Romano Web TV Portali

Intervju Ferki Demirovski: „O Roma isilen biznismensko ruhi, numa adava valjanela te bajrarelpe educiribaja“.(VIDEO)

www.24vakti.mk

Intervju Ferki Demirovski: „O Roma isilen biznismensko ruhi, numa adava valjanela te bajrarelpe educiribaja“.

Ferki Demirovski

Ferki Demirovski si tari diz Delčevo, kova si sukcesivno Romano biznismeni, kova so ple firmaja hazrkerge jek inovativno produkti kova so lela than ko kurko taro pobuter kontinentija astaribaja kotor taro kontinentija sar so si Afrika thaj Azija.

Ferki Demirovski šhurakerga plo educiribe taro Skopje agorkeribaja maškarsiklojbaskoro educiribe, a  dzikote o fakulteti agorkergale ko Khoranipe.

Leskiri fima phiravela anav „BEONTEL“ kova so kerge inovativna mobilna telefonija mangipaja te oven dostapna ko phuvja sar so si: Hong Kong, Vietnam, Brego taro Sloneskoro kokalo ki Afrika jali Ivory Coast.

Akaja firma šhurakerga bukaja taro Dubai kote so ate ikerenape but biznisija thaj na pukinena danoko, adaleja so adava si but šukar bašo kurko.  I firma “BEONTEL” o proizvodstvo akale telefonenge kerela le ki Kina, ko Hong Kong, a o marketing thaj i logistika kerelape ko Dubai.

„BEONTEL“ ko Dubai khuvga maškar o top 5 paš ki bari konkurencija taro bare firme,  kova so dikhlaerlape sine majšukar inovacija jali ideja, a ola dobinge o 4-to than.

Ferki Demirovski vakergamenge kaj i ideja si leskiri, numa palo sekova sukcesivno manuš bešela thaj leskoro timi, adaleja so našti reselpe dzi ko sukcesije korkori.

Ov dopherga kaj šhurakerga te kerel buti e Romenge preka  ko pobuter biradzakere thaj radzakere organizacije, sine konsultatni ko pobuter ministeriumija, thaj vakerga kaj valjanela uvek te ovel tu ideja adaleja te taminirinetut korkori tut, te šaj sikave e javere dzijanenge da bilo save te oven, kaj šaj o Rom da te ovel sar lende barem minimum, a thaj ko jek but po sukcesivno ponadari da, vakeribaja kaj o Roma isilen o biznismensko ruhi thaj o kreacije, numa adava valjnela te bajrarelpe e educiribaja, sebepi so o educiribe si majimportantno faktori thaj dela arka ko sposobnostija, veštine thaj  prezentiribe i ideja, adelaja so ka šaj te khuven ko kurko thaj ko krugo taro biznisija.

Dikhen pobuter ko intervju e Romane sukcesivno biznismeneja:


Bašo Amenge


Grupa taro terne Roma intelektualcija, novinarija, web dizajnerija, tehničarija, montažerija thaj javer personali savo so isilen baro iskustvo ki piri buti rodingje te keren nesto nevo ko mediumsko internet than ki Makedonija. Palo beshiba ko sostanok taro timi taro 24vakti.mk angjape decija kaj ko akava momenti falinela jek romano web tv portali savo ka nudinel pravilno, kvalitetno, informacija baši o Roma. Adaleske formiringape o www.24vakti.mk  ko adava sostanok čivgjem akala celija thaj pričine soske te formirina o jekutno romano web tv portali 24vakti.mk

24Vakti © Copyright 2015 – 2017, Sa o nijamija si protektirime