Romano Atletichari

Memo Sulejmanov romano rekorderi ki Atletika ki Jugoslavija

Biografija

O Memo Sulejmanov si romano atletichari savo sine manush save fundiringje o AK VARDAR taro Skopje, palo dujto sumnaleskoro maribe dzi shuru taro 50 bersh taro naklo zamani.O Memo sinele nekobor medalja taro Balkanska thaj regionalna prvenstvija sar thaj medalija ki Makedonija thaj purani Jugoslavija.  O Memo Sujemanov sine reprezentativco ki Jugoslavija ki Atletika ko discipline taro lunga droma ja 5000 thaj 1000 km sar thaj maratoni.

Tikni biografija taro Memo Sulejmanov

Bijamo si ko Veles ki romani familija panda taro tikne bersha sinele afinitetija kori o sport kelela sine rakomet ki fundavni sikljovni, numa leskoro mangipe sine i atletika thaj o prastajba ko lunga droma kote so specijaliziringjape sar sportisti ko akala discipline kote sinele baro sukcesi ki kariera.

 Memo Suljamov ko mashkar 

Palo dujto sumnaleskoro maribe sinele duj avga thana ko Balkansko Prvenstvo sar kotor tari reprezentacija tari Jugoslavija, Lelja than ko nekobor mashkardzijaneskere natprevarija ko maratoni thaj lungo prastajbaskere discipline ko 5000 thaj 1000 km. Aso evidentija kola tane but tikne bashi biografija taro Memo Sulejmanov nekobor bujarne taro AK VARDAR arakle interena evidentija bashi o MEMO.

Ko jek dokumenti dikelape I diploma taro Maratoni so o Memo Sulejmanov astargja o dujto than ko maratoni ikerdo ko 23 thaj 24 avgust ko 1946 godina evidenteja 2.47 min. Akava salde jek taro dekretija kaj o Memo sinele thaj bare sukcesija ko Maratoni thaj ki Atletika palo dujto Sumnaleskoro maribe.

Pobuter sportistija dzanela sar o MEMO Maratonco thaj manush savo prastala ko lunga pateke thaj sinele nekobor rekordija ki purani Jugoslavija ko akala discipline. O Manusha save so hramongje ple  memoarija bashi leske ko nekobor lila hramonena kaj o Memo sine pendzardo sar manush savo prastala sine nango bizo sprinterke sar thaj sinele barvali atletsko kariera.

Palo kariera thaj lejba nekobor medalija sar thaj sukcesija sar atletichario Memo irangjape ko AK Vardar sar Treneri, jekajek sine pendzardo thaj ko fudbalsko klubi Napredok tari Shuto Orizari sar manush kova sine kondiciono treneri e fudbalerenge, numa thaj pogedzi sar kondiciono treneri e boksrenge ko BK TERNIPE kana sine treneri o Redzep Redzep.

Majbaro numero Roma trujal sportsko kariera  pobut dzanenale sar fotografi o Memo kova sine pioneri ko fotografiranje ki Makedonija ki purani Jugoslavija kote so sa o nastanija sar sportska, opshtestvena, socijalna, sar thaj kultuirn manifestacije ( bijava, igrange, familijarna slike itn) kerelalen sine o Memo o slikari agajr sine pendzardo mahkar o Roma thaj o javera zaednice pali sportsko kariera. O Memo jekajek agjar sinele baro pridones ko opshtestvena promene ko Roma ko vakti taro plularizam koleja so pire fotografijencar pridonesingja ko bajrariba o romano kultuiro thaj opshtesveno baripe ki Makedonija. Mulo bizo nesavi fama salde nekobor hramovibaja ko zurnalija deka naklja I dujna o Memo Sulejmanov manush savo sinele sportsko thaj humantiarno karakter thaj BARIPE.


Bašo Amenge


Grupa taro terne Roma intelektualcija, novinarija, web dizajnerija, tehničarija, montažerija thaj javer personali savo so isilen baro iskustvo ki piri buti rodingje te keren nesto nevo ko mediumsko internet than ki Makedonija. Palo beshiba ko sostanok taro timi taro 24vakti.mk angjape decija kaj ko akava momenti falinela jek romano web tv portali savo ka nudinel pravilno, kvalitetno, informacija baši o Roma. Adaleske formiringape o www.24vakti.mk  ko adava sostanok čivgjem akala celija thaj pričine soske te formirina o jekutno romano web tv portali 24vakti.mk

24Vakti © Copyright 2015 – 2019, Sa o nijamija si protektirime