thaj ulavgja olen ko kotora baši sakoja umal.

 

 

Drabaren teleder ko teksti.

  • Generalno I molj baš implementacija e strategijake baš Roma si šukar, numaj zaruri si kerelepe panda buti thaj akcije bašo bukjarnipe, kherutnipe, sastipe. I radži kamela te vazdel o budžeti baš Roma numaj zaruri sit e ovel thaj kerelpe opservacija baš o hardžipe e lovengo, thaj odova si problem.
  • Maj baro problem ki umal taro sikjlovipe si kaj 40% taro romane ćhave sikljovena ki segregacija, a džikote o procenti taro čhave so agorkerena sikjlovibe si 70 procentija.
  • Taro 338 čhave so si ko droma olendar 328 si Roma thaj I radža zaruri sit e kerel sistemska merke a na akcie ko nivelo proektenge.
  • romane informativna centrija kerena šukar buti thaj jeka jek gjaar o sastipaske medijatorija, numa problem si ko kherutnipe thaj o merke džana ki bavno realizacija. Sar indikatori si kaj salde 17,6 procentija taro socijalnikane khera si dende e romenge.
  • Kana kerelape lafi baš bukjarnipe, o aktivna merke tari Agencija baš bukjarnipe si but ograničime. I EU vakerela kaj si zaruri o roma te khuven ki buti ko sa o nivelo.
  • Aso o raporti tari EU isi trujal 700 džene Roma so nane olen fundavne dokumentija baš identifikacija, thaj nane panda kerdo mehanizam ki te šaj te identifikuinenpe asavke džene.
  • I stapka taro Roma so nane ki buti si paše 50 procentija thaj si majbari te kergjape paralela e javere etnikumencar.
  • Ko raporti bešela importantno problem so I raštra nane ola mehanizam baš reintegracija e dženenge so iranenape taro azulantluko. Kana avena ki piri phuv, ola našavena pire nijamija thaj phareste iranena olen.
  • Phareste džala o process kana kerelape lafi dejbe nijanija e našlutne manušen taro Kosovo a majbut pogodime si o Romane familije.
  • O čorolipe ačhovela sa panda majbaro problem numa isi gndipe kaj e neve kanuneja o pošukarkerelpe i situacija

 


Bašo Amenge


Grupa taro terne Roma intelektualcija, novinarija, web dizajnerija, tehničarija, montažerija thaj javer personali savo so isilen baro iskustvo ki piri buti rodingje te keren nesto nevo ko mediumsko internet than ki Makedonija. Palo beshiba ko sostanok taro timi taro 24vakti.mk angjape decija kaj ko akava momenti falinela jek romano web tv portali savo ka nudinel pravilno, kvalitetno, informacija baši o Roma. Adaleske formiringape o www.24vakti.mk  ko adava sostanok čivgjem akala celija thaj pričine soske te formirina o jekutno romano web tv portali 24vakti.mk

24Vakti © Copyright 2015 – 2019, Sa o nijamija si protektirime