Sali Memed

Majbaro korist taro Alusariba 2020 dikle o Albancija, o Roma Status KVO

Kolumna

Naklja o Alusariba 2020 bers ki Utarali Makedonija, save so iznenaduvachki pobut manushenge deka o Albancija khuvgje majbut deputatija ki Makedonijakiri istorija taro plularizam.

Basi akaja sostojba nekobor poente:

1.  O Albancija sine maksimanlo angazirinme te iklon ko alusariba dzandindoj i situacija e Covid 19 o daripa bashi sastipaskoro hali e manushengoro hem ko pogon o Albanska politikane partije ko sa akala rizika bashi korona virus ki amari them reshingje te den gas thaj te ikalen pire dzenen ko so ko agor iklo sar pozitivno varijanta odoleja so andre isilen 32 Albancija kolendar ako kergja Gavarmento o SDSM ka oven thaj pobut savo tano istorisko rezultati.

2. O NA iklojba taro okola javera etnikumija predvodime taro Makedoncija majbut ko izborno edinice 1, 2, 5, 6 angja akava rezultati ko akala Izborna edinice o Albancija iklile 70% taro adala soj akate ( na ko izborno spisako soske but isilen ki dijaspora samo pisime ama nae akate realna) odova vakerela kaj baro numero Albancija iklile ko akala izborija ili jekajek sar javera angleder  negde pobut taro 220 000 glasachija.

Dzikote okoja rig but pohari ja pashe 700 000, sporedime o nakle izborencar falinena pobut taro 200 000 Makedoncija thaj javera etnikumija te den plo glaso.Akate kergjape i razliak ki 1, 2, 5, 6  te dobinen Albanska deputatija pobut taro palune izborija hem o fakti kaj i BESA khuvgja ple deputatencar Makedonsko avazencar na Albanska soske sine but hari.

I BESA te dzal sine korkori ko Alusariba dali ka astarel sine o prago jek te khuvel jeke deputateja e koaliciribaja sinela shukjar poteg akana isilen 4 so pretenzije bashi panda te fundiringja o SDSM o Gavermento so isile bare sanse te kerel odova.

3. Dali i Korona virus o darajba te na iklova te na astara akava nasvalipe te na ova pozitivna shukar smislimo sar opstestveno triko bashi javera save so agjar vakerdo kurnaski dzandidoj kaj korkachija o Makedoncija, o Roma, o Khoraja  thaj javera deka akana samo pritisok ko Albansko dzijani te iklol hem iklio agjar sar so sine. O Albansko politikane partije shukar kergje buti ko teren suze matematichko operacijaja kaj okola ka daran te iklon amen te iklilem ka dobina pobut hem ko krajo akaja teza pobedingja.

4. Romano politichko situacija ko Alusariba 2020 bersh

JEKE RECHENICAJA SA DZIKOTE NA DENA SHANSA PRRAVA MANUSHENGE KO PRAVO THAN KA DIKAMENGE ASAVKO MODERNO HOLOKAUST KERDO KORKORI AMENDAR AMENGE!!

Sledno poslobodno vreme ka kera shudre sherencar so ka dobina ko avutnipe sar Romani nacija .. akana ka adzikera Gavermento te fundirinelpe pa te dza pretpostavkencar, iako o tendencije STATUS KVO ali mora nada !!

P.S

Kotar iklili i bolivudsko ideja Aksel Ministeri wow

Ajde sledno prilika akana adzikeraja…

GILJA BASHI O NEVO DUSHMALUKO ISILE VIRUS KORONA POZITIVNO TANO PREPELO  BE !!!

 

Sali Memed


Bašo Amenge


Grupa taro terne Roma intelektualcija, novinarija, web dizajnerija, tehničarija, montažerija thaj javer personali savo so isilen baro iskustvo ki piri buti rodingje te keren nesto nevo ko mediumsko internet than ki Makedonija. Palo beshiba ko sostanok taro timi taro 24vakti.mk angjape decija kaj ko akava momenti falinela jek romano web tv portali savo ka nudinel pravilno, kvalitetno, informacija baši o Roma. Adaleske formiringape o www.24vakti.mk  ko adava sostanok čivgjem akala celija thaj pričine soske te formirina o jekutno romano web tv portali 24vakti.mk

24Vakti © Copyright 2015 – 2019, Sa o nijamija si protektirime