Konkurs: ulajbe stipendije bašo Romane maškarsikljovne.

Konkursi bašo ulajbe stipendije ko 5 kategorije bašo  Romane sikljovne hramome ko 1,2,3 thaj 4to educiribaskoro berš ko javna thaj privatna maškarsikljobaskere siklane bašo berš 2017/2018-to.

O Ministeri bizo resor kova si baši implementacija e Strategijake bašo anglodzajbe e Romenge ki Republika Makedonija, Samka Ibraimovski avdie ki pres konferencija vakerga kaj erati šhurakerga thaj si havlardo o konkursi ulajbaske stipendije ko akala 5 kategorije bašo Romane sikljovne.

Kerelape lafi bašo 752 stipendije ko 5 kategorije kova so ulavenalen o Ministeriumi bašo educiribe thaj nauka finansisko ikeribaja taro Romano educiribaskoro fondi tari Budimpešta, Hungarija bašo sikljobaskoro berš 2017/2018-to, kolendar 353 si dikhle bašo Romane maškarsikljovne taro berš 2016/2017-to so sinelen prosek thaj ikergele minimum dzi ko 3.00 .

Ki avgo kategorija ulavenape 107 stipendije bašo talentirime Romane maškarsikljovne kola isilen sukcesi taro 4.50 dzi ko 5.00 ko učipe taro 2.200 denarija.

Ki dujto kategorija ulavenape 155 stipendije bašo resarde sukcesije prosekoja 3.50 dzi 4.49 ko učipe taro 1,500 denarija ko masek.

Ki trito kategorija ka ulavenpe 74 stipendije baši resardo sukcesi taro 3.00 dzi ko 3.49 ko učipe taro 1.000 denarija ko masek.

Ki štarto kategorija ka ulavenpe 17 stipendije bašo sikljovne ulavde educiribaskere potrebencar sukceseja majhari taro 3.00  ko učipe taro 1.000 denarija ko masek.

329 stipendije ulavenape Romane maškarsikljovnenge taro javna thaj privatna siklane kova so na sine korisnikija e stipendijenge ko siklojbaskoro berš 2016/2017-to.

O Ministeri dopherga kaj 70 stipendije ka ulavenpe ko 5 kategorije e Romane maškarsikljovnenge taro komune : Šuto Orizari, Prilep,Kumanovo,Tetovo thaj Štip ko javna thaj privatna siklane ko učipe taro 600 denarija palo sikljovno bašo resardo sukcesi taro 2.00 dzi ko 2.99.

Sa o aplikantija valjanena te muken: rodiba baši stipendija, orginal prijava baši stipendiribe e maškarsikljovnenge, orginalno potvrda bašo redovno sikljovno ko berš 2017/2018-to, zaverimi fotokopija ko notari taro sveditelstvo taro paluno siklojbaskoro berš, lipariba kaj o kandidati nane korisniko tari javer stipendija, lipariba kaj si pripadniko taro Romano nacionaliteti, kopija taro uverenije bašo themutnipe tari Republika Makedonija, kopija tari transakcisko smetka tari banka anaveja e sikljovneskoro, kopiribe tari lično karta thaj kopija tari lično karta taro jekestar taro jerije/staratelija bašo korisnikija so ka aplicirinen.

Sa o nakompletno dokumentacija nane te dikhlarelpe  thaj nane te khuvel ki konkurencija  e javere kandidatencar so apliciringe.

O ministeri vikinga sarinen kova so pherena o uslovija te aplicirinen thaj te prijavinenpe ko vakti mukhibaja pherdi dokumentacija kova so rodelape ko Ministeriumi baši educiribe thaj nauka.

 


Bašo Amenge


Grupa taro terne Roma intelektualcija, novinarija, web dizajnerija, tehničarija, montažerija thaj javer personali savo so isilen baro iskustvo ki piri buti rodingje te keren nesto nevo ko mediumsko internet than ki Makedonija. Palo beshiba ko sostanok taro timi taro 24vakti.mk angjape decija kaj ko akava momenti falinela jek romano web tv portali savo ka nudinel pravilno, kvalitetno, informacija baši o Roma. Adaleske formiringape o www.24vakti.mk  ko adava sostanok čivgjem akala celija thaj pričine soske te formirina o jekutno romano web tv portali 24vakti.mk

24Vakti © Copyright 2015 – 2017, Sa o nijamija si protektirime