O SDSM SPOINGJA E ROMANE POLITIČAREN. AMDI, NEDZET, SAMKA THAJ DUDUŠ KO JEKH THAN

Istorisko čipota. O romane politicarija spoisalile. Avdive ki komuna Šuto Orizari, e dizijako šerutno havljargja i ideja kaj o Nedzdet Mustafa o Amdi Bajram thaj o Samka Ibraimovski, barabar e ogranokoja taro SDSM ki Šuto Orizari ka keren buti ko alusariba baš prezidenti thaj ka den arka e kandidate Stevo Pendarovski.

O Kurto Duduš ki preskonferencija havljargja kaj dosta sine o ulajba thaj o akošiba maškar ko Roma.

– Cidindor tari ideja baš jek sasoutnipe thaj pomiruvanje, amen khedingen amen ko jekh tahn te kera buti ko alusaribaš ko interes e romenge thaj e Makedonijake te khuvel ki NATO thaj EU, vakergja o Kurto Duduš.

O deputati Amdi Bajram tha prezidenti taro SRM vakergja kaj ko nakhle alusariba sako cidingja ki piri rig numa akava drom zaruri si sa te den purae takatija te oven jek ko anav e Romenge.

-Istorijako dive si akava, ko jekh than te beša o najbare liderija ko jekh than. Amen ka kera jeka jekh buti thaj ka amendar sa te motivirina em ikala amare členen te den hango baš Stevo Pendarovski, vakergja o Amdi Bajram.

Arka dela thaj i partija OPER thaj o Nedzet Mustafa savo istakningja o džandipe akale čipotakoto.

Kamava te dav tumen ki godi kaj amen sijam Roma thaj akava si zaruri te ovel sine soske kerelape lafi bašo aspiracije e themake. Te mangljam te dža angle salde ko akava čhani.

O deputati Samka Ibraimovski vakergja kaj ko akala alusariba ka keren barabar buti thaj ka den arka baš o Stevo Pendarovski.

-Ka kera sa amere členen te motivirina te den purao hango baš o Stevo Pendarovski. Amen sijam ki koalicija e partijaja SDSM thaj zaruri si te ova thaj maškar ko Roma, odoleja ka sikava jekhipe.

 

Akana akanasaske na džanlolape ka kontinuirinel li o barabarbutikeribe ko javera alusariba ja na, sebepi so o nakhlipe sikavela kaj sako kergja pire partijake buti te lel majšukar pozicija ko makedonijake partije. Numa šukaribaske, palo but vakti, o romane te sikaven jekhipe maškar ko Roma.


Bašo Amenge


Grupa taro terne Roma intelektualcija, novinarija, web dizajnerija, tehničarija, montažerija thaj javer personali savo so isilen baro iskustvo ki piri buti rodingje te keren nesto nevo ko mediumsko internet than ki Makedonija. Palo beshiba ko sostanok taro timi taro 24vakti.mk angjape decija kaj ko akava momenti falinela jek romano web tv portali savo ka nudinel pravilno, kvalitetno, informacija baši o Roma. Adaleske formiringape o www.24vakti.mk  ko adava sostanok čivgjem akala celija thaj pričine soske te formirina o jekutno romano web tv portali 24vakti.mk

24Vakti © Copyright 2015 – 2019, Sa o nijamija si protektirime