Irisa Demiri: Ko dive 28-03-2020 ki Republika Italija isi: 92 472 pozitivna 10 023 mule 12 384 so sascile taro Coronavirus

Ikerasamen saore ko direktives so dingija amenge o premieri. Taro 25-03-2020, o premieri Giuseppe Conte
kheras nevi direktiva so vakerla kaj sa o fabrikes thaj kodla bucarne/rabotna thana so momentalno nane
vazhno valazla te acon pandle dzi ko 3-04-2020, acola salte o marketija hem o aptekes puterde.

I policija hem i askerija(vojska) ikerna redos ko kaj dzala em soske ikicilo katar po kher/diz. Te nanetut
dokaz i kazna shaj te ovel taro 400 euro dzi ko 3000 euro. A koj si pozitivno hem ikjola taro po kher dobizla
5 bersh pandipe (zatvor).

Ko upruno delos e italijakoro isijamen 2 mule roma hem 2 sintija, a ko okola diza (Piacenza, Napoli, Foligno,
Ascoli Piceno, Pesaro…) saore si laces pe sastipaja, acjona ki pe khera te keren i karantina dzi ko 3-04-2020.
Palal kaka zijes, agjikeraja i nevi direktiva.
Ano diz Torino si thana kate so shaj o roma te len paketija hajbaske.

Ani diz Rim (Roma) isi 4 roma katar i Srbija pozitivna bash o Koronavirus hem 1 lendar 33 bershengoro
mulo.

Dikindoj o pharipe andre ko romane kampija ko Rim, kate so nanaj nasvale bash o Koronavirus, i
medijatorka e kulturakeri romani Sashka Jovanovic soj tani presidenti basho organizacije “Romni APS” hem
“Rowni-Roma Women Network Italy” reshingja te bicalel apel, te dol dzi ko dzanipe e Sherutno e
komunakoro ko Rim Virginia Raggi hem dzi ko “Lolo krsto/ Crven krst” hem “Civilno zastita” rodindoj
pomos.

Kodla so dzivdinena ko kampija, isilen but trash bash o virus hem bash i ekonomijakeri situacija lengeri.
O roma so kherenas buti (ko kurko, argatija, so kidna sastr, so prosinena…) akana nashti te nakaven o zijes
soske si momentalno ko karantin hem naci te ikjon katar pe kampija.
Rodingjape pomos basho osnovna bukja (pani, hajbe, ilacija, bukja bash i higjena) hem maskes, sretsvo bash
i dizinfekcija.

O regioni Lombardia momentalno isila naj but pozitivna ki celo Italija.
Ko anglune zijesa, o mule ki diz Bergamo sine ingerde katar i askerija pe kamijonenca avral i diz soske i furna
so tarla e mulen naci te doresol.
Ko zijes 28-03-2020 o premieri Conte dingja ko dzanipe kaj isi 400 miljona hajbaske bashi o po corole hem
kaj o bucarne ka oven pocinde 80% katar i plata.
Dzi ki kaka dive nanaj nisavo pomosh e romenge ko kampija ko Rim.
Palal kaka zakonos, o numero e manushengoro so dvizhinelapes pelo, hem ka sikavel efekti palal 14 dive (o
vakti te kherel inkubacija o vius).

Irisa Demiri

Raport tari Italija


Bašo Amenge


Grupa taro terne Roma intelektualcija, novinarija, web dizajnerija, tehničarija, montažerija thaj javer personali savo so isilen baro iskustvo ki piri buti rodingje te keren nesto nevo ko mediumsko internet than ki Makedonija. Palo beshiba ko sostanok taro timi taro 24vakti.mk angjape decija kaj ko akava momenti falinela jek romano web tv portali savo ka nudinel pravilno, kvalitetno, informacija baši o Roma. Adaleske formiringape o www.24vakti.mk  ko adava sostanok čivgjem akala celija thaj pričine soske te formirina o jekutno romano web tv portali 24vakti.mk

24Vakti © Copyright 2015 – 2019, Sa o nijamija si protektirime