" MOMENTE TEKSTIL"

Nevi firma “Momente Tekstil” vrabotingja 35 manusha najbaro numero Roma.

Biznis

Angleder nekobor divesa šurukergja te kerel buti i firma ” MOMENTE TEKSTIL” savi kerela buti ki trikotaza thaj o proizvodija bikinlalen ki Evropa thj Sumnal.

i Firma ” MOMENTE TEKSTIL” isila pogon butikeribaske ki mahala Kučeviška bara ki komuna Butel thaj ko akava startno butikeriba isilen 35 bukjarne save so kerena buti ko proizvodstvo dzi dizajn taro brend “MOMENTE TEKSTIL”.

Akaja firma si Germasko kapitaleja thaj kerela buti ko nekobor phuvja sar Italija ki Verona, ki Katovice ki Polska sar thaj ki Germanija.

 

Ko akava momenti kerena but Roma pobaro kotor, numa taro ” MOMENTE TEKSTIL” vakerena kaj o numero ka bajrol bashi bukjarne ki akaja kompanija panda 60 ko avutno periodi.

Vakeribaske kaj o sherutne thana tari akaja kompanija legarenale Roma koleja so i doverba si mukli upri olende te legaren i kompanija ko pobare chekorija ko avutnipe. Akaja situacija si shukar bashi Roma bibukjarne save so kerena buti ko sijba te shaj ovena kotor taro akaava brend.

 

Pobuter diken ko Video o utsavalo praviba kava pogon ki upotreba…


Bašo Amenge


Grupa taro terne Roma intelektualcija, novinarija, web dizajnerija, tehničarija, montažerija thaj javer personali savo so isilen baro iskustvo ki piri buti rodingje te keren nesto nevo ko mediumsko internet than ki Makedonija. Palo beshiba ko sostanok taro timi taro 24vakti.mk angjape decija kaj ko akava momenti falinela jek romano web tv portali savo ka nudinel pravilno, kvalitetno, informacija baši o Roma. Adaleske formiringape o www.24vakti.mk  ko adava sostanok čivgjem akala celija thaj pričine soske te formirina o jekutno romano web tv portali 24vakti.mk

24Vakti © Copyright 2015 – 2019, Sa o nijamija si protektirime