Puterdo thano o lejbe aplikacija bašh Socijalnikani penzija bašh o pophure save na kerge buti

E đihanija thar Utarali Makedonija, ano poro đjivdipe save na sineolen bukarno than ko sasto đjivdipe, tavdela olenge o hakajimos te pheren aplikacija prekal o socijlanikane centrija te šhaj te resaren đji phurengi penzija lejbaja love đji 6.000 milja denarija.

E vastalune ano centrija telal Socijalnikano buthi kheripe vakerena o ikheripe akale reformako thano baro, thaj baši akava čhon đjakerelapes e dizutne te kheren hazri i sasti dkumentacija thaj te dopheren o rodipna.

Tadani ola sar bukarne šhaj vakerena o numero thar manuša kobor pherge e aplikacija bašh socijlanikani penzija, aso o tavdipe akale merkako thar socijalnikani penzija ko anglalipe vakerge puterde thana ka oven na pobuter thar 6 milja phure manušenge.

Ko aniba akava kanoni telal o vastalipe e Ministeriumeske bašh trud thaj socijlanikani politika vakerdo sas e kanoneja ka oven astarde 6 milja manuša save nanelen ni jekh lovengi arka. Akava kanoni nakhla thar Rađji Maj akava berš.

Sar so vakerlapes e kanoneske ikheribnaja, lovenge dejbaja isi olen hakajimos (pravo) sa e dizutne raštrune (državjajna) thar Republika Utarali Makedonija thaj, maj hari thar 15 berša nane olen ikherdo olejbe love thar phurengi penzija, lejbaja than akathe thaj e manuša save na nakhavge jekh dive ano bukharno than.

Haingo>Romapress


Bašo Amenge


Grupa taro terne Roma intelektualcija, novinarija, web dizajnerija, tehničarija, montažerija thaj javer personali savo so isilen baro iskustvo ki piri buti rodingje te keren nesto nevo ko mediumsko internet than ki Makedonija. Palo beshiba ko sostanok taro timi taro 24vakti.mk angjape decija kaj ko akava momenti falinela jek romano web tv portali savo ka nudinel pravilno, kvalitetno, informacija baši o Roma. Adaleske formiringape o www.24vakti.mk  ko adava sostanok čivgjem akala celija thaj pričine soske te formirina o jekutno romano web tv portali 24vakti.mk

24Vakti © Copyright 2015 – 2019, Sa o nijamija si protektirime