Info baši Online-časija thaj web platforma baši sikljovibe kheraldan ko FS pralja Ramiz thaj Hamid ko Shuto Orizari

Ki web strana e školakiri e siklen thaj e roditelen isi šajdipe te sikljoven kheraldan.
Ki platforma isi materijalija baši sakova klasi thaj sakova predmeti.

Ko linkija šaj te arakhen materijalija taro štarto kurko taro Mart thaj o avgo kurko taro April. I platforma baši sikljovibe kheraldan ka pherel pes sakova kurko materijalencar.

E sikavne tari Komunakiri Fundavni Siklana „Phralja Ramiz-Hamid“ ka astaren te ikeren online časija taro Ponedelnik, 30.03.2020. E časija ka ikeren pes trujal o konferencisko servisi ZOOM thaj ka oven po 3 časija sakova dive taro Ponedelnik-Petok.

E sikle shaj te uklučinen pes ki konferencija, a o sikavno ka del lenge zadače, vežbe thaj ka kerel e čhavencar interaktivno buti. O rasporedi baši e časija ka ovel istaknimo amare web stranate thaj e čhave ka džanen kana ka počinel o časi, kova dive, kova predmeti thaj koja nastavno sodržina.

Sar te uklučine tut te šune o časo preku kompjuteri/laptop/tablet:

https://www.youtube.com/watch?v=B1RU7gbkpNA&fbclid=IwAR0CWJKrvitYf4MFQu0TYYc8_THTcI6cF26aRmnLZFXlphbJ4rP0YOmId8I

 

Sar te uklučine tut te šune o časo preku mobilno telefoni:

https://www.youtube.com/watch?v=hSVGBT524cQ&fbclid=IwAR3WJiDp0XDzgAmoUJU6-Al34hloBbsqB8C8xVPILh-Wbq43FVZ32OkRnNc


Bašo Amenge


Grupa taro terne Roma intelektualcija, novinarija, web dizajnerija, tehničarija, montažerija thaj javer personali savo so isilen baro iskustvo ki piri buti rodingje te keren nesto nevo ko mediumsko internet than ki Makedonija. Palo beshiba ko sostanok taro timi taro 24vakti.mk angjape decija kaj ko akava momenti falinela jek romano web tv portali savo ka nudinel pravilno, kvalitetno, informacija baši o Roma. Adaleske formiringape o www.24vakti.mk  ko adava sostanok čivgjem akala celija thaj pričine soske te formirina o jekutno romano web tv portali 24vakti.mk

24Vakti © Copyright 2015 – 2019, Sa o nijamija si protektirime