Ivan Maksutovic tari Leskovac , Srbija

Margeman, ikalgjeman nango, snimingeman telefoneja, vakergje kaj ka mudaren me chave

Trogatelno chipota ko Leskovac , Srbija

Ivan Maksutovic taro Leskovac o S.Dz thaj M.M  sreda ko 4 dekemvri 2019 hovavibaja chivgele ko vrda kotes o ingargjele ki len Morava ko  Majnolovca kote so chivgeleske fitna kaj chorgja lengoro alati kote so ki khedin kergje buti. Kana lele ola e Maksutovich ikalgele nango, maltetiringele , khuvgele, daravkerenale sine kaj ka chiden le ki len sar thaj kaj ka mudaren leskere chave thaj sa odova sine snimem mbilno telefoneja.

” Ikalgeman nango , daravkerenaman kaj ka frdenman ki len la kaj ka mudaren me chave  sinelen nesavo kuferi kote so ikalgje skalperi, shelo, kleshta” , vakerela o viktimi Ivan Maksutovic.

Palo nekobor arija o manusha save so maltetirinena sine e Maksutoviche teringje le te javinelpe me chaveske te shaj te avel ko than thsj te nel o alati so demek ola chorgele. Numa trujal so vakerena sine o o Ivan thaj leskor chavo kaj ola na chorgje o alati ola panda maltetirinena sine e Maksutoviche.

Palo odova palem javingepe kere ko leskoro chavo , numa ko telefoni sine leskiri romni savi  so pretingjalen kaj ka javinelpe ki policija thaj ka prijavinel i chipota.

Kana shungje kaj i romni zakaninelape policijaja tegani panlel ko duj kashte uravgjape hem sar so vakerela o Maksutovic palo leste nadzanela dali pistoli sinelen salde shungja sar vakerge leske vaker tli agorutni mangin.

Ov rovela sine hem molinelalen sine te mukenle. Ko agor pravgele chivgele ko vrda hem muklel ko sastipaskoro kher ko Leskovac.

Mashkar vakti daravkerenal sine ako diso vakergja bashi akaja chipota ja te prijavinel ki polcija ka chinen leskere chaveskere 7 naja. Ov tari dar nekobor dive na vakerela sine khanchi iako sinele paripe ko sojba taro maltetiriba.Palo reakcije tari familija thaj komshije o Ivan Maksutovic prijavingja i chipota ki policija ko 9 dekemvri.  Sar so vakerela ov veke si astarde o mansusha thaj lelo si lendar mobilno telefoni kote so sniminge celo sluchka so sine.

Tari  Policija ko Leskovas salde tikne informacije kaj chipotingjape odova, numa pobut informacije taro obvinetelstvo te rodelpe.

O Ivan Maksutovic akana si ki nevropsihijatrisko hospitali ko Leskovac , sebepi o traume thaj maltetiriba isile psiholoshka thaj traumatichna problemija.

Pobuter ko  video link lendo taro romainfomedija taro Leskovac.

 


Bašo Amenge


Grupa taro terne Roma intelektualcija, novinarija, web dizajnerija, tehničarija, montažerija thaj javer personali savo so isilen baro iskustvo ki piri buti rodingje te keren nesto nevo ko mediumsko internet than ki Makedonija. Palo beshiba ko sostanok taro timi taro 24vakti.mk angjape decija kaj ko akava momenti falinela jek romano web tv portali savo ka nudinel pravilno, kvalitetno, informacija baši o Roma. Adaleske formiringape o www.24vakti.mk  ko adava sostanok čivgjem akala celija thaj pričine soske te formirina o jekutno romano web tv portali 24vakti.mk

24Vakti © Copyright 2015 – 2019, Sa o nijamija si protektirime